FULO 11:4 - Qullaawa Maxaafa

⁴ Muse Ferioonira, «Kaaliiqi, ‹Hashshu mereero Gibitsete baattora ha'rameemmo.

FULO 11:4 ပူးပေါင်းရင်းမြစ်များ

LAYINKI SAAMUEELI 5:24

Odahete iima bagadaanonnihu gedee hirba macciishshittoro, hatti yanna ani Filisxeemete olanto ganammora balaxe albakkiinni fuleemmotena rakke qasi» yiisi.

IYYOOBI 34:20

Manchu goxinowa hee're, hendikkinni ree gatara dandaanno. Mannu baalu kunni garinni, hakkawoyintenni huxi're ba"ara dandaanno; wolqaataammano, mannu anga kissunsakkinni shaanno.

FAARSO 60:10

Magano! Ati tugge aguroottonke; olantonke ledono olunniwa fula giwootto.

FAARSO 81:5

Isi Gibitsete gobbanni fushshinsa waro, Israeelete wodho asse uyinonsa; egennoommokki qaale macciishshummo.

FULO 12:12

«Hakko hashshanni ani Gibitsete baatto baalate ha'ramanni, mitto mittonka mannunnihanna saadanniha umiricho baala sheemmo; Gibitsete maganna baala qorichisheemmo. Ani Kaaliiqaati.

FULO 12:23

Kaaliiqi Gibitsoota reyotenni ganara baattonsara ha'ramanni, gafotenna lamunku waalchira mundee afanno woyite agure sa"anno; shaanno sokkaasinchino mini'nera e"e ki'ne shaannokki gede hoolanno.

FULO 12:29

Hashshu mereerira Kaaliiqi mootimma ragi'rannohu Feriooni beettinni kayise, usuranyu beetti geeshsha Gibitsete baattora nooha labbaaha umo ilaminoha baala qoomi; umo qalantino saadano shii.

ISAYAASI 42:13

Kaaliiqi wolqaataamu manchi gede olaho fulanno; bagadaanchu gede hanqe ka"anno; qoonqosi naggi asse alaakanno; diinasino qeelanno.

AMOOTSI 4:10

«Gibitsete gobbara soommohu gedee qoomama soommo'ne; wedella'ne bise shitanno gede, faradi'neno qafadamanno gede assoommo. Nafara'ne reyino manni reeshshi boshshino. Ki'ne kayinni gaabbitine, galagaltine anewa dihigginoonni. Konne coye coyi'roommohu ani Kaaliiqaati.

AMOOTSI 5:17

Woyine kaansanni darga baalaho wi'la ikkanno; kuni baalu ikkannohu, ani ki'ne qorichishate giddo'neenni hige saeemmo daafiraati. Konne coye coyi'reemmohu ani Kaaliiqaati» yii.

MIKIYAASI 2:13

Maganu mannasi qafadotenni fushshara hala'lado doogo fanannonsa. Qafadante noo katami cufanano hiiqqite keerunni fultanno. Kaaliiqi umisi mootensa ikke albansaanni ha'ranni massagannonsa.

MAATEWOOSI 25:6

«Hashshu taalootira, ‹Kuneeti, seenne adhannohu dayino! Amme fultine haadhe!› yinanni canco macciishshini.