FULO 3:2 - Qullaawa Maxaafa

² Hakko hee'reenna, Kaaliiqi sokkaasinchi buwanni noo citi giddo hee're leellisi; Museno giira cita ittanni heedheennanni giiraminokkita afe,

FULO 3:2 ပူးပေါင်းရင်းမြစ်များ

KALAQAMA 21:17

Maganuno qaaqqu raare macciishshi; Maganu sokkaasinchi gordoho hee're, «Aggaara! Mayi qarrisinohe? Maganu qaaqqu raare macciishshinona waajjitooti.

KALAQAMA 22:11

Billawa haa're hee'reenna, Kaaliiqi sokkaasinchi gordoho hee're, «Abirihaami! Abirihaami!» yee woshshisi. Isino, «Mooticha'ya macciishsheemmona coyi'ri» yii.

KALAQAMA 48:16

bushu coyi baalunkunni gatisittoe sokkaasinchi, tenne ooso maassi'ri. Anehu, annuwa'ya Abirihaaminna Yisihaaqi su'mino, insanni woshshamo; insano baattote aana batidho» yee maassi'rinsa.

FAARSO 66:12

Baarigaarra aananke guluffanno gede assootto; giiratenna wayi giddoonni hinge sa'noommo; xa kayinni, hala'lado jirote dargira haadhe abboottonke.

FULO 19:18

Kaaliiqi giiratenni dirrino daafira, Siina Ilaala wiliile guggushshitu; ilaalu aaninni ka'anno wiliile boosonni fultannota labbanno; ilaaluno gudisame huxi'ri.

FULO 23:20

«Hadhinanna doogo towatanno'ne gedenna qixxeessoommo'ne dargirano haa're massanno'ne gede, sokkaasincho alba asse soyemmo'ne.

FULO 24:17

Ilaalu aana noohu Kaaliiqihu ayirrinyu xawaabbi Israeelete mannira bubbanno giira gede ikke leellinsa.

FULO 3:16

Xa marte, Israeelete roorroota gamba assi; akaakka'ne Abirihaami, Yisihaaqinna Yaiqoobi Magani Kaaliiqi atera leelloommota kulinsa; insawano dirre Gibitsootu assitinonsa beebba laoommota kulinsa.

ISAYAASI 43:2

Wayi giddoonni higgine sa'inanni woyite, ani ledo'ne noommo; giddoonni sa'inanni woyite wayi diegemmanno'ne. Giirate giddoonni sa'ineennano giira di"ittanno'ne; buwanuno digudanno'ne.

ISAYAASI 63:9

Qarrinsa yanna baalantera ledonsa qarramino; sokkaasincho soye ikkikkinni, isi umisi daye baxillisinninna maarosinni gatisinonsa; bi're hundinni kayise isi duhinonsa.

DAANIEELI 3:27

Hakkunni gedensaanni gashshaano, ayirraddu, shoomantinorinna amaalaasine baalu insa doyissite uurritu. Giira kissinonsakkita, uminsa dananchi nafa itaminokkita, uddanonsa dani soorraminokkitanna giirate fooli nafa kisinonsakkita affu.

ZAKKAARIYAASI 13:7

Olantote Mootichi Kaaliiqi, «Bise! Baqqi yite, ledo'ya nooha allaalaasincho'ya gani! Hakkawoyite, ge'reewu billaallanno; manna'ya ani umi'ya gawajjeemmo.

MILKIYAASI 3:1

Olantote Mootichi Kaaliiqi, «Doogo'ya biddi assanno gede soqqamaancho'ya balaxe soyemmo. Agadhitinoonni Mootichi, hedeweelcho Qullaawu Minisira daanno. La"ate quqquxantinanni sokkaanchi'ya daye gondooro'ya lallawanno» yaanno.

MAARQOOSI 12:26

Reyotenni ka"ate daafira ikkiro kayinni, Maganu Musera citu giira giddo ma yee coyi'rinosiro Muse borro giddo dinabbabbinoonni? Hakkuno, ‹Ani Abirihaami Maganooti; Yisihaaqi Maganooti; Yaiqoobi Maganooti› yaannoho.

LUQAASI 20:37

Reyotenni ka"ate daafira kayinni, Muse citu mule hee're hasaawi yannara Mooticha, ‹Abirihaami Magano, Yisihaaqi Magano, Yaiqoobi Magano› yee woshshino.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

ROOMU SOKKA 8:3

Mannu maali wolqa hoogino daafira, Seeru assara dandiinokki coye Maganu assino. Maganu Beettosi cubbaataamu manni lawishshinni cubboho kakkalo asse soyino. Kunni garinni Maganu cubbu aana yoo yee qorichishino.

MARRO 33:16

Buwanni noo citi giddo hee're coyi'rinohunniti, Kaaliiqiwiinni dagganno maasso, baatto'nera danchu coyi baalu wo'manno gede assito. Yooseefi roduuwisira roorricha ikkino daafira, tini maasso baala isi ga'rera ikkito.

MARRO 4:20

Ki'ne kayinni techonte gede umisi manna ikkitinara, Magani'ne Kaaliiqi ki'ne siwiila daashshinanni boosonni Gibitsetenni fushshe abbino'ne.

LAYINKI TESELONQE 1:7

Xa qarra adhitinannirira ninke ledo fooliishsho aanno'ne. Hatto assannohu, Mootichu Yesuusi wolqaataame sokkaasinesi ledo wala yitanno giiranni gordunni daanno warooti.

EJJEETTO 13:13

Sokkaasinchuno, «Galtekki kulummosere baala assito.