FULO 24:3 - Qullaawa Maxaafa

³ Museno daye, mannaho Kaaliiqi yiinorenna wogasi baala kulinsa. Mannuno mitto afoo ikke, «Kaaliiqi yiinonkere baala wonshineemmo» yee dawari.

FULO 24:3 ပူးပေါင်းရင်းမြစ်များ

LAYINKI DUDUWO 15:14

Yitino coye wonshitannota egensiisate qoonqonsa naggi assite Kaaliiqi su'minni xaartu. Xurumbanna buudu xurumba ufuuffanni hagiirrensa leellishshu.

LAYINKI DUDUWO 15:15

Yihudu manni konne gondooro wo'mu wodaninsanni eino daafira tashshi yiinonsa. Maganunniwano higgeenna isino higinonsa. Isino yitinore macciishshe wo'manka ragaanni keere uyinonsa.

FAARSO 50:5

«Kakkalotenni ledo'ya gondooro e'inore, dooraminoha manna'ya anewa gamba asse» yaanno.

FULO 19:8

Mannuno mitto afoo ikke, «Kaaliiqi hajajinoha baala assineemmo» yee dawari. Museno mannu coy'rino coye Kaaliiqira egensiisi.

FULO 24:2

shiqqi yitoonke. Ati callu anewa shiqqi yii. Wolu manni ilaalu iimira giddoonke yii» yiisi.

FULO 24:7

Kaaliiqi hajajo borreessinoonniha Gondooru maxaafano haa're mannaho nabbawi. Mannuno, «Kaaliiqi yiinore baala assineemmo; hajajosino wonshineemmo» yii.

ERMIYAASI 11:4

Kuni gondoori siwiila daashshinanni booso gede iibbitino gobba Gibitsennitenni fushshummonsa waro akaakka'nera oommoho. Anera hajajanturonna yeemmore assituro, manna'ya ikkitannotanna anino Maganonsa ikkeemmota egensiisoommonsa.

ERMIYAASI 34:13

Israeelete Magani Kaaliiqi, «Ani akaakka'ne Gibitsete gobbanni, borojjimmatenni fushshummo waro insa ledo gondooro eoommo.

HAGE 2:5

Gibitsete gobbanni fultini waro, ‹Ledo'ne noommo› yuummo qaali garinni xaano Ayyaani'ya ledo'ne noona jawaatte! Waajjitinoonte» yee kulinsa.

MILKIYAASI 2:10

Ninke baalunku mittu anni ooso di"ikkinoommo? Ninke baalanka kalaqinohu mitto Magano di"ikkino? Mayiraatiyya mimmitonke monganni Kaaliiqi akaakkanke ledo eino gondooro mullare assineemmohu?

MARRO 11:1

«Kunnira, Magano'ne Kaaliiqa baxxe. Wodhosi, wogasi, seerasinna hajajosi wo'manka woyite agadhe.

MARRO 4:1

Xaano Israeele, lubbotenni heedhinanni gedenna annuwa'ne Magani Kaaliiqi aanno'ne baatto ragidhinanni gede rosiiseemmo'ne woganna seera wonshe.

MARRO 4:45

Israeelete manni Gibitsete gobbanni fuli yannara, Muse uyinonsa rosiishshi, woganna seeru konneeti.

MARRO 4:5

Martine amaddinanni baattora, wonshitinanni gede Magani'ya Kaaliiqi hajajinoe garinni woganna seera rosiisoommo'ne.

MARRO 5:1

Muse Israeelete manna baalanka woshshe, «Israeele, techo barra macca'nera kuleemmo'neta woganna seera macciishshe; buuxxe; seekkitine agadhe.

MARRO 5:31

Ati kayinni, ragidhara eemmonsa baattora agadhitanno gede rosiisattonsa hajajo, woganna seera baalanka eemmohe gede konne anewa agari› yiinoe.

MARRO 6:1

«Martine ragidhinanni baattora agadhitinanni gede rosiisammo'nera Magani'ne Kaaliiqi uyinoe hajajo, woganna seeru kunninni aane nooho:

IYYAASU 24:21

Mannuno Iyyaasura, «Dee'ni! Ninke Kaaliiqalla magansi'neemmo» yiisi.

IYYAASU 24:22

Iyyaasuno, «Maahoyyena xa Kaaliiqa magansi'rate doodha'nera ki'ne ki'neneera naqaashshete» yee coyi'rinsa. Insano, «Ee! Ninke ninkeneera naqaashshete!» yite dawartu.

IYYAASU 24:24

Hakkunni gedensaanni, mannu Iyyaasura, «Ninke Maganonke Kaaliiqa magansi'neemmo; hajajosino wonshineemmo» yii.