FULO 2:15 - Qullaawa Maxaafa

¹⁵ Ferioonino konne coye macciishshihu gedensaanni, Muse shaara hasi. Muse kayinni Midiyaami yinanni gobba fule bae mitte bue gama ofolli.

FULO 2:15 ပူးပေါင်းရင်းမြစ်များ

KALAQAMA 24:11

Hakkiira iilli yannara gaalla katamaho gobbaanni noo bale wayinnite mule guluphite fooliishshidhanno gede assi.

KALAQAMA 25:2

Iseno Zimiraani, Yoqishaani, Medaani, Midiyaami, Yushibaaqinna Shuhaani yinanni ooso iltusi.

KALAQAMA 25:4

Midiyaami oosono Eefa, Efeeri, Hanooki, Abidaatinna Elida"aati. Kuri baalunku Kexura godowaati.

KALAQAMA 29:2

Hakkiira iillanni hee're xawoho mitte wayi bue afi; sase hoshsha hooffille saadati buete gaangaawira no; tini saadano waa tenne buenni agganno; bueteno lowo kincho tu'nanni.

UMI MOOTOOLLA 11:18

Insano Midiyaami gobbanni ka'e Faaraani yinanniwa hadhu. Hakkiicho hee'ranno mannino insa ledo karsami. Hakkunni gedensaanni baalunku mitteenni Gibitsete gobba hadhu. Hakkiichono Gibitsete moote ledo xaaddu. Isino Hadaadira baatto, galanno minenna itanno sagale uyisi.

FULO 18:4

Hattonni, «Anni'ya Magani Kaaliiqi kaa'linoe; Feriooni angannino gatisinoe» yee layinki beettisi su'ma Elieezeeri yiino.

FULO 4:19

Muse Midiyaami gobbara hee'reenna Kaaliiqi, «Shitahera hassannori baalu reyite gooffinona galagalte Gibitse ha'ri» yiisi.

LAWISHSHA 22:3

Egennaamu manchi bushare afiro maaxamanno; hawanyu kayinni e"e qarramanno.

IMBAAQOOMI 3:7

Itiyophiyu qarramanna, Midiyaami gosano huxidhanna afoommo.

MAATEWOOSI 10:23

Mittu katamira qarrissu'nero, wole katama xooqqe. Halaale kuleemmo'nena, Manchi Beetti galagale higa geeshsha Israeelete katamma baala dituqqinanni.

YOHAANNISI 4:6

Hakkiicho Yaiqoobi buicho no. Yesuusino seeda doogo ha'rinohura daafure buete mule ofolli; yannano barru taalooteeti.

SOQQAMAASINETE LOOSO 7:29

Muse konne coye macciishshe, Gibitsete gobbanni xooqe Midiyaami gobba ha're hakko wosinchimma hee'rino. Hakkiicho lame labballi ooso ilino.

IBIRAAWOOTA 11:27

Mootete hanqo waajjikkinni Gibitsete gobba agure fulinohu amma'natenniiti. Illete leellannokki Magano afinohu gede asse hede noowa kaajje hee'ri.