FULO 10:6 - Qullaawa Maxaafa

⁶ Mootimmakki minna, ledokki gashshaanonna mannikki minna baalate kanchafaru wo'manno; annuwakkinna akaakkakki waro ikke egenninokki qarri ikkanno› yiino» yii. Hakkunni gedensaanni Muse Feriooni albinni fule ha'ri.

FULO 10:6 ပူးပေါင်းရင်းမြစ်များ

FULO 10:11

Kaaliiqa magansi'ra hasidhiniro, labballu callu ha'ra dandiitinanni» yii. Hakkunni gedensaanni, Musenna Aarooni Feriooni albinni shorrininsa.

FULO 11:6

Gibitsete baatto baalate ikkite egentinokkitinna kunni ka'ano ikkitannokkiti wolqaataame wi'la kalaqantanno.

FULO 11:8

Museno, «Ledokki gashshaano baalu dagge woxarattannoe; manna'ya adhe ha'reemmo gede huuccidhannoe; hakkunni gedensaanni ha'reemmo» yee hasaawasi gudi; tenne coyi'rihu gedensaanni, lowo geeshsha hanqe Feriooni albinni fule ha'ri.

FULO 8:21

Giwittoro kayinni ateranna minikkira, ledokki gashshaanoranna mannikki baalaho toronde soyemmo; Gibitsete minnara torondu wo'manno; baattono toronde calla ikkitanno.

FULO 8:3

Abbayi Wayira beche'naama wo'mitanno daafira, hakkiinni fulte mootete minira, galattowa, daallasikki aanira, ledokki gashshaanonna mannikki minna, hattono boosaallikkiranna gidekki worranni uduunni giddora nafa e'anno.

FULO 9:18

Xa maahoyyena, ga'a tenne yannara, kunni albaanni Gibitsete baattora dirrite egentinokkita akkimale kaade dirriseemmo.

FULO 9:24

Lowo geeshsha bati'ra kaade, banqotenna belequ ledo dirritu; togoo kaade Gibitsete gobbara horonta dirrite diegentino.

IYUEELI 2:2

Hakku barri tunsichunna limixete barraati; gomichunna dhi'mote tunsichi barraati. Lowotinna jawaata bagadaano, soodimari tunsichi gede ikkite ilaalla guggushshitanno. Bi're hundinni kayise hattoo coyi ikke diegennino; hakkunni gedensaannino dihee'ranno.

IYUEELI 2:9

Katamu giddono qoqqobbissanno; kinchu huxxi aanaanni higge doddanno; minnano gidditanno. Mooraanchu gede masikoottate giddoonni higge e'anno.

IBIRAAWOOTA 11:27

Mootete hanqo waajjikkinni Gibitsete gobba agure fulinohu amma'natenniiti. Illete leellannokki Magano afinohu gede asse hede noowa kaajje hee'ri.