FULO 19:2 - Qullaawa Maxaafa

² Hakkiira dagginohu Refidiiminni ka'eeti; hakkiira iillituhu gedensaanni ilaalaho albaanni baxxisidhu.

FULO 19:2 ပူးပေါင်းရင်းမြစ်များ

FULO 17:1

Israeelete manni baalunku Kaaliiqi hajajonni basetenni base sa"anni Siini yinanni halallinni agure ha're, Refidiimi yinanniwa mare baxxisi'ri; ikkollana hakkiicho anganni wayi dino.

FULO 17:8

Amaaleqootu Refidiimi yinanni darga Israeele qassu.

FULO 18:5

Yootoori Musera, «Ani galtekkinna oosokki danganni hee'noommo» yee balaxe sokka soyino.

FULO 3:1

Muse Midiyaamichu ballisi Yootoori ge'reewonna me"e allaalanni hee'ri; mitto barra, tenne saada haa're halalli qacce Korebi yinanni Ilaali Maganunnihuwa dayi.

FULO 3:12

Maganuno daware, «Ani ledokki hee're kaa'leemmohe; Israeele Gibitsetenni fushshatto yannara, kunni ilaalira magansidhinannie; kunino ani soommoheta egensiisate malaate ikkannohe» yiisi.

KIIRO 1:1

Israeelete manni Gibitsete gobbanni fulihunni layinki diro, layinki aganira umi barra, Siina Halallittera heedheenna Qullaawu Dukkani giddo hee're Kaaliiqi Musera,

KIIRO 33:15

Rafidiiminni ka'e Hoori Ilaala iillitu geeshsha baxxisidhino gobba: Siina Halalla, Qibirooti-Hataawa, Hatserooti, Riitima, Remooni-Faareesi, Libina, Riisa, Qehelaata, Shaafiri Ilaalira, Haraada, Meqihelooti, Tahaati, Taara, Mitiqa, Hashimoona, Miserooti, Bineyaiqaani, Hori-hagiidigaadi, Yoxibaata, Abiroona, Etsiyoonigabiiri, Tsiini Halalla (Qaadesi), Edoomi qaccera noohu Hoori Ilaalaati.

SOQQAMAASINETE LOOSO 7:30

«Muse hatte gobbara shoyilloo diro hee'rihu gedensaanni, Siina Ilaalira nootera halallitte gobbara, buwanni noo citi giddo Maganu sokkaasinchi leellisi.

SOQQAMAASINETE LOOSO 7:38

Halalla songe noo manni ledonna Siina Ilaali aana coyi'ri sokkaasinchinna annuwanke ledo noohu isooti. Maganunniha heeshshote qaale ninkera sayisinonkehu Muse isooti.

GALATIYU SOKKA 4:24

Kuri lamenti meenti lamu gondoori lawishshaati. Siina Ilaali gondoori lawishshi Aggaaraati; ise ooso borojjimmate ilantinote.