3 Onte onte dukko mimmitunniwa xaadinse gombona.
Mitte mittenti dukko mimmito roortukkinni godowa 28 cigilenna hojja 4 cigile ikkitona.
Onte ontente xaadinsoonni dukko hunda bule heqonni seekkinoonni ilo wori.
Onte dukko mitto widoonni, 6 dukko mitto widoonni worte gowi; leelki dukko erte dukkanaho albaanni ledde diwi.
Onte dukko mitto widoonni, onte mitto widoonni xaadisse gobbu.
Huucci'reemmohehu insa baalunku mitto ikkitanno gedeeti. Anna'ya, ati anenni, anino atenni noommonte gede, insano ninkenni heedhanna, tini gobbano soottoeta ammantanno gedeeti.
Addi addihu Qullaawu Ayyaani afanshi no. Qullaawu Ayyaani kayinni mittoho.
Manninatu sufatto baalatenni sufame xaadinohu isinniiti. Mittu mittunku bisi loososi loosanno woyite manninatu baalu lophanno; baxillunni dhaawamanno.
Tenne assanno manchira umo ikkinohu Kiristoosi ledo mittu xaadooshshino dinosi. Mannimma baala xaadise diimmichunni gamba asse amadisiise, maddarannohu umoho. Maganu mannimma baalate wo'ma lopho aannohu kunni garinniiti.
Sharrameemmohuno wodaninsa diggi yaaranna baxillunni usurante, wo'ma wodancha afi'ratenni Maganu daho ikkinoha Kiristoosa affanno gedeeti.
