FULO 28:2 - Qullaawa Maxaafa

² Rodiikki Aaroonira gaamaarretenna biinfilleho ikkannosi gede qeesimmate imaana qixxeessisi.

FULO 28:2 ပူးပေါင်းရင်းမြစ်များ

IYYOOBI 40:10

Hattooha ikkoottoro, lowo ayirrinyinninna jawimmatenni kai! Xirchonna gaacheena tuulati!

FAARSO 132:16

Qeesootasi assidhanno coyi baalunkunni maassi'reemmonsa; manni'yano ilillisanni faarsanno.

FAARSO 132:9

Qeesootikki wo'manka woyite halaalaancho coye assito! Mannikkino hagiirrunni ililliso!

FAARSO 149:4

Kaaliiqi mannisinni hagiidhanno; qeelle aatenni jooguulle ayirrisannonsa.

FAARSO 96:6

Ayirrinyunna gaamaarre gaangeessitinosi; jawaantenna xumme Qullaawa Minesi no.

FULO 28:40

«Aarooni oosora gaamaarretenna seesaho ikkannonsa gede shamissa, seeda koffiyanna hallo usudhinanni uddano seekkinsa.

FULO 29:28

Israeele mittimmate kakkalo shiqishidhanno woyite, rachonna qiniitichu tafi hegere geeshsha qeesootu qeechaati. Kuni, Israeele ane Kaaliiqira uyidhanno fushshaateeti.

FULO 31:10

Aarooninna oososi soqqantanno yannara uddidhannota biifado qeesimmate uddano,

FULO 40:13

Aaroonira qullaawa imaana uddisiisse qeesimmatenni soqqamannoe gede zayite buurte anera qullaawa assi.

ISAYAASI 4:2

Mitto barra Kaaliiqi baattote aana noo haqqe baalate sinna hala'lite lattanno gede assanno. Israeelete giddonni baotenni gattinori baalu baatto uyitanno laalchinni la'mite hagiidhitanno.

ISAYAASI 52:1

Tsiyooni kai! Baqqi yii! Wolqakkino uddi'ri! Qullaawa Katama Yerusaalame, ayirrado imaanakki uddi'ri! Kunni ka'a barcintinokkirinna keeraa'mitinokkiri, huxxikki giddora die'anno.

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ISAYAASI 64:6

Ninke baalunku cubbunni battaamboommo; keeraanchimmankeno xure fii'noonni hoccooti. Cubbinke batinyinni kainohunni moolle, diilallo giggishshitino daro gede ikkinoommo.

LEEWAAWOOTA 8:30

Qoleno Muse shiima buurranni zayitenna kakkallanni darga noota shiima mundee haa're, Aarooninna oososi aana, qoleno uddanonsa aana wixi; hatto assatenni Muse insanna uddanonsa Kaaliiqira baxxitinore assi.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

ROOMU SOKKA 13:14

Mooticha Yesuusi Kiristoosa uddidhe ikkinnina, maalu yorto wonshate heddinoonte.

ROOMU SOKKA 3:22

Maganu Yesuusa Kiristoosa amma'nanno manna baala keereensanno. Mannu mereerono badooshshe diworanno.

GALATIYU SOKKA 3:27

Kiristoosi ledo mitto ikkate cuuantinoonniri baalu, Kiristoosi uddidhinoonni.

IBIRAAWOOTA 2:9

Xa kayinni sokkaasinetewiinni shiima yanna geeshsha ajino. Xa kayinni reyote qarra adhino daafira, ayirrinyunna galatu ba'latto worroonnisiha Yesuusa la'neemmo; isi Maganu eltonni baalunku daafira reyino.

IBIRAAWOOTA 7:26

Qullaawu, mishamme nookkihu, fayyaaleessu, cubbaataammuwiinni baxxinohu, aliidi gordira aleenni noohu Qeesootu Qari ninkera malinohu isooti.

LAYINKI PHEEXIROOSI 1:17

«Baxeemmohu beetti'ya konneeti; isi yaannota macciishshe» yitanno huuro jawu ayirrinyisiwiinni daggusi yannara, ayirrinyenna gaacheena adhino.

UMI YOHAANNISI 3:2

Jaalla'ya, xa ninke Maganu oosooti; hiittoore ikkineemmoro xaara dixawinsoonninke; Kiristoosi daanno waro kayinni, ayimmasi anfeemmo daafira, iso lambeemmota egenninoommo.

YOHAANNIS AJUUJA 19:8

Iserano bilicci yitannotanna xurtinokkita shaalado uddano, uddidhanno gede uyinise» yitanna macciishshummo. (Shaalado uddano, qullaawu manniha keeraanchimmate looso leellishshanno.)

YOHAANNIS AJUUJA 5:10

Maganinkera soqqantanno gede, qeesootu gashshoote assoottona; gobbano gashshitanno» yitanni tenne haaro faarso faarsitu.