FULO 28:3 - Qullaawa Maxaafa

³ Aarooni anera baxxe qeesimmatenni soqqamannoe woyite uddi'ranno imaana gantanno gede, imaana ganate ogimma oommonsare woshshi.

FULO 28:3 ပူးပေါင်းရင်းမြစ်များ

UMI MOOTOOLLA 7:14

Huraamira camo daashshe seekkate ogimma noosi. Xiroosi ilama ikkinohu alba reyinohu annisino camo daashshe seekka egennino ogeessaati. Huraami ama Nifitaalemi ilamaati. Lowo ogimma afi'rinohu Huraami Selemooni woshshinosi garinni Yerusaalame daye kulloonnisiha camote looso baala loosi.

FULO 35:10

« ‹Giddo'ne noo ogeeyye dagge Kaaliiqi hajajinore baala seekkitona.

FULO 35:25

Ogimma afi'rino meentino angansanni ganinota bule, xiillittenna, duume shalo, hattono suqqinoonni shalono haa're abbi.

FULO 35:30

Muse Israeelete mannira, «Kaaliiqi haxiriggootu ga'renni Huuri beetti Uuri ilinoha Baasilaeeli doorino.

FULO 35:31

Loosannore baalanka, xiinxallatenninna buuxatenni, hayyotenninna ogimmatenni loosanno gede Maganu Ayyaanasi wonshinosi.

FULO 35:35

Siwiila tumannohu, ogeessu loosaasinchi bule, xiillittenna duume shalonni, dancha shaalado uddano, uddano ganannohu seekkinotanna hayyotenni loonsanni looso baala biifissanno gede ogimma uyinonsa.

FULO 36:1

«Baasilaeeli, Oholiaabinna wolootu Qullaawu Dukkanira hasiisannore seekkitanno gede Kaaliiqi hayyonna ogimma uyinonsari baalu Kaaliiqi hajajinore assitanno» yii.

FULO 36:2

Muse Baasilaeeli, Oholiaabinna Kaaliiqi ogimma uyinonsarenna loosoho shiqanno gede umisinni kainoha baala woshshi.

LAWISHSHA 2:6

Egenno aannohu Kaaliiqaati; egennonna buuxa daggannohu isiwiinniiti.

ISAYAASI 11:2

Kaaliiqi Ayyaani isi aana fooliishshi'ranno; hayyotenna wodanchate Ayyaani, amaaletenna wolqate Ayyaani, egennotenna Kaaliiqa waajjate Ayyaani isi aana hee'ranno.

EFESOONI SOKKA 1:17

Ayirradu Anni Mootichinke Yesuusi Kiristoosi Magani, leddine buuxxinannisi gede, egennonna go'lino coye leellishanno Ayyaana aanno'ne gede huucci'reemmo.

MARRO 34:9

Muse dargasi amadanno gede angasi aanaho worinosi daafira, Kaaliiqi Newe beettira Iyyaasura egenno wonshisi. Israeeleno macciishshitusi; Maganu Muse widoonni qole hajajinonsare baalano wonshitu.

YAIQOOBI 1:17

Dancha eltonna wo'mu atooti baalu Maganuwiinniiti. Kuni daannohu caalu gede doyannokkihu woy soorramannokkihu xawaabbu Anni Maganuwiinniiti.