FULO 24:7 - Qullaawa Maxaafa

⁷ Kaaliiqi hajajo borreessinoonniha Gondooru maxaafano haa're mannaho nabbawi. Mannuno, «Kaaliiqi yiinore baala assineemmo; hajajosino wonshineemmo» yii.

FULO 24:7 ပူးပေါင်းရင်းမြစ်များ

UMI MOOTOOLLA 8:9

Israeelete manni Gibitsetenni fuli waro, Kaaliiqi ledonsa gondooro e"eenna Siina Ilaalira Muse worinore 2 bocame kinna agurranna Gondooru Taabooti giddo woliri mitturino dino.

LAYINKI DUDUWO 15:14

Yitino coye wonshitannota egensiisate qoonqonsa naggi assite Kaaliiqi su'minni xaartu. Xurumbanna buudu xurumba ufuuffanni hagiirrensa leellishshu.

FAARSO 50:5

«Kakkalotenni ledo'ya gondooro e'inore, dooraminoha manna'ya anewa gamba asse» yaanno.

FAARSO 78:36

Ikkeennano, afiinsanni awaawurtinosi; arrawinsannino dogginosi.

FULO 19:8

Mannuno mitto afoo ikke, «Kaaliiqi hajajinoha baala assineemmo» yee dawari. Museno mannu coy'rino coye Kaaliiqira egensiisi.

ERMIYAASI 34:13

Israeelete Magani Kaaliiqi, «Ani akaakka'ne Gibitsete gobbanni, borojjimmatenni fushshummo waro insa ledo gondooro eoommo.

ERMIYAASI 42:6

Seyirono bushirono Maganinke Kaaliiqi yiino gede ikkineemmo. Isi yiinota ikkinummoro baalunku coyi qinaannonke» yitue.

HIZIQEELI 16:8

« ‹Galagale mulekkiinni saummo woyite, mine assi'rate iilloottata afoommo. Mulqame nooha bisokki seemma'yanni diwe baxeemmoheta egensiisate xaaroommo. Adhammohera gondooro e"e umi'yata assi'roommohe. Konne coye coyi'roommohu ani Mootichu Kaaliiqaati.

MILKIYAASI 2:10

Ninke baalunku mittu anni ooso di"ikkinoommo? Ninke baalanka kalaqinohu mitto Magano di"ikkino? Mayiraatiyya mimmitonke monganni Kaaliiqi akaakkanke ledo eino gondooro mullare assineemmohu?

SOQQAMAASINETE LOOSO 13:15

Seerunna himanaanote maxaaffa nabbambihu gedensaanni xaadu mini roorrooti, «Roduuwa, jawaachishshanno seejjo noo'nero, mannaho kulle!» yite Phaawuloosiuuwa manna sokku.

QOLASIYAASI SOKKA 4:16

Tenne sokka ki'ne nabbabbinihu gedensaanni Lodooqiyaho noo beetekiristaane mannino nabbawanno gede asse. Ki'neno Lodooqiyunni sonkanni'ne sokka nabbabbe.

UMI TESELONQE 5:27

Tenne sokka qullaawootu roduuwi baalaho nabbabbinanni gede Mootichu su'minni eegammeemmo'ne.

IYYAASU 24:24

Hakkunni gedensaanni, mannu Iyyaasura, «Ninke Maganonke Kaaliiqa magansi'neemmo; hajajosino wonshineemmo» yii.