FULO 20:3 - Qullaawa Maxaafa

³ «Ane agurranna wolu magani hee'roonke'ne.

FULO 20:3 ပူးပေါင်းရင်းမြစ်များ

UMI MOOTOOLLA 11:4

Geedhimma lexxitanni hadhusi kiironni, wole maganna magansi'ranno gede assisi. Annisi Daawiti gede ikke Kaaliiqira diammanamino.

FAARSO 29:2

Kaaliiqira su'misi ayirrinye abbe; Ayirrado Qullaawa dargasi Kaaliiqira kumbuulle.

FAARSO 73:25

Gordoho ate ka'a ayi nooe? Baattote aanano ate afi'rummohu ka'a wolu ma"assannoe?

FAARSO 81:10

Gibitsete gobbanni fushshummo'nehu ani Kaaliiqi Magano'neeti; wonsheemmo'nena afoo'ne halashshitine fanne.

FAARSO 81:9

Wolu magani hee'roonke'ne; kaphu maganono magansidhinoonte.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

FULO 20:23

Ane agurranna wole maganna heedhoonke; birrunninna culkunni seekkinoonnita kaphu maganna magansidhinoonte.

FULO 22:19

«Saadate ledo siimu xaadooshshe assannoha shinona.

FULO 23:24

Magannansa magansidhinoonte; qoltineno soqqantinoontensa; loosinsarano karsantinoonte. Magannansa co'o assitine hunne. Magansidhannota sooddiyyensano hiiqqaqqe.

FULO 32:8

Ani hajajoommonsa doogowiinni hakkawoyintenni agurte fulte, daashshine seekkinoonnita siitu misile seekkidhe magansidhino; kakkalono shiqishshe, ‹Israeele, kuni Gibitsete gobbanni fushshe abbinonke maganooti?› yitino.

FULO 34:14

Ani Kaaliiqi hinaasaancho Maganootina, wole magano magansidhinoonte.

ISAYAASI 26:4

Mootichu Kaaliiqi hegere golootina, geedote geeshsha iso addaxxe.

ISAYAASI 42:8

«Su'mi'ya Kaaliiqaati; ayirrinye'ya gutamannohu wolu magani dino; misillano galata'ya beeqqitara dihasi'reemmo.

ISAYAASI 43:10

«Ki'ne Israeele, ani Kaaliiqa ikkoommota buuxxine, egentinannienna ammantinannie gede doodhoommo; soqqamaano'yaatinna naqaashshe'yaati. Ane agurranna kunni albaanni wolu magani dino; kunni ka'ano dihee'ranno.

ISAYAASI 44:8

Ki'ne waajjitinoonte; bi're hundinni kayise balaxe dikuloommo'ne? Hanni ane gedeehu ayeti? Ki'ne anera naqaashshe'yaati; ane agurranna wolu Magani nooni? Ane ka'a golo ikkannohu nooni?» yii.

ISAYAASI 46:9

Bi're hundinni kayise ikkino coye qaagge; ani callu Maganoho; ane agurranna wolu magani dino; ane gedeeha wole dianfanni.

ERMIYAASI 25:6

Wole maganna hoode hadhinoonte; insarano soqqantinoonte; kumbuultinoontensa. Anga'nenni seekkidhinoonni misillanni Kaaliiqa hanqissinoonte; tenne hajajo agartiniro isi diqorichishanno'ne› yite kultino'ne.

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

ERMIYAASI 7:9

Ki'ne moortinanni, beebbaataamo manna shitinanni. Foortinanni; beebbatenni xaartinanni; Ba"aalira kakkaltinanni; albaanni egentinoonnikkita kaphu maganna magansidhinanni.

DAANIEELI 3:18

Moote! Gatisa giwinkero nafa magannakki magansi'neemmokkitanna uurrisoottotera culku misilera kumbuulleemmokkita afi» yitusi.

HOOSEI 13:4

Kaaliiqi, «Gibitsete gobbanni fushshummo'nehu ani Kaaliiqi Magano'neeti; ane agurranna wolu Magani dino'ne. Gatisaanchi'neno ane callaati.

MAATEWOOSI 4:10

Hatte yannara Yesuusi, «‹Mootichu Maganikkira kumbuuli; iso calla magansi'ri!› yine borreessinoonnina, ati Sheexaanu anewiinni fafi!» yiisi.

UMI QORONTOOSI 8:4

Kaphu magannara kakkalate gorrinoonni maala itate daafira coyi'nanni woyite, kaphu maganna tenne gobba aana haafare ikkitinotanna mitto Magano agurranna wolu nookkita anfoommo.

UMI QORONTOOSI 8:6

ninkera duuchunkuri isinni ikkinohu, ninkeno isire ikkinoommohu mittu Magani Annu noonke. Qoleno duuchunkuri isi widoonni ikkinohu ninkeno isinni hee'neemmohu mittu Mootichi Yesuusi Kiristoosi noonke.

EFESOONI SOKKA 5:5

Foorannohu, woy saalsiisanno coye assannohu, woy hafuuraamu (hattoo manchi kaphu magano magansi'ranno), Kiristoosinna Maganu Gashshootira dargu hee'rannosikkita affe.

MARRO 5:7

« ‹Ane agurranna wole maganna heedhoonkehe.

MARRO 6:14

Gaangaawi'nera noo manni magansi'rannota wole maganna ha'runsitinoonte.

MARRO 6:5

Magano'ne Kaaliiqa, wo'mu wodani'nenni, wo'ma lubbo'nenni, wo'ma wolqa'nenni baxxe.

FILIPHISIYUSI SOKKA 3:19

Godowinsa maganonsaati; shollinyinsa ayirrinyensaati; hedonsa tenne uullate. Kunnira, goofimarchinsa baote.

QOLASIYAASI SOKKA 2:18

Dogate joongillinninna sokkaasine magansi'ratenni adawadhannohu ayino mullawa gatisanno'nekki gede qorophe. Hattoo manchi, la"anno ajuujanni isonoo seekki'ranni kaphu hedo umisitenni naaxxanno.

YOHAANNIS AJUUJA 19:10

Ani sokkaasincho magansi'rammora lekkasira woroonni kumbuulummo. Isi kayinni, «Qorophi togo ikkitooti! Anino atenna Yesuusi uyino halaale amaddinori roduuwikki ledo soqqamaanchootina, Magano magansi'ri! Yesuusi xawisino halaali, himanaano jawaachishannoho» yiie.

YOHAANNIS AJUUJA 22:9

Sokkaanchu kayinni, «Qorophi! Togo ikkitooti! Anino atenna himanaano roduuwikki ledo, kunni maxaafi giddo noo qaale agadhitannori ledo soqqamaanchohona, Maganoho kumbuuli!» yiie.

EJJEETTO 6:10

Ani Kaaliiqi Magano'neeti; gobba'nera noota Amooraawootu maganna magansidhinoonte› yoommo'ne. Ki'ne kayinni yoommota dimacciishshitinoonni» yii.