18 Kaaliiqa, ati hegere geeshsha moohatto.
Hakkunni gedensaanni Abirihaami Bersaabehira Tamaarisiki kaase Hegere Magano Kaaliiqa magansi'ri.
Kaaliiqi hegerera moohe hee'ranno; wole maganna magansidhannori baattosi aaninni ba'anno.
Kaaliiqi hegerera mootete; Tsiyooni, Maganikki hegerera gashshanno. Kaaliiqi galatamo!
Kaaliiqi waaho iimaanni ofollanno; Kaaliiqi hegerera moohe hee'ranno.
Isino gobba gosate halaale coyi'ranno; dagano taashshe gashshanno.
Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.
Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.
Maganu leellishanno maalale, mageeshshi geeshsha jawate! Isi loosanno loosi mageeshshi geeshsha jawaataho! Maganu hegere hegerera mootete! Gashshootisirano gawalo dino.
Addi addi gobbara hee'rannohu, addi addi afiinni coyi'ranno manni soqqamannosi gede, roorre, ayirrinyunna wolqa aamantusi. Roorresino hegere hegerete; gashshootisirano gawalo dino.
Baatto baalate aana nooti gashshootu roorre, wolqanna gaacheenu baalu qullaawu Wo'munkura Aliidi Magani mannira aamantanno; gashshootunniti roorrensa hegere geeshsha kaajjite heedhanno. Gobba baalate gashshaano insara hajajante soqqantannonsa» yii.
Bushu coyiwiinni gatisinke ikkinnina, jifammeemmo gede assitootinke. [Gashshootu, wolqanna ayirrinyu hegerera atehona. Hamii'ni!›] yitine huuccidhe.
