FULO 13:9 - Qullaawa Maxaafa

⁹ Kuni ayyaanino, anga'nera usudhitinoonnihunna albi'nera wodhitinoonni malaati gede ikko'ne; Kaaliiqi Gibitsete gobbanni jawa wolqasinni fushshino'ne daafira, seerisi wo'manka woyite afii'nenni fafikkinni marro higgine buuxxinanni gede qaagiissanno'ne.

FULO 13:9 ပူးပေါင်းရင်းမြစ်များ

NEHIMIYA 1:10

«Magano, kuri soqqamaanokkiitinna umikki mannaatiwe. Kunni albaannino jawa wolqakkinninna jawaata cigilekkinni gatisoottonsa.

FAARSO 136:11

Israeelete manna Gibitsete gobbanni haa're fushshino; bagamannokkihu baxillisino hegerehona.

FAARSO 136:12

Jawaata angasinni wolqaataame cigilesinni konne assino; bagamannokkihu baxillisino hegerehona.

FAARSO 89:13

Angakki hiittoo jawaataati! Wolqakkino lowo geeshsha jawate.

FULO 12:14

Kuni barri, ani Kaaliiqi assoommo'nere qaagginanni gede, ayirrissinannie ayyaana ikko'ne; konne ayyaanano diru dirunkunni ilamate ilama geeshsha ayirrissinanni» yiinsa.

FULO 12:41

Shoolu xibbinna sajjuu diri wo'mita, Kaaliiqi manni ga're baala Gibitsete gobba agurte fultino.

FULO 13:14

Kunni ka'a ooso'ne, ‹Konne mayira assinanni?› yite xa'mitu'nero, ‹Gibitsete gobbara borojjimmatenni hee'neemmore Kaaliiqi jawa wolqasinni fushshinonke.

FULO 13:16

Tini wogano angankera usudhinoommohunna albinkera wodhinoommo malaati gede qaagiissitannonke; Kaaliiqi jawaata angasinni Gibitsete gobbanni fushshinonketa qaagiissitannonke› yitine kullensa» yii.

FULO 13:3

Muse mannaho, «Kaaliiqi wolqasinni Gibitsete gobbanni borojjimmatenni gatise fushshino'ne barri konneetina habbinoonte. Kunni barrinni shiishino tima ittinoote.

FULO 3:20

Kunnira, ani anga'ya kayise maala'linanni garinni Gibitse ganeemmo; hakkunni gedensaanni hadhinara aguranno'ne.

FULO 7:4

yitinannire dimacciishshanno; hakkunni gedensaanni, Gibitsete gobbara lowo qarra abbe manna'ya Israeele hakkiinni haa're fushsheemmo.

LAWISHSHA 1:9

Seesallitte ba'latto umoho, culku irrino goowaho biinfille ledannonte gede, annikkinna amakki amaaleno akata seekkitannohe.

LAWISHSHA 3:21

«Beetto'ya ballo, egennonna wodancha seekkite cu'mi'ri; mulikkinni fafisidhooti.

FAARSO ROORE FAARSO 8:6

Hegere baxillinni wodanikki giddo qa'misie; angakkira maatamu gede ane calla amadie. Baxillu reyote gedee jawaataati; hinaasuno waammate gedee kaajjadooti; baxillu giirate gede buwanno; baxillu Kaaliiqi buwanooti.

ISAYAASI 27:1

Hatte yannara Kaaliiqi kaajjado, jawanna wolqaataame bisesinni shalaalannohanna xaaxamannoha Lewaataani yinanni hamashsho qorichishanno; baaru giddo ga'ranno dhudhuufa shaanno.

ISAYAASI 40:10

Kune Wo'munkura Aliidihu Kaaliiqi, jawa wolqasinni gashshara daanno. Daanno woyite afanshanna, loonsoonnirira aannore haa're daanno.

ISAYAASI 44:5

Ane magansidhanno; manna'yano ikkitanno; su'ma'yano angansara borreessidhanno; ‹Ninke Maganu mannaati› yitanno» yii.

ISAYAASI 49:16

Yerusaalame, ani ate anga'ya hoowira borreessoommohe; huxxakkino wo'manka woyite qaageemmo.

ISAYAASI 51:9

Kaaliiqa ballo kai! Ka'e wolqakki leellishi! Albi ilamara assittonte gede kainke! Reaabi murmuroottohu ateeti.

ISAYAASI 59:21

Manna'ya, ani ki'nera Ayyaana'yanna qaale'ya eemmo'ne; kunino ki'neranna maate'nera hegere iqqaati. Konne coye coyi'roommohu ani Kaaliiqaati» yii.

ERMIYAASI 22:24

Kaaliiqi Yoakiinira, «Yihudu moote Iyoaaqeemi beetto Yoakiini halaali'ya afanna mootimma'ya wolqaha qiniitichu angichi cuue'ya ikkittorono fushshe tugeemmohe.

DAANIEELI 9:15

«Mooticha Maganonke! Kunni albaanni mannakki jawaata cigilekkinni Gibitsetenni fushshite su'makki techo geeshsha lowo mannira egennamanno gede assootto. Ninke kayinni cubbaataammanna sao assineemmore ikkinoommo.

IYUEELI 2:11

Kaaliiqino olantosira belequnni hajajo uyino; olantosino batinyete. Yiinore wonshannohu isi wolqaataamohona, Kaaliiqi barrino lowo geeshsha waajjishannohona, ayi dandaannosi?

KIIRO 15:39

Wodani'ne yorihunna ille'ne la'uhu baalu hoode hadhinanni foortinannikki gede konne handaara la'inanni, Kaaliiqi hajajo qaagginanni gede assanno'ne.

MAATEWOOSI 23:5

Assitannore baala mannu la"ansara yite assitanno. Quraama gowisiisidhanno; huuccattote uddanonsa handaara seedisidhanno.

ROOMU SOKKA 10:8

Ikkollana, amma'natenni keeraa'mitinori daafira, «Ninke lallambeemmohu amma'nate qaali mulekki no; isinni afiikkiranna wodanikkira no» yinoonni.

MARRO 30:14

Qaalu kune ki'newa no. Wodani'neranna afii'nera noona hajajamme.

MARRO 5:15

Gibitsete heedhini yannara, borojje ikkitine heedhinoonnita qaagi. Ani Maganikki Kaaliiqi hakkiinni jawaata anganninna wolqaataame cigilenni fushshoommo'neta huwati. Kunnira, Fooliishshote Barra ayirrisatto gede hajajoommohe.

MARRO 6:21

ki'neno, ‹Ninke Gibitsete gobbara Ferioonira borojje ikkine hee'noommo. Kaaliiqi kayinni jawaata angasinni hakkiinni fushshinonke.

MARRO 6:6

Techo eemmo'neta tenne hajajo wodani'nera wodhe.

MARRO 6:8

Qaagginanni gede tenne hajajo borreessitine anga'nera usudhe; albi'ne aanano wodhe.

YOHAANNIS AJUUJA 18:8

Kunni daafira mitto barra, reyo, dadillunna hude amaddannose. Giirano ittannose. qorichishannosehu Mootichu Maganu wolqaataamoho» yitanna macciishshummo.

EJJEETTO 2:12

Gibitsete gobbanni fushshinonsaha akaakkansa Magano Kaaliiqa agurtu. Qooxeessinsara heedhanno gosa maganna hoode hadhe magansidhanni Kaaliiqa hanqissu.