FULO 15:11 - Qullaawa Maxaafa

¹¹ Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

FULO 15:11 ပူးပေါင်းရင်းမြစ်များ

UMI MOOTOOLLA 8:23

«Israeelete Magano Kaaliiqa! Ati callu Maganoho. Iima gordohonna uulla baattote ate gedeehu wolu dino. Co'o yiino wodaninni doogokki hadhannorira baxillunniha gondoorokki wonshattohu ate callaati.

UMI SAAMUEELI 2:2

Kaaliiqa, ate gedeehu qullaawu ayino? Ate gedeehu wolu dino; ate Maganinke gedeehu golu dino.

LAYINKI SAAMUEELI 7:22

Kunnira Kaaliiqa Mooticha'ya, ati jawaho; ate gedeehu dino. Maccankenni macciishshinummonte gede ate agurranna wolu Magani nookkita anfoommo.

YOHAANNIS AJUUJA 4:8

Shoolunku kalaqami mittu mittunku lee qoolla afidhino; qoolu giddoyidi nafa gatikkinni illuwa wo'mitinoho. Hashshano barrano fooliishshidhukkinni, «Qullaawu, qullaawu, qullaawu; Hee'rinohu, noohunna daannohu, Wo'manka Dandaannohu Mootichu Maganu» yite faarsitanno.

ISAYAASI 6:3

Ku'u ku'unniwiinni haa'ranna baalunku, «Qullaawu! Qullaawu! Qullaawu! Olantote Mootichi Kaaliiqi, ayirrinyisi kalqe baala wo'mino» yitu.

MARRO 3:24

«Mooticha Kaaliiqa'ya, jawimmakkinna jawaata cigilekki kune ane borojjichikkira leellisha hanafootto. Gordohonna baattote aana, ati loosatto gedeeha wolqaataamo looso loosara dandaanno magani nooni?

FAARSO 86:8

Mooticha! Magannate giddo ate lawannohu dino; ati loosatto looso loosa dandaannohu dino.

FAARSO 77:14

Maalale assatto Magani ateeti; gosate mereero wolqakki leellishatto.

YOHAANNIS AJUUJA 15:4

Mooticha'ya, ate waajjannokkihunna su'makki ayirrisannokkihu ayeti? Qullaawu ate callaati. Halaalunniti yookki xawo fultino daafira, gosa baala dagge albakkiinni magansidhannohe» yite faarsitu.

ISAYAASI 40:25

Qullaawu, «Xa ane aye ledo taashshitinannie? Ane lawannohuno ayeti?» yaanno.

MARRO 33:26

Muse lede Israeele baalantera, Ayirrinye haraqi're gordo tayise sae, gomicho dare kaa'lara daannohu, Israeelete Magani gedeehu dino.

FAARSO 77:19

Ati baaru giddoonni higge ha'rootto; bati'ru wayira giddoonni higge saootto; ha'rumikki kayinni illete dileellino.

ISAYAASI 40:18

Magano aye ledo taashshitinanni? Isi ma lawanno yitine heddinanni?

FAARSO 35:10

Wo'mu wodani'yanni, Kaaliiqa, «Ate gedeehu ayi no? Ati, gadadaamo wolqaataamu anganni, buxicho gawajjannohu anganni gatisatto» yeemmo.

FULO 8:10

Ferioonino, «Hakkawoyiteetiro ga'anni huuccie» yii. Museno, «Maahoyye yootto gede asseemmo; atino Maganinke Kaaliiqi gedeehu wolu magani nookkita hakkawoyite afatto.

FAARSO 66:5

Amme, Maganu looso la'e! Isi mannu mereero maala'linannire assino.

ERMIYAASI 49:19

Yordaanoosi mule noo dubbi giddonni fule, daffitino kalo giddora eanno doobbiichi gede ikke, hedeweelcho daye Edoomoota shorre, hasi'roommoha shoomeemmo. Hoolannoehu ane gedeehu ayeti? Ittisannoe gashshaanchino hiikkonneeti?

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

FAARSO 145:17

Kaaliiqi assanno coyi baalunku halaalaanchoho; baalanka coye shaqqillunni assanno.

ERMIYAASI 10:16

Ati baalankare kalaqoottohu, Israeelete Magani kayinni, insa gedeeha di"ikkootto. Israeelete manna umikki manna assidhe doodhootto; su'mikkino Olantote Mootichaati.

FAARSO 119:120

Ate waajjatenni kainohunni mannimma'ya huxidhino; yookkino lowo geeshsha waajjoommo.

LUQAASI 12:5

Waajjitinanniha kuleemmo'nena, shiihu gedensaanni gaannaamete giirara tugate roorre afi'rinoha Magano waajje! Halaale kuleemmo'nena, iso waajje!

FAARSO 90:11

Hanqikki jawaante afinohu ayeti? Aarikki, ninke ate waajjineemmohe geeshshiho.

LEEWAAWOOTA 19:2

«Israeelete manni baalunkura, ‹Ani Kaaliiqi Magani'ne Qullaawahona, ki'neno Qullaawoota ikke.

ISAYAASI 30:11

Doogotenni ho'lenke; ha'neemmo doogora guficho ikkitinoontenke; ninke Israeelete Qullaawa ikkino Maganire macciishsha dihasi'neemmo» yitanno.

FAARSO 89:18

Agaraanchinke Kaaliiqiwiinniiti; Israeelete Qullaawa ikkinohu Maganu moote uyinonke.

YOHAANNIS AJUUJA 13:4

Moyichoho roorre uyino daafira mannu baalu hakkonne dhudhuufa magansi'ri. Moyichono, «Kunni moyichi gedeehu nooni? Isi ledo olama dandaannohu ayeti?» yaanni magansi'ri.

FULO 3:20

Kunnira, ani anga'ya kayise maala'linanni garinni Gibitse ganeemmo; hakkunni gedensaanni hadhinara aguranno'ne.

FULO 9:14

giwittoro kayinni, gobba baalate aana ane gedeehu wolu nookkita afatto gede, ledokki gashshaanonna mannakki calla ikkikkinni, ate umokkino wolqaataamu qoomaminni ganeemmo.

FULO 18:11

Gibitsootu aana'ne boo'nitino boo'na lae angansanni gatise fushshino'nena, Kaaliiqi maganna baalanta roorinota xa afummo» yii.

FULO 20:3

«Ane agurranna wolu magani hee'roonke'ne.

LAYINKI DUDUWO 2:5

«Maganinke wole maganna baalantenni roore jawa ikkinohura, ani mineemmohu Qullaawu Minino jawaho.

LAYINKI DUDUWO 6:14

«Israeelete Magano Kaaliiqa! Ati callu Maganoho. Gordohono baattoteno ate gedeehu wolu dino. Ati mannikki ledo eootto gondooro agaratto. Co'o yiino wodaninni doogokki hadhannore bagamannokki baxillikkinni baxattonsa.

FAARSO 22:23

Ki'ne Kaaliiqa waajjitinanniri galattesi; Yaiqoobi sirchi baalunku ayirrissesi; Israeelete manni baalunku waajjesi.

FAARSO 113:5

Maganinke Kaaliiqi gedeehu mittuno dino. Isi wo'munkura aleenni hige hee'ranno.

FAARSO 136:4

Callichisi jajjabba maalale assanno; bagamannokkihu baxillisino hegerehona.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

FULO 8:6

Aaroonino Gibitsete wayi baalu aana siqqosi kayisi; beche'naamano fulte baatto wo'mitu.

MARRO 1:30

Alba'neenni ha'rannohu Magani'ne Kaaliiqi kunni albaanni ille'ne la'anna Gibitsete assi'nente gede, xaano ki'nera gaaramanno.

MARRO 4:34

Magano'ne Kaaliiqa ille'nenni la'inanni Gibitsete assinonte gede jifatenni, maalalete malaattanninna dhaggetenni, gaarunni, jawaata anganninna wolqaataame cigilenni woy jawunna waajjishanno loosinni wole gosa mereero mitte gosa umisita assi'rara dandiinohu wolu Magani nooni?

UMI DUDUWO 16:25

Kaaliiqi lowoho; lowo galati hasiisannosiho; wole maganna baalantenni roore ayirradoho.

FAARSO 60:2

Baatto shashshaffe daddarootto; diigante ba'ukkinni gamba assite gowi.

FAARSO 77:11

Kaaliiqa! Loosootto looso qaageemmo; alba assootto dhagge addintanni qulli yitannoe.

FAARSO 86:10

Magano, ati jawaho; maala'linanni coye assatto; Maganu ate callaati.

ISAYAASI 46:9

Bi're hundinni kayise ikkino coye qaagge; ani callu Maganoho; ane agurranna wolu magani dino; ane gedeeha wole dianfanni.