FULO 27:2 - Qullaawa Maxaafa

² Shoolente maddera umoho buudda wori; buuddano kakkallanni dargi ledo mitteenni seekkite aanaho camo xalli.

FULO 27:2 ပူးပေါင်းရင်းမြစ်များ

UMI MOOTOOLLA 1:50

Adooniyaasino Selemooni waajje Qullaawu Dukkani giddora e"e kakkallanni uduunnichi aana noo buudda cu'mi're eeggo ei.

UMI MOOTOOLLA 2:28

Abeseloomi ledo ikkikkinni Adooniyaasi ledo gano ganinohu Iyoaabi konne coye macciishshe, lubbo gatisi'rara xooqe mare Qullaawu Dukkani giddo kakkallanniwa noo buudda cu'mi're eeggo ei.

UMI MOOTOOLLA 8:64

Hakko barranni Selemooni Qullaawu Minira albaanni mereeroho noo nafarchono Kaaliiqira baxxinoha assi. Hakkiinni aanche gudinse shilqinshanni kakkalo, gidu fushshaatenna mittimmate kakkalo cooma Kaaliiqira shiqishi. Hatto assinohu camotenni seekkinoonnihu kakkalote dargi baalanta kakkalo haa'rannokki daafiraati.

LAYINKI MOOTOOLLA 16:14

Camotenni seekkine Kaaliiqira bandoonnihu kakkalote uduunnichi, isi seekkisiisinohu kakkalote uduunnichinna Qullaawu Mini mereero no. Isono dargisinni hoole haaroho midaadoonni aliyye ragaanni qole wori.

LAYINKI DUDUWO 4:1

Moote Selemooni seendille 20 cigile, godowano 20 cigile, hojja 10 cigile ikkinoha kakkalote uduunnicho camotenni seekki.

FAARSO 118:27

Kaaliiqi Maganoho; ninkera caabbicho ikkinonke; anga darcho amaddine ayyaana ayirrisse; kakkalote darga gaangaabbe.

FULO 27:3

Buluulo worranni midaanna, buluulo fushshinanniricho, kerra, qarabbanna giira worranni bacceno qixxeessi; baalanka uduunne camotenni seekki.

FULO 29:12

Mundee angichunni haadhe kakkallanni buudda aana gani; gattinota kakkallanni dargira woroonni duni.

FULO 38:30

Qullaawu Dukkanira e'nanni waalchira uurrinsanni lekkuwa, kakkalote dargiha meemmaamo uduunnichonna kakkalote dargi uduunne baalanka camotenni seekki.

HIZIQEELI 43:15

Kakkalo shilqinshannihu umiidi dirimi hojja 4 cigileeti; kakkallanni basera shoolente maddera luphi yitinoti 4 buudda no.

LEEWAAWOOTA 16:18

Hakkiinnino fule, kakkalote dargira dayona; middichunnitanna gocunnita shiima mundee haa're, kakkallanni darga shoolente maddera noo buuddara kisiisona.

LEEWAAWOOTA 4:18

Qoleno, shiima mundee haa're Xaadu Dukkani giddo ane albaanni nootera hixaana giirranniwa shoolente maddera noo budda aana coccossona. Gattino mundee gudise Xaadu Dukkana e'nanniwa shilqote kakkalo shiqinshanni dargira woroonni dunona.

LEEWAAWOOTA 4:25

Qeesichuno kakkalote mundee qubbichunni haa're, shilqote kakkalo shiqinshanni darga shoolente maddera noo buudda baalate kisiisona. Gattino mundee kakkallanni dargira woroonni dunona.

LEEWAAWOOTA 4:7

Qoleno, shiima mundee haa're, Dukkanu giddo hixaana giirranni uduunnichira shoolente maddera nootera shoolente buudda aana coccossona. Gattino mundee Dukkanu xullichi hunda shilqinshanni kakkalo darga dunona.

LEEWAAWOOTA 8:15

Muse middicha gorre, kakkallanni dargi Maganoho baxxinoha ikkanno gede, shiima mundee qubbichunni haa're kakkallanni darga shoolente maddera noo buuddara buuri; gattino mundee kakkallanni dargira woroonni duni. Kunni garinni kakkallanni darga keereense Maganoho baxxinoha assi.

ZAKKAARIYAASI 9:15

Olantote Mootichi Kaaliiqi mannisira gargaraancho ikkanno; insano diinnansa corqaayyete worroonni kinnanni guddanno. Kakkalote mundee kakkalote darga dunnannihu gede, diininsa mundee ga'nite dimbinohu gede ikkite alaakkanno.

KIIRO 3:31

Insa Taaboota, xarapheezza, caabbicho worranni uduunnicho, kakkalote uduunne, Qullaawu Dukkani uduunne baala, Qullaawu Holgi waalchi dukkonna ledo noo uduunne baala agartanno.

IBIRAAWOOTA 6:18

Soorramannokkihanna Maganuno kapha dandaannokkire lamenka hexxosinna xaarosi uyinonke. Kunni lamunku coyi widoonni albankeenni noo hexxo seekkine cu'mi'rate dandiineemmo gede, golo ikkannonkehu widira hinge xoonqoommori ninke lowo jawaante afi'neemmo.