FULO 17:6 - Qullaawa Maxaafa

⁶ Ani Siina Ilaalira kinchu aana albakkiinni uurreemmo; atino hakkonne kincho ganatto; mannu aganno wayino kinchu giddonni fulanno» yiisi. Muse Israeelete geerri la'anna Kaaliiqi yiinosi gede assi.

FULO 17:6 ပူးပေါင်းရင်းမြစ်များ

NEHIMIYA 9:15

«Hudidhu yannara sagale gordunni oottonsa; goodhu yannarano waa kinchu giddonni fushshoottonsa. Aattonsara xaarootto baatto, amaddanno gede hajajoottonsa.

FAARSO 105:41

Kincho dhooseenna wayi fulinsa; halallitte gobbara wayi xashshimma lolahinsa.

FAARSO 114:8

Isi jaama kincho kofamete wayira, care xashshoho soorranno.

FAARSO 46:4

Maganu katamira, Wo'munkura Aliidihu hee'rannowa qullaawa darga, tashshi assannohu daadanno wayi no.

FAARSO 74:15

Xo'annokki bu'anna xashshuwa lolaasootto; jajjabba lagga kayinni mooshshootto.

FAARSO 78:18

Halchitino sagale aannonsa gede qarrissanni, guulte Magano jiffu.

FAARSO 78:20

Kincho ganeenna wayi xashshimma lolahino; buddeenano hatto asse aara dandaannoni? Mannisira maalano qixxeessa dandaannoni?» yitanni Maganu aana busha coyidhino.

FAARSO 81:7

Qarru giddo heedhinoonni yannara woshshitinoonnie; anino gatisoommo'ne; go'le noommowa hombobolattete giddo hee're macciishshoommo'ne. Meriiba yinanni bu'a mule fonqoloommo'ne.

FULO 14:16

Atino siqqokki haadhe, baaru aanira qolte diriirsi; wayino lamewa beehamanno; Israeeleno moola baatto kaxxitanni giddoonni higge sa'anno.

FULO 16:10

Aarooni Israeelete manni baalunkura coyi'ranni hee'reenna, insano alba halallitte gobba widira higge shawwu yitu; Kaaliiqi ayirrinye leellishanno xawaabbino gomichu aana leelli.

ISAYAASI 48:21

Halallitte gobba giddoonni qole, haa're ha'rummo'ne waro waa digoodhinoonni. Kincho dhoose waa fushshoommo'ne; kincho dare waa lolaasoommo'ne» yii.

KIIRO 20:8

«Qullaawu Dukkani giddonni siqqicho haadhe, rodiikki Aarooni ledo manna mittowa gamba asse. Insa la'anna kinchoho coyi'ri; giddosinni wayi fulannona. Kunni garinni kinchu giddonni waa fushshiteenna insanna saadansa agganno» yiisi.

YOHAANNISI 4:10

Yesuusi qole, «Maganu eltonna, ‹Ageemmo waa uue› yaannohehu ayetiro afoottaha ikkoommero, iso huucci'ratta; isino atera heeshshote waa aannohehu baino» yiise.

YOHAANNISI 4:14

Ani eemmo waa agannohu kayinni hegere geeshsha digoo'ranno; ani eemmo waa agannohu, hegere heeshsho uyitanno buicho giddosinni fultannoha ikkanno» yii.

UMI QORONTOOSI 10:4

Baalunku hakkonne ayyaanaamo ago aggino. Agginohuno hakkunni dukkisannonsahu ayyaanaamu kinchinni fulino agooti. Hakku kinchino Kiristoosaati.

MARRO 1:2

Siina Ilaalinni ka'ne, Edoomi Ilaali widoonni hinge Qaadesi Berne iillate tonaa mitu barri doogooti.

MARRO 8:15

Hakko hala'ladonna waajjishshanno baatto halallitera, hattenne goo'riissitannoteranna wayi nookkitera, harfaamu hamasinna iddu noo baattora albisino'ne; jaamu kinchi giddonnino waa fushshino'ne.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.