FULO 2:23 - Qullaawa Maxaafa

²³ Lowo diri gedensaanni Gibitsete moote reyi; Israeelete manni kayinni borojjimmate gadadi giddo hee're kaa'lo afi'rate raari; raarensano Maganunniwa iillitu.

FULO 2:23 ပူးပေါင်းရင်းမြစ်များ

KALAQAMA 16:11

Kuneeti, godowoottaha labbaa beettono ilatta; Kaaliiqi dadillunnita wi'lakki macciishshinohe daafira, su'masi Ismaeeli yaatta.

KALAQAMA 4:10

Kaaliiqi Qaayeelira, «Togo mayira assitto? Macciishshi; du'nantinoti rodiikki mundee rabbate baattotenni anewa higge raartanni no.

NEHIMIYA 9:9

«Ati akaakkanke Gibitsete heedheenna iillinonsa qarra laootto; Duumu Baari mule heedhe, kaa'lattonsara shiqishidhino huuccatto macciishshootto.

IYYOOBI 35:9

«Mannu qarru bati'rinsaro raaranno; kaa'lo afi'rateno woxaratanno.

FAARSO 102:1

Kaaliiqa ballo, huuccatto'ya macciishshie! Kaa'lote raareemmo raare hidhie.

FAARSO 102:2

Qarru iillannoe yannara muli'yanni faffootie; maccakki ane widira qolte, woshshi'reemmohe woyite rakke dawarie.

FAARSO 12:5

Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

FAARSO 18:6

Shetummo yannara, Kaaliiqa woshshi'rummo; kaa'laera Magani'yawa hige raarummo; Qullaawu Minisira hee're, qoonqo'ya macciishshi; raare'yano isiwa iillitu.

FULO 1:14

Mittoreno marartannokkiha sabba kadisiissanni, xuube seekkisiissanninna gate loosiissanni caacceessitunsa.

FULO 4:19

Muse Midiyaami gobbara hee'reenna Kaaliiqi, «Shitahera hassannori baalu reyite gooffinona galagalte Gibitse ha'ri» yiisi.

FULO 6:5

Qoleno Gibitsootu borojjimmatenni qarrisseennansa raartino raare macciishshoommo; oommonsa hexxono qaagoommo.

FULO 6:9

Museno konne coye Israeelete kulinsa; insa kayinni borojjimmate gadadi hiiqqinonsa daafira, yiinota dimacciishshitino.

FULO 7:7

Feriooni ledo hasaabbu yannara, Musera 80 dirosiiti; Aaroonira qole 83 dirosiiti.

ISAYAASI 19:20

Kuri Olantote Mootichi Gibitsete gobbara hee'rasira malaate ikkitanno. Hakko hee'ranno manni amadannonsa qarri daafira Kaaliiqiwa hige raaranno. Isino kaa'lannonsaha soye diininsa anganni gatisannonsa.

ISAYAASI 5:7

Kuni Olantote Mootichi Kaaliiqihu, woyinete dargi Israeelete mannaati; Yihudu mannino isi kaasi'rino woyineeti. Isi keeraanchimma assitanno yee agadhe hee'reenna, insa kayinni shitannore ikkitino. Taashshitanno yee hede hee'reenna, manna gadadisse raashshiishshino.

KIIRO 20:16

Kaaliiqi widira hinge raarreenna isino macciishshe sokkaancho soye Gibitsetenni fushshinonke. «Xa kune gashshootikki dannira Qaadesi Katamira hee'noommo.

SOQQAMAASINETE LOOSO 7:30

«Muse hatte gobbara shoyilloo diro hee'rihu gedensaanni, Siina Ilaalira nootera halallitte gobbara, buwanni noo citi giddo Maganu sokkaasinchi leellisi.

MARRO 24:15

Buxane ikkitinohura quqquxamatenni agadhitannona, hunkeensa hakko barranni, arrishsho e'ukkinni uuyyensa. Hatto ikka hoogiro kayinni, Kaaliiqiwa higge raarte cubbo abbitanno'ne.

YAIQOOBI 5:4

Gate'ne gide gamba assitanni hossino loosaasinera daafurinsa waaga aa gibbineenna, kuneeti raartanni no. Gide'ne gamba assitannori raare Olantote Mootichi macciishshino.

EJJEETTO 4:3

Isirano 900 siwiilu faradi gaare noosi daafira, Israeele 20 diro kade gashshino. Insano kaa'lannonsa gede Kaaliiqiwa raartu.

UMI SAAMUEELI 12:8

«Yaiqoobinna maatesi Gibitse hadhuhu gedensaanni gadadisseennansa annuwa'ne kaa'lannonsa gede Kaaliiqa huuccidhino. Kaaliiqino Gibitsete gobbanni fushshite konniicho heedhanno gede assitinonsare Musenna Aarooni soyinonsa.

UMI SAAMUEELI 9:16

«Ga'a tenne yannara Biiniyaami ga'renni mitto beetto atewa soyemmona, manna'ya Israeele gashshanno gede buuri. Isi manna'ya Filisxeemete anganni gatisanno. Anino manni'ya qarra iima hee're laoommo; raarensano macciishshoommo» yiinosi.