FULO 17:7 - Qullaawa Maxaafa

⁷ Hakko dargira, Maasahinna Meriiba yine su'ma fushshini. Hatto yinoonnihu, «Kaaliiqi ledonke noonso dino?» yitanni Kaaliiqa jiffinohuraatinna abbooshshidhinohuraati.

FULO 17:7 ပူးပေါင်းရင်းမြစ်များ

FAARSO 106:32

Meriiba bu'a mule mannu Kaaliiqa hanqisisi; insanni kainohunni Muse qarru aana uwi.

FAARSO 78:18

Halchitino sagale aannonsa gede qarrissanni, guulte Magano jiffu.

FAARSO 81:7

Qarru giddo heedhinoonni yannara woshshitinoonnie; anino gatisoommo'ne; go'le noommowa hombobolattete giddo hee're macciishshoommo'ne. Meriiba yinanni bu'a mule fonqoloommo'ne.

FAARSO 81:8

Manna'ya, qorophishiishsha'ya macciishshe! Israeele, macciishshitinoomme"ero maaho!

FAARSO 95:8

Akaakka'ne halalli gobbara Meriibanna Maasahi assitunte gede, ki'neno wodana'ne dilleessitinoonte.

FULO 17:2

Kunnira Mannu, «Angeemmo waa uyinke?» yaanni Musera gungumi. Museno, «Ane mayira boroortinannie? Kaaliiqano mayira jiffinanni?» yiinsa.

FULO 34:9

«Mooticha'ya ballo, baxattoeha ikkiro, kuni manni mokkookka ikkirono, ledonke fulatto gede huucci'reemmohe; cubbonkenna saonke agurte mannakki assi'rinke» yii.

ISAYAASI 12:6

Ledo'ne noohu Israeelete Qullaawa, lowoha ikkino daafira, Tsiyooni heedhinanniri baalu ilillisse!» yitine faarsitinanni.

MIKIYAASI 3:11

Katamu mootoollano yoo uyitannohu gubbo itteeti; qeesootinsa jajja uyinikkinni dirosiissanno; himanaanonsano woxiweello himana dicoyidhanno. Kuni duuchu ikke hee'reenna, «Kaaliiqi ninke ledo noo daafira mittu qarrino di"iillannonke» yitanni Kaaliiqa hexxitanno.

KIIRO 14:22

halallitte gobbara assoommonsa maalale affanni heedhenni hajajama gibbe batinye higge fonqoltinoe.

KIIRO 20:13

Israeele Kaaliiqi ledo giwantinohunna isino Qullaawa ikkasi leellishinonsahu hakkiichooti. Kunnira hakkonne darga Meriiba yitu. Hatto yaano giwanshote yaate.

KIIRO 20:24

«Aarooni reyanno. Lamunku Meriiba Wayiwa hajajo'ya huntinoonni daafira, isi Israeelete eemmo gobba mare di"iillanno.

KIIRO 27:14

Kunnira kaimu, Israeele Tsiini Halalla noo wayi mule anera gara gibbu waro, atinna Aarooni mannu albaanni qullaawa ikka'ya egensiisate ane ayirrissinoonnikki daafiraati» yiisi. (Meriiba, Tsiini Halalla Qaadesi Katamira noo waati.)

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

MARRO 31:17

Hatte yannara hanqi'ya aanansa buwanno. Anino callachisheemmonsa; alba'ya insawiinni shawwu asseemmo; insano ba'anno. Lowo qarrinna lowo shetto iillitannonsa. Hakko barra, ‹Tini bao iillitinonkehu Maganinke ledonke nookkihuraati› yitanno.

MARRO 33:8

Leewi ga'rerano, «Ki'ne Maganu qeesootira Uriiminna Tumiimi aamamino'ne. Kunninni kainohunni Kaaliiqi Maasahi jifeenna'ne, ki'neno Meriiba Wayiwa sodhinikkinni sa'inoonni.

MARRO 6:16

«Maasahi yinanni darga assitininte gede Magano'ne Kaaliiqa jiffinoontesi.

MARRO 9:22

«Xaano qoltine, Teberaami, Maasahinna Qibirooti-Hataawa yinanniwa Kaaliiqa hanqissinoonnisi.

IYYAASU 22:31

Kunnira, qeesichu Aliaazaari beetti Finihaasi, «Kuneeti xa Kaaliiqi ninke ledo noota anfoommo; ki'ne isi aana bunshe diloossinoonni. Kaaliiqi Israeelete manna qorichishanno gedeno diassitinoonni» yiinsa.