FULO 20:4 - Qullaawa Maxaafa

⁴ «Gordohono ikko baattote, baattote woroonni wayi giddo noorichinnino ikkiro magansi'rate yitine ayee misileno seekkidhinoonte.

FULO 20:4 ပူးပေါင်းရင်းမြစ်များ

UMI MOOTOOLLA 12:28

Konne coye malihu gedensaanni, 2 siittu misile culkunni seekkisiise mannaho, «Magansi'rate Yerusaalame ha'ra daafursitanno'nena ha'ra agurre. Israeelete manna! Gibitsetenni fushshitu'ne maganna tenneeti» yiinsa.

LAYINKI MOOTOOLLA 17:12

Kaaliiqi magansidhannokki gede hoolinota kaphu maganna magansidhe seerasi diiggu.

LAYINKI DUDUWO 33:7

Qullaawa Mine kaphu magani misile worino. Kuni Qullaawu Mini Maganu Daawitiranna beettisi Selemoonira, «Kuni Yerusaalamete noohu Qullaawu Mini ane magansi'nannie gede tonaa lamente Israeelete ga're gobba giddonni doodhoommo dargaati.

FAARSO 78:58

Gaaraho magansidhannowa hanqissinosi; seekkinoonni misillanni aarsitinosi.

FAARSO 97:7

Seesiinsoonni misilera kumbuulannohu baalu, kaphu maganna adawadhitannori baalu saalfatto; maganna baala Kaaliiqira kumbuultanno.

FULO 20:23

Ane agurranna wole maganna heedhoonke; birrunninna culkunni seekkinoonnita kaphu maganna magansidhinoonte.

FULO 32:1

Muse ilaalu aana keeshshita mannu Aarooniwa shiqe, «Hakku Gibitsetenni fushshinkehu Muse maikkinoro dianfoommona, ka'e albaanni ha'ranno magano seekkinke» yitusi.

FULO 32:23

Insano, ‹Hakku Gibitsetenni fushshinonke manchi Muse maikkinoro dianfoommona, ka'e albaanni ha'rannoha magano seekkinke› yitinoe.

FULO 32:4

Isino qalawatta angansanni haa're giiratenni daashshe siitu misile seekkinsa. Mannu mimmitoho, «Israeele, kuni Gibitsete gobbanni fushshe abbinonke maganooti» yii.

FULO 32:8

Ani hajajoommonsa doogowiinni hakkawoyintenni agurte fulte, daashshine seekkinoonnita siitu misile seekkidhe magansidhino; kakkalono shiqishshe, ‹Israeele, kuni Gibitsete gobbanni fushshe abbinonke maganooti?› yitino.

FULO 34:17

Magansi'rate yitine siwiila daashshitine misilla seekkidhinoonte.

ISAYAASI 42:17

«Misilla hexxite, ‹Ki'ne magannankeeti› yitannore, saalu amadannonsa» yii.

ISAYAASI 42:8

«Su'mi'ya Kaaliiqaati; ayirrinye'ya gutamannohu wolu magani dino; misillano galata'ya beeqqitara dihasi'reemmo.

ISAYAASI 45:16

Magansi'nanni misilla seekkitannori baalu saalfattanno; irraabbanno; baalunku mitteenni shollitanno.

HIZIQEELI 20:7

Baxxannota tiyyi'nannita misillansa huntanno gedenna, ani Kaaliiqi Maganonsa ikkoommohura, Gibitsete maganna kaphunnita magansi'ratenni umonsa batteessitannokki gede kuloommonsa.

HIZIQEELI 8:10

Giddora e"e laeemmo woyite, xarrate aana hamasu, giwissannotinna intannikki saada misilla, hattono Israeele magansidhannoti kaphu maganna rarra'e no.

HIZIQEELI 8:3

Isino mannu anga labbannotenni umi'ya danancho amade gotti assie. Tenne ajuujanni Maganu Ayyaani baattotenni iima qole kayise, Yerusaalame iillishie. Aliyye ragaanni Kaaliiqa hanqissannoti kaphu maganna noowa Qullaawu Maganu Minira haa're massie.

LEEWAAWOOTA 19:4

«‹Kaphu magannawa alba higginoonte; woy daashshinoonni siwiillanni umi'nera maganna seekkidhinoonte. Ani Kaaliiqi Magano'neeti.

LEEWAAWOOTA 26:1

Kaaliiqi, «Magansi'rate kaphu maganna, misile woy kalaqamunnita, boncoonnita woy boncoonnikki kinna magansi'rate uurrisidhinoonte. Ani Kaaliiqi Magano'neeti.

KIIRO 12:8

Ani isi ledo xawoho hasaaweemmota ikkinnina, go'lino garinni dicoyi'reemmosi; isino ane illesinni la"anno. Ki'ne soqqamaancho'ya Muse hiitto seyattine, kunni garinni coyidhinisi?» yiinsa.

SOQQAMAASINETE LOOSO 17:29

Xa ninke isi ooso ikkinummoro, ‹Magano mannu ogimmanninna hayyonni daashshine seekkinoonni culka woy birra, qoleno kincho bonce seekkinoonni uduunnicho lawanno› yine heda dihasiissanno.

ROOMU SOKKA 1:23

Hegere Magano ayirrisa agurte, mannu, ceatenni, saadatenninna godowunni ha'ranno kalaqami suudinni seekkinoonni misillara ba'annotera ayirrinye uyitu.

MARRO 16:22

Magani'ne Kaaliiqi baxannokki daafira, magansi'nanni sooddiyye uurrisidhinoonte.

MARRO 27:15

«Ogeessu seekkannoha, Kaaliiqi giwannota misile siwiilunni, haqqetenni woy kinnatenni qixxeessi're maaxe wodhannohu rumaminoha ikko. Mannu baalunku, ‹Eewanni ikko!› yoo.

MARRO 5:8

Iima gordoho, uulla baattote aana noorinni woy baattote woroonni wayi giddo hee'rannori daninni mayi misileno umikkira magano assidhe seekkidhooti.

YOHAANNIS AJUUJA 16:2

Umi sokkaasinchi mare angasi noo gabate giddo nooha baattote aana duni. Moyichu malaate wodhitinoriranna misilesi magansidhinorira shetissannoti busha mada kalaqantunsa.

YOHAANNIS AJUUJA 9:20

Kunni qoomaminni reyitukkinni gattinori busha looso agurte diaagintaabbino. Durriisahonna culkunni, birrunni, camotenni, kinchunninna haqqetenni seekkinoonnirira la"a, woy macciishsha, woy ha'ra dandiitannokki maganna kaphunnitera soqqama diagurtino.

EJJEETTO 17:3

Birrase qoliseta amasi, «Rumo beetti'yara iillitannokki gede, birra'ya daashshine misile seekkinanni gede Kaaliiqira oomma» yitu. Kunnira, «Birra daware atera oommahe» yitusi.