FULO 2:24 - Qullaawa Maxaafa

²⁴ Maganuno urattonsa macciishshe Abirihaami, Yisihaaqinna Yaiqoobi ledo eino gondooro hedi.

FULO 2:24 ပူးပေါင်းရင်းမြစ်များ

KALAQAMA 15:13

Kaaliiqi Abiraamira, «Sirchikki allaggu gobbara wosi'ne hee'rannota seekkite afi; hakkiichono borojjimmatenninna kadamatenni 400 diro hee'ranno.

KALAQAMA 16:11

Kuneeti, godowoottaha labbaa beettono ilatta; Kaaliiqi dadillunnita wi'lakki macciishshinohe daafira, su'masi Ismaeeli yaatta.

KALAQAMA 17:7

«Atenna ane mereero, ate gedensaannino sirchikki ledo gondoori'ya soorramannokki gede asseemmo; ateranna ate gedensaanni sirchikkira Magano ikkeemmo.

KALAQAMA 18:18

Abirihaamino halaalinta jawanna wolqaataame gosa ikkanno; gobbate aana noo manni baalu isi widoonni hige maassamanno.

KALAQAMA 22:16

«Kaaliiqi: Lowo geeshsha maassi'reemmohe gede su'mi'yanni xaareemmo. Konne assoottohuranna mitto beettokki anera ho'loottoekkihura, anino sirchokki gordu beeddahe gedenna baaru shaafi gede asse batiseemmo; sirchikki diinnansa qeele katammansa amadanno.

KALAQAMA 26:2

Hakkiicho Kaaliiqi isira leelle, «Gibitsete gobba hadhootina, ani kuleemmohe gobbara hee'ri.

KALAQAMA 26:24

Hakko hashsha Kaaliiqi Yisihaaqira leelle, «Ani annikki Abirihaami Maganooti; ani ate ledo noommona waajjitooti! Maassi'reemmohe; soqqamaanchi'ya Abirihaami daafira yee sirchokki batiseemmo» yiisi.

KALAQAMA 26:3

Kawiicho hee'ri; anino ledokki hee'reemmo; maassi'reemmohe; tenne baatto baala ateranna sirchikkira eemmo; annikki Abirihaamira xaaroommo xaarono wonsheemmo.

KALAQAMA 32:28

Manchu qole, «Kunni ka'a su'makki Yaiqoobi diyinanni; Maganunna manchu ledo sharrante qeelootto daafira, su'makki ‹Israeeli› yinanni» yiisi.

KALAQAMA 35:11

Qoleno Maganu, «Wo'manka Dandeemmo Magani aneeti; ili, ilami; lowo manni anna ikki; mootoolla atewiinni fultanno.

KALAQAMA 35:12

Abirihaamiranna Yisihaaqira oommo baatto aterano eemmo; ate gedensaannino sirchikkira eemmo» yiisi.

KALAQAMA 8:1

Maganu Nohi, markaawete ledosi noo moyichirenna saada baalannire hedi; baattote aanira bubbe soyenna wayi xei.

LAYINKI MOOTOOLLA 13:23

Kaaliiqi kayinni shaqqillisinni mararinonsata ikkinnina techo geeshsha albisinni dihuninonsa. Hatto assinohu Abirihaami, Yisihaaqinna Yaiqoobi ledo eino gondoori daafira yeeti.

FAARSO 102:2

Qarru iillannoe yannara muli'yanni faffootie; maccakki ane widira qolte, woshshi'reemmohe woyite rakke dawarie.

FAARSO 105:42

Soqqamaanchisi Abirihaamira uyinoha, qullaawa gondooro qaagi.

FAARSO 106:45

Insara yee gondoorosi qaagino; bagamannokkihu baxillisinni kainohunni mararinonsa.

FAARSO 138:3

Woshshi'rummohe yannara yee yoottoe; jawaantekkinni jawaachishoottoe.

FAARSO 22:24

Qarraataamo dimishanno; lashshino diassanno; albasino isiwiinni shawwu diassanno; isiwa raaranno woyite macciishshannosi.

FAARSO 22:5

Atewa higge raarte, balatenni gattino; ate addaxxitino; atino disaalfachishoottonsa.

FAARSO 79:11

Usuranyootu raare macciishshi; reyitona yinoonnire bayira wolqakkinni gatisinsa.

FULO 6:5

Qoleno Gibitsootu borojjimmatenni qarrisseennansa raartino raare macciishshoommo; oommonsa hexxono qaagoommo.

KIIRO 20:16

Kaaliiqi widira hinge raarreenna isino macciishshe sokkaancho soye Gibitsetenni fushshinonke. «Xa kune gashshootikki dannira Qaadesi Katamira hee'noommo.

SOQQAMAASINETE LOOSO 7:34

Gibitsete gobbara noohunniha manni'ya qarra addinta afoommo; qarrunnita raarensano macciishshoommo. Kunnira gatisammonsara dirroommo. Xa ate Gibitsete gobba soyammoheraatina amo› yii.

EJJEETTO 2:18

Kaaliiqi albisannoha kayisannonsa kiironni, hakku albisi Kaaliiqi ledosi noo daafira, Israeele diininsa anganni gatisino. Mannu qarru batinyinni kainohunni raaranno woyite, Kaaliiqi mararinonsa.

UMI SAAMUEELI 9:16

«Ga'a tenne yannara Biiniyaami ga'renni mitto beetto atewa soyemmona, manna'ya Israeele gashshanno gede buuri. Isi manna'ya Filisxeemete anganni gatisanno. Anino manni'ya qarra iima hee're laoommo; raarensano macciishshoommo» yiinosi.