FULO 10:2 - Qullaawa Maxaafa

² ki'neno, tenne maalalenni Gibitsoota asse godo'loommo gara ooso'neranna ooso'ne oosora kultinanni. Kunninni, ki'ne baalunku ani Kaaliiqa ikkoommota affinanni» yiisi.

FULO 10:2 ပူးပေါင်းရင်းမြစ်များ

LAYINKI SAAMUEELI 7:22

Kunnira Kaaliiqa Mooticha'ya, ati jawaho; ate gedeehu dino. Maccankenni macciishshinummonte gede ate agurranna wolu Magani nookkita anfoommo.

FAARSO 44:1

Magano! Ati assoottore maccankenni macciishshinoommo; annuwankeno alba yannansara loosoottoha dhaggete looso kultinonke.

FAARSO 44:2

Ati daga baattonsa aaninni shorrite, ate manna baattonsara worootto; wole gosa qorichishshe, mannakki kayinni qawaaxxisootto.

FAARSO 58:11

Hatte yannara mannu, «Halaalintanni keeraano angasinni ba'raa'ra adhitanno; hada baattote aana halaale coyi'ranno Magani nooni?» yaanno.

FAARSO 71:18

Geedheemmonna awuuweemmo woyiteno, dagganno ilama baalate roorrekkinna wolqakki kuleemmona, Magano agurtootie.

FAARSO 78:3

Kuni macciishshinoommohunna anfoommohu, ninkera annuwanke kultinonkeho.

FULO 13:14

Kunni ka'a ooso'ne, ‹Konne mayira assinanni?› yite xa'mitu'nero, ‹Gibitsete gobbara borojjimmatenni hee'neemmore Kaaliiqi jawa wolqasinni fushshinonke.

FULO 14:18

Qeeleemmonsa yannara Gibitsootu ani Kaaliiqa ikkoommota affanno» yiisi.

FULO 14:4

Anino wodanasi dilleesseemmo daafira shorranno'ne; Feriooninna olantosi baala qeela kayinni, anera ayirrinye uyitannoe; hatte yannara, Gibitsootu ani Kaaliiqa ikkoommota affanno» yiisi. Israeeleno kulloonninsa gede assitu.

FULO 7:17

Xa kayinni Kaaliiqi ayimma afatto; kuneeti, ani tenne siqqonni Abbayi Waa ganeemmo; wayino mundeete soorramanno.

FULO 7:5

Kunni garinni hanqunnita anga'ya aanansa kayise Israeele insa gobbanni fushsheemmo yannara, Gibitsootu ani Kaaliiqa ikkoommota affanno» yiisi.

FULO 8:6

Aaroonino Gibitsete wayi baalu aana siqqosi kayisi; beche'naamano fulte baatto wo'mitu.

ISAYAASI 38:19

Xa ani galateemmohe gede, lubbotenni noori callu galattannohe; annuwa oosonsara halaalaanchimmakki kultanno.

HIZIQEELI 20:26

Uminsata bayira ooso nafa kaphu magannara kakkalte umonsa batteessitanno gede facci asse aguroommonsa. Konne assoommohuno qorichishammonsaranna ani Kaaliiqa ikkoommota leellishammonsaraati.

HIZIQEELI 20:28

Aammonsara xaaroommo baatto haa're abbummonsa yannara, seeddaanna gaarranna lattino haqqe la'ino; hakkuri aanano kakka'litino; fushshaate shiqishatenninna hixaana giiratenni hanqissinoe.

IYUEELI 1:3

Konne coye ooso'nera kulle; ooso'neno oosonsara kultona; ooso'ne oosono qolte dagganno ilamara kultona.

EFESOONI SOKKA 6:4

Ki'ne annuwa! Ooso'ne Mootichu amaalenni seejjitinanni lossensa ikkinnina, caacceessitinoontensa.

MARRO 4:9

Ille'ne la'ino coye habbinannikki gede qaagge. Qoltineno lubbotenni heedhinoonni geeshsha wodani'nenni ba'annokki gedella jaattine agadhe. Tenneno ooso'neranna ooso'ne oosora rosiisse.