FULO 19:5 - Qullaawa Maxaafa

⁵ Xaano anera hajajantinironna gondooro'ya agadhitiniro, baatto baalate aana noo manniwiinni baxxitine ki'ne ane manna ikkitinanni;

FULO 19:5 ပူးပေါင်းရင်းမြစ်များ

KALAQAMA 17:9

Maganu qole Abirihaamira, «Atinna ate gedensaanni daannohu sirchikki ate ledo eoommo gondooro hegere geeshsha agadhe.

UMI MOOTOOLLA 8:53

Mooticha Kaaliiqa! Akaakkanke Gibitsetenni fushshitto waro, gosa baalate giddonni Israeele doodhoottota ikkitinota soqqamaanchikki Muse widoonni qolte coyi'rootto» yii.

UMI DUDUWO 17:22

Mannakki Israeeleno hegerera ateha assi'rootto. Mooticha, atino Maganonsa ikkootto.

IYYOOBI 41:11

Qole aammosira balaxe anera uyinoehu nooni? Gordu woroonni noori baalu ane woxeeti.

IYYOOBI 41:3

Halaalinta agurattosira huucci'rannoheni? Owaatu qaalinnino coyi'rannoheni?

FAARSO 135:4

Kaaliiqi Yaiqoobi umisiha, Israeelete mannano umisi jiro asse dhoodhino.

FAARSO 24:1

Baattonna aanase noori baalu Kaaliiqiho; tini gobbanna giddose hee'rannohu baalu isiho.

FAARSO 25:10

Gondoorosinna hajajosi agartannorira, Kaaliiqi loosanno loosinni maarosinna bagamannokkiha baxillesi leellishannonsa.

FULO 15:26

Isino, «Ki'ne qaale'ya seekkitine ayirrissiniro, ane albaanni dancha coye assitiniro, hajajo'ya agadhitiniro, woga'ya baala wonshitiniro, Gibitsootaho abboommo dhibbinni diganeemmo'ne. Ani Kaaliiqi hursaancho'neeti» yiinsa.

FULO 23:22

Isi yaanno gede ikkitinironna ane hajajo wonshitiniro, diini'nera diina ikkeemmo; gibbanno'nereno giweemmo.

FULO 24:7

Kaaliiqi hajajo borreessinoonniha Gondooru maxaafano haa're mannaho nabbawi. Mannuno, «Kaaliiqi yiinore baala assineemmo; hajajosino wonshineemmo» yii.

FULO 34:9

«Mooticha'ya ballo, baxattoeha ikkiro, kuni manni mokkookka ikkirono, ledonke fulatto gede huucci'reemmohe; cubbonkenna saonke agurte mannakki assi'rinke» yii.

FULO 6:7

Umi'ya manna assi'reemmo'ne; anino Magano'ne ikkeemmo; Gibitsete borojjimma giddonni fushsheemmo'ne yannara, ani Kaaliiqi Magano'ne ikkoommota affinanni.

FULO 8:22

Manni'ya hee'rannotera Geeseemi Baattora kayinni torondu hee'rannokki gede asseemmo; konne asseemmohuno, ani Kaaliiqi tenne Gibitsete gobbara loosanni noommota afatto gedeeti.

FULO 9:29

Museno Ferioonira daware, «Katamunni fulayi hee'renni anga'ya kayise Kaaliiqa huucceemmo; belequnna kaadeno uurritanno; atino baatto Kaaliiqita ikkitinota afatto.

FAARSO ROORE FAARSO 8:12

Woyinete dargi ane umi'yaho; Selemooni'ya, ati 1,000 kinchu birra gatisidhe, loosaasinete 200 kinchu birra uyi.

ISAYAASI 1:19

Maahoyye yitine hajajantiniero, baatto uyitanno atoote ittinanni.

ISAYAASI 41:8

«Ati soqqamaancho'ya Israeele, doodhoommo manni kayinni, jaali'ya Abirihaami sirchooti.

ISAYAASI 43:1

Xa kayinni kalaqino'nehu Kaaliiqi ki'ne Yaiqoobi sirchira Israeelete, «Wodoommo'nehu aneetina waajjitinoonte; ki'ne anereeti; su'mi'nenni woshshoommo'ne.

ISAYAASI 56:4

Kaaliiqi, «Fooliishshote Barra'ya ayirrissannorira, ani baxeemmo coye assitannorinna, gondooro'ya agadhitinanni mureeyyera,

ERMIYAASI 10:16

Ati baalankare kalaqoottohu, Israeelete Magani kayinni, insa gedeeha di"ikkootto. Israeelete manna umikki manna assidhe doodhootto; su'mikkino Olantote Mootichaati.

ERMIYAASI 13:11

Giddoyidi uddano halloho hossannonte gede, Israeeletenna Yihudu mannino anewa gamba yaara hedoommo. Tenne hedoommohuno manna'ya ikkitanno gede, galattannoenna ayirrissannoe gedeeti. Insa kayinni ani yoommota dimacciishshitino» yii.

ERMIYAASI 7:23

Kayinnilla, ani Magano'ne ikkeemmo gedenna ki'neno manna'ya ikkitinanni gede ani yoommore macciishshe. Hajajoommo'ne gede ikkitiniro baalunku coyi qinaanno'ne yoommonsa.

HIZIQEELI 16:8

« ‹Galagale mulekkiinni saummo woyite, mine assi'rate iilloottata afoommo. Mulqame nooha bisokki seemma'yanni diwe baxeemmoheta egensiisate xaaroommo. Adhammohera gondooro e"e umi'yata assi'roommohe. Konne coye coyi'roommohu ani Mootichu Kaaliiqaati.

LEEWAAWOOTA 20:24

Ki'ne kayinni baattonsa ragidhinanni; malawunna ado lolakkanno gobba iqqammo'nera hexxo oommo'ne. Dagatewiinni badoommo'nehu ani Kaaliiqi Magano'neeti.

AMOOTSI 3:2

Baattote aana hee'ranno manni baalu giddonni, ani dooroommori ki'ne calluwaho. Loossinanni cubbi baalaho, qorichisheemmo'nehuno kunniraati.

AMOOTSI 6:1

Israeelete manni ayirrisanno'nerinna huucci'ranno'neri, Tsiyooni qawaaxxaamminna, Samaariyaho waajjitinikkinni heedhinanniri, egennantinoonni gashshaano, ki'nera aanne'e!

MILKIYAASI 3:17

Olantote Mootichi Maganu, «Insa anere ikkitanno; ani looseemmo waro insa anera baxxitino woxe ikkitanno. Annu soqqamannosi beetto mararannohu gede anino insa marareemmonsa.

UMI QORONTOOSI 10:26

Maganu qaali yaannonte gede, «Baattonna baattote aana noori baalu Maganunniho.»

UMI QORONTOOSI 10:28

Ikkollana mittu manchi, «Kuni maali kaphu magannara kakkalate gorrinoonniho» yee kuli'nero, kuli'ne manchinna wodanu huluullo daafira yitine ittinoonte.

MARRO 10:14

«Gordunna gordoho aleenni noo gordi, baattonna aanase noori baalu Magani'ne Kaaliiqiho.

MARRO 11:27

Techo eemmo'neta Magani'ne Kaaliiqi hajajo wonshitiniro maasso afidhinanni.

MARRO 14:2

Ki'ne Magani'ne Kaaliiqira qullaawa mannaati. Isira baxxitinoonni manna ikkitinara Kaaliiqi baattote aani gosa baalate giddonni doodhino'ne.

MARRO 14:21

«Ki'ne, Magani'ne Kaaliiqira qullaawa mannaatina reyinore baala ittinoonte. Katamma'ne giddo hee'rannohura manni gobba mannira itona uuyyensa; woy wole gobba mannira hirre. Meu woy ge'reewu wilii'licho amate adonni gaffinoonte.

MARRO 26:18

Kaaliiqi uyino'ne hexxo garinni ki'ne mannasinna iqqasi ikkitinoonnita, hajajosi baalanta agadhitinannita isino techo lallawino.

MARRO 26:19

Kalaqino gosa baalatenni roore ayirradda assanna'ne ki'neno galatanna ayirrinye su'misira uyitinanni. Uyino'ne hexxo garinnino ki'ne isi umisi manna ikkitinanni» yii.

MARRO 28:1

«Magani'ne Kaaliiqira wo'mu wodaninni hajajantinironna ani techo eemmo'ne hajajo baalanta seekkitine agadhitiniro, Magani'ne Kaaliiqi baattote aana heedhanno gosa baalantenni roorsanno'ne.

MARRO 28:9

«Magani'ne Kaaliiqi hajajo agadhitinironna doogosi hadhiniro, uyino'ne hexxo garinni qullaawa mannasi asse uurrisanno'ne.

MARRO 4:20

Ki'ne kayinni techonte gede umisi manna ikkitinara, Magani'ne Kaaliiqi ki'ne siwiila daashshinanni boosonni Gibitsetenni fushshe abbino'ne.

MARRO 5:2

Maganinke Kaaliiqi Siina Ilaalira ninke ledo gondooro eino.

MARRO 7:6

Ki'ne Israeele, Magani'ne Kaaliiqira qullaawa gosa ikkitinoonnihura, umisi woxe ikkitinanni gede baattote aana hee'ranno manni baalu giddonni ki'ne doodhino'ne.

MARRO 9:29

Insa kayinni wolqakkinninna jawaata angakkinni fushshootto mannaatinna doodhootto gosaati› » yee huucci'roommo.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IBIRAAWOOTA 11:8

Abirihaami Maganu albillitte aasira hexxo uyinosi gobba ha'rate woshshami yannara, ha'rannowa afa hoogirono ha'rate, hajajame fulinohu amma'natenniiti.

IBIRAAWOOTA 8:9

«Kuni gondoori Gibitsetenni fushshammora, angansa amadummo waro, annuwansa ledo eummohu gedeeha di"ikkino. Insa gondoori'yanni kaajja hooggino daafira, anino sammi yoommonsa» yaanno Mootichu.

IYYAASU 24:24

Hakkunni gedensaanni, mannu Iyyaasura, «Ninke Maganonke Kaaliiqa magansi'neemmo; hajajosino wonshineemmo» yii.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

UMI SAAMUEELI 15:22

Saamueeli, «Kaaliiqi, hajajamantenni roore fushshaatenna kakkalo baxannoha lawannoheni? Hajajama kakkalotenni, macciishsha ge'rechu goci coominni roortanno.