FULO 1:7 - Qullaawa Maxaafa

⁷ Ilamansa Israeele kayinni ilante batidhe Gibitsete baatto wo'mitu; kiironsa lowo geeshsha batidhino daafira waajjinannire ikkitu.

FULO 1:7 ပူးပေါင်းရင်းမြစ်များ

KALAQAMA 1:20

Hakkunni gedensaanni Maganu, «Wayi giddo lubbo afi'rinohu addi addi kalaqami wo'mo; ceano iima buubbo» yii.

KALAQAMA 1:28

Maganu manna, «Ille ilamme, sirchi'ne baatto wo'mo; baattono ki'ne gashshitinannita ikkito; baaru giddo hee'ranno qulxu'mira, gordoho buubbanno cearanna baattote aana milli yaanno kalaqami lubbo afi'rinohu baalu aana roorre afidhe» yee maassi'rinsa.

KALAQAMA 12:2

Wolqaataame gosa asseemmohe; maassi'reemmohe; su'makki egennaminoha asseemmo; wolootahono maasso ikkatto;

KALAQAMA 13:16

Sirchokki baattote shaafi gede asse batiseemmo; baattote shaafa kiira dandaannohu hee'riro, ate sirchono kiira dandiinanni.

KALAQAMA 15:5

Hakkiinnino gobbara haa're fushshesi, «Iima higge gordo lai; beeddahe kiirattora dandaattoha ikkiro kiiri; sirchikki hatto ikke bati'ranno» yiisi.

KALAQAMA 17:16

Maassi'reemmose; qoleno isewiinni labbaa beetto eemmohe; maassi'reemmose; gosate amano asseemmose; ilase giddonni mootoolla fultanno» yiisi.

KALAQAMA 26:22

Hakkiinnino shiimare sa'e wole bue untu; isenni kainohunni giwantinokki daafira su'mase, «Xa Maganu halashshinonke; baattote aanano bati'neemmo» yiino daafira tenne buera su'ma Rehobooti yii.

KALAQAMA 26:4

Sirchokkino gordu beeddahe gede asse batiseemmo; tenne baatto baalano sirchikkira eemmo; baattote aana heedhanno gosa baala insanni maassantanno.

KALAQAMA 28:14

Sirchokkino baattote shaafi gede asse batiseemmo; soojjaatinna galchimi, aliyyenna wodiidi geeshsha hala'latto; daga baalano atenninna sirchikkinni maassantanno.

KALAQAMA 35:11

Qoleno Maganu, «Wo'manka Dandeemmo Magani aneeti; ili, ilami; lowo manni anna ikki; mootoolla atewiinni fultanno.

KALAQAMA 46:3

Maganuno, «Ani annuwakki Maganooti; hakkiicho sirchokki lowo gosa asseemmona Gibitse ha'ra waajjitooti.

KALAQAMA 47:27

Israeelootu Gibitsete gobbara Geeseemi heedhe, lowo jiro afidhu; ilanteno lowo geeshsha batidhu.

KALAQAMA 48:16

bushu coyi baalunkunni gatisittoe sokkaasinchi, tenne ooso maassi'ri. Anehu, annuwa'ya Abirihaaminna Yisihaaqi su'mino, insanni woshshamo; insano baattote aana batidho» yee maassi'rinsa.

KALAQAMA 48:4

‹Sirchokki halashsheemmo; batiseemmohe; lowo gosano asseemmohe; tenne baattono ate gedensaanni sirchikkira hegere iqqa asse eemmonsa› yiinoe.

KALAQAMA 9:1

Maganu Nohinna oososi, «Ille ilamme, baatto wo'me;

NEHIMIYA 9:23

Gordu beeddahe gede batinye ooso oottonsa; akaakkansara aattora xaarootto baatto amadde heedhanno gede assoottonsa.

FAARSO 105:24

Kaaliiqi mannasi batisinsa; diinnansanni roore jawaatoota assinsa.

FAARSO 107:38

Mannasi maassi'rinsa; insano lowo ooso afidhu; saadansa kiirono xe'annokki gede assi.

FULO 1:12

Ikkollana, Israeele gadadantu deerrinni kiironsa batidhu; baattote aanano hala'litu; kunninni kainohunni, Gibitsootu Israeeloota lowo geeshsha waajjitunsa.

FULO 12:37

Israeelete manni Raamisenni kae, Sukooti iilla geeshsha lekkansanni ha'ri; kiironsano meentonna ooso agurranna 600,000 geeshsha ikkitanno.

FULO 5:5

Ki'ne kiirotenni Gibitsoota roortinoonni; ki'ne lamunku qoltine manna loosannokki gede assitinanni heedhinoonni!» yiinsa.

HIZIQEELI 16:7

Mu'ra towantannihu gede asse towatoommohe; hojjaameettenna jawaata beetto ikkootta. Unuunikkino guntuti; dananchikki seedi; ikkollana mullicho nootta.

SOQQAMAASINETE LOOSO 13:17

Israeelete Magani balaxe akaakkanke doodhino. Gibitsete manni gobbara noo yannara lowo gosa assinonsa. Lowo wolqanni hakkiinni haa're fushshinonsa.

MARRO 10:22

Annuwa'ne Gibitse dirritu yannara 70 manna callaho. Xa kayinni Magani'ne Kaaliiqi gordu beeddahe gede batisino'ne.

MARRO 26:5

Mitti mitti'ne Magani'ne Kaaliiqi albaanni, ‹Ahaahinke xeeda galanno Sooriyichaati. Shiimu manni ledo Gibitse dirre hakkiicho hee'rino. Jawaata, wolqaataamonna kiirono bati'ra manna ikkino.