FULO 2:3 - Qullaawa Maxaafa

³ Ikkeennano hakkuyi aleenni maaxa dandiitannokkita affe, leemmunni seekkinoonni gimboola haadhe wayi eannokki gede aanaho suwe gante, qaaqqo gimboolu giddo worte wayi gama noo haqali giddo massite wortu.

FULO 2:3 ပူးပေါင်းရင်းမြစ်များ

KALAQAMA 11:3

Insa insanaawa, «Amme doru bano seekkine, kaajjanno gede giirrona!» yitu. Kunni garinni mi'nitanno bano afidhu; mitteenni qa'missannota Qixiraani yinanni haphaayyono afidhu.

KALAQAMA 14:10

Sidiimi Lagichira suwete balla wo'mitino; kunnira, Soddoomunna Gomooru mootoolla olu giddonni xooqqe fultara wo'naa'ltanni heedhe ballate giddo ubbu; gattinori sasu mootoolla kayinni ilaallate widira higge xooqqu.

KALAQAMA 6:14

Ati kayinni umikkira dancha haqqichonni markaawe seekki'ri; giddoseno batinye kifilla heedhanno gede assi; wayi giddora eannokki gede qixiraani yinanni suwe markaawete giddoyidiranna gobbayidira xalli.

FULO 1:22

Hakkunni gedensaanni Feriooni mannasi baala, «Ibiraawootunniha ilamannoha labbaa qaaqquulle baala massitine Abbayi Wayi giddo tugge; meya qaaqquulli kayinni lubbotenni hee'rona agurre» yee hajaji.

ISAYAASI 18:2

Hatti gobba, sokkaano haqalunni seekkinoonni markaawe gulufisiisse Abbayi Wayi aanaanni qolte sokkanno. Manninsa hojjaameeyyetenna shaqqadu bisireeti; gobbansa wayinni beehantinote. Ki'ne sokkaano, gosa baala waajjitannoriwa kaajjadonna wolqaataame gosawa marre!

ISAYAASI 19:6

Gorsuwa bobbanno; Gibitsete baattora wayi dihee'ranno; hanxonna haqaluno moolanno.

ISAYAASI 35:7

Iibbe itanno shaafi kofame ikkanno; moola baattora buicho burqitanno. Yeedaala hossanno darga, shaqqado hayissonna haqalu fulanno.

MAATEWOOSI 2:13

Beeddahe la'anno ayyaanto hadhuhu gedensaanni, Mootichu sokkaasinchi Yooseefiwa haaqeete daye, «Heeroodisi qaaqqo shaara hasi'ranni noona, ka'e amate ledo haadhe Gibitse xooqi! Kulammohe geeshsha hakko keeshshi!» yiisi.

MAATEWOOSI 2:16

Heeroodisi soojjaatinni daggino ayyaanto dogginosita afe lowo geeshsha hanqi. Beetelihemetenna qooxeessisera noore labbaa qaaqquulle lamu dirirenna lamu diri kawire baala shiishiishe gudi. Hatto assinohu ayyaanto kultinosi yanna hedeeti.

SOQQAMAASINETE LOOSO 7:19

Kuni haaru moote manninkera gano gane annuwanke gadadisino. Qaaqquullinsa reyara fushshite gobba huntanno gede annuwanke qarrisino.