23 Qarrissineennansa anewa higge raarturo, ani raarensa macciishshe kaa'leemmonsa;
Hakkuri buxane qarrisse, Maganunniwa higge raartanno gede assitanno; isino raarensa macciishshino.
«Mannu qarru bati'rinsaro raaranno; kaa'lo afi'rateno woxaratanno.
Ati Maganu kayinni qarranna shetto la"atto; wo'manka woyite towatate qixxaawaho; hawaaxamu irkisattosira atewa shiqanno; annanna ama hoogginoreno ati kaa'latto.
Kaaliiqa, ati buxanete halaale coyi'rattota, qarraataammahono dancha malattota afoommo.
Ayirrissannosirira hasiisannonsare baala aannonsa; raarensa macciishshe gatisannonsa.
Shetummo yannara, Kaaliiqa woshshi'rummo; kaa'laera Magani'yawa hige raarummo; Qullaawu Minisira hee're, qoonqo'ya macciishshi; raare'yano isiwa iillitu.
Maganu qullaawu dargisira hee're, buxoho annaho; gunnootaho malannoho.
Woliri noosikki daafira, diphe galannore diafi'rino; anewa hige raariro, ani marareemmoha ikkoommo daafira raaresi macciishsheemmo.
Annuwanke diinu anga reyitu; kunnira amuuwinke gunnoota ikke gatino.
Maganu hashsha barra Isiwa higge raartannorira roorse halaalu yoo diyaannonsa? Lashshi asse agureenna kaa'lo keeshshitannonsani?
Isi annanna ama afidhinokkiriranna gunnootaho coyi'rannonsa. Manninke ledo hee'rannoha manni gobba mannano sagalenna imaana aanni towatannonsa.
‹Asale agurrannihu lamalki diri iillino› yitannoti busha hedo galteenna'ne qarraataamu rodii'nera kaajjitinannikki gedenna, mittoreno uyitinisikkinni gattinannikki gede, isino Kaaliiqira ku'leenna saote kiiranno'nekki gede qorophe!
Buxane ikkitinohura quqquxamatenni agadhitannona, hunkeensa hakko barranni, arrishsho e'ukkinni uuyyensa. Hatto ikka hoogiro kayinni, Kaaliiqiwa higge raarte cubbo abbitanno'ne.
Gate'ne gide gamba assitanni hossino loosaasinera daafurinsa waaga aa gibbineenna, kuneeti raartanni no. Gide'ne gamba assitannori raare Olantote Mootichi macciishshino.