FULO 15:16 - Qullaawa Maxaafa

¹⁶ Kaaliiqa, borojjimmatenni fushshoottohu mannikki, sae ha'ra geeshsha, waajjillunna masillu amadinsa; wolqakki waajjitino daafira, kinchu gede sammi yitu.

FULO 15:16 ပူးပေါင်းရင်းမြစ်များ

KALAQAMA 35:5

Hakkiinni ka'e hadhuta, Maganu qooxeessinsara noo manni wodanira waajjille naqino daafira kisinonsahu dino.

LAYINKI SAAMUEELI 7:23

Ateta assidhe Gibitsete borojjimmanni gatisse fushshoottoti Israeelete gedee gosa mama no? Wole daga shorrite dhaggenna maalale assite mannikki hee'ranno gede baattonsanni magannansa baala guddeenna su'mikki ayirrinsanniha ikkino.

FAARSO 105:38

Gibitsootu lowo geeshsha waajjitinonsa daafira, fulansara hagiidhitu.

FAARSO 74:2

Balaxxe kalaqoottota songokki, woxxoottoha utuwakki, aanasi hee'roottoha Tsiyooni ilaala qaagi.

FAARSO 89:14

Gashshootikki keeraanchimmatenna taashshate aana uurrino; bagamannokkihu baxillikkinna halaalaanchimmakki loosikkinni leeltanno.

FULO 11:7

Israeeletenna saadansa mereero kayinni kashshi yaannori nafa dihee'ranno. Hatte yannara ani Israeeletenna Gibitsete mereero badooshshe woroommota affinanni› yiino» yee kulisi.

FULO 15:13

Bagamannokki baxillikkinni gatisoottoha mannakki haadhe fushshootto; wolqakkinni, hee'rattowa qullaawu dargira haadhe ha'rootto.

FULO 15:5

Diimete wayi aanansa kamballi yii; kinchu gede hunda dirritu.

FULO 15:6

Kaaliiqa, qiniiticho angakki, ayirradotenna wolqaataamete; diina gante butu assitanno.

FULO 18:8

Muse, Kaaliiqi Israeelete daafira yee Feriooninna Gibitsete manni aana assinore baala kulisi. Qoleno doogote aana xaaddinonsa mitiimmanna hakkiichinnino Kaaliiqi asse gatisinonsa gara hasaawisi.

FULO 20:2

«Gibitsete gobbanni borojjimmate giddonni fushshummo'nehu Kaaliiqi Magani'ne aneeti.

FULO 23:20

«Hadhinanna doogo towatanno'ne gedenna qixxeessoommo'ne dargirano haa're massanno'ne gede, sokkaasincho alba asse soyemmo'ne.

FULO 23:22

Isi yaanno gede ikkitinironna ane hajajo wonshitiniro, diini'nera diina ikkeemmo; gibbanno'nereno giweemmo.

FULO 23:27

«Qarrissanno'ne gosa balaxe waajjishiisheemmo; ki'ne ledo olantannore baala masiseemmo; diinna'ne baala badheegge xooqqanno gede asseemmo.

FULO 6:7

Umi'ya manna assi'reemmo'ne; anino Magano'ne ikkeemmo; Gibitsete borojjimma giddonni fushsheemmo'ne yannara, ani Kaaliiqi Magano'ne ikkoommota affinanni.

ISAYAASI 51:10

Gatisoottonsari giddoonni higge sa'anno gede, lowo baara mooshshite, giddosiinni doogo fushshoottohu ateeti.

ISAYAASI 63:12

Hegere geeshsha maccaha ikkasi egensiisara yee, ayirrado wolqasi Musera qiniiteenni worihu, albansaanni noo waa lamewa badihu hiikki?

ERMIYAASI 31:11

Ani Kaaliiqi manna'ya wodeemmo; wolqatenni gashshitannonsari angannino gatiseemmonsa.

HIZIQEELI 16:8

« ‹Galagale mulekkiinni saummo woyite, mine assi'rate iilloottata afoommo. Mulqame nooha bisokki seemma'yanni diwe baxeemmoheta egensiisate xaaroommo. Adhammohera gondooro e"e umi'yata assi'roommohe. Konne coye coyi'roommohu ani Mootichu Kaaliiqaati.

SOQQAMAASINETE LOOSO 20:28

Qullaawu Ayyaani ki'ne hoshshate allaalaasine asse worino'nena, umi'neranna hoshshate seekkitine qorophe. Isi mundeesinni woxxinota Maganu Beetekiristaane allaalle.

MARRO 11:25

Ayino ittisa'nera didandaanno. Magani'ne Kaaliiqi uyino'ne hexxo garinni martinanni gobba baalate masissinannirenna waajjinannire assanno'ne.

MARRO 2:25

Techonni kayisse Gordoho woroonni noo daga duuchanti, ki'ne huxidhe waajjitanno'ne; ki'ne duduwo macciishshite masse qece yitanno» yii.

MARRO 2:4

Mannaho, ‹Xeertote hee'rannohu fiixi'ne Eesawu sirchi hee'rannowa gaaraame Edoomi gobba widoonni higgine sa'inanni. Insa ki'ne waajjitanno. Ikkirono seekkitine agadhe.

MARRO 32:6

Ki'ne gowwootunna wodanchitinannikki gosa, Kaaliiqira qoltinanni galati konneeti? Isi kalaqino'neha anna'ne di"ikkino? Ki'ne gosa assino'nehu iso di"ikkino?

MARRO 32:9

Kaaliiqi Yaiqoobi sircho, umisi manna asse doodhino.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IYYAASU 2:9

«Kaaliiqi tenne baatto uyino'neta afoomma; ki'ne waajjino daafira gobbate noohu baalu daaqino.

IYYAASU 4:24

Kunninni kainohunni baattote aana hee'ranno manni baalu Kaaliiqi wolqa mageeshshi geeshsha jawa ikkitino gede wodanchanno; ki'neno Magano'ne Kaaliiqa ayirrissinanni› yitine kullensa» yiinsa.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

LAYINKI PHEEXIROOSI 2:1

Ikkollana albi yannara kaphaano himanaano mannu giddo noonte gede, ki'ne giddono kaphu rosiisaano heedhanno. Insa wodinonsa Mootichira nafa badhe wodhite, rakke huntanno bao uminsa aanira goshooshidhanni, huntanno huluullo luuxisse eessitanno.

UMI SAAMUEELI 2:9

«Isi ammanantinosiri qaafo agaranno; bushuullu kayinni tunsote ba'anno; mannu umisi wolqanni qeelle diafi'ranno.

UMI SAAMUEELI 25:37

Soodeenna dimbu higisihu gedensaanni, hadhe daggu gara kulteennasi mase qiide milli yaa hoogi.