FILIMOONA 1:20 - Qullaawa Maxaafa

²⁰ Kunnira rodoo'ya! Konne dancha coye assattoe gede Mootichu su'minni huucci'reemmohe. Eeggakkiitina Kiristoosinni wodana'ya fooliishshiishie.

FILIMOONA 1:20 ပူးပေါင်းရင်းမြစ်များ

UMI QORONTOOSI 16:18

Insa anenna ki'ne wodana fooliishshiishshino. Togoo manna egenna hasiissanno.

LAYINKI QORONTOOSI 2:2

Ani dadilliseemmo'neha nafa ikkiro, dadillisummo'ne ki'ne agurranna ane hagiirsiisannoehu wolu nooni?

LAYINKI QORONTOOSI 7:13

Jawaantoommohu kunninniiti. Ninke jawaante calla ikkitukkinni, Tiito wodani ki'ne baalunkunni fooliishshi'rinota anfe lowo geeshsha hagiidhinoommo.

FILIPHISIYUSI SOKKA 1:8

Ki'ne baalanka Kiristoosi Yesuusi baxanno'ne garinni baxeemmo'neti halaale ikkitinota Maganu egennino.

FILIPHISIYUSI SOKKA 4:1

Kunni garinni, baxeemmo'nerinna sinsinnaaweemmo'neri, hagiirsiissinannierinna ku'leemmo'neri roduuwi'ya, Mootichunni jawaattine heedhe.

FILIMOONA 1:12

Xa kune iso galagalche atewa soommo; iso atewa soya'yanni, ane wodana soommohu gede asse kiireemmo.

FILIMOONA 1:7

Rodoo'ya! Atenni kainohunni ammanaasinete wodani fooliishshi'rino daafira, baxillikki lowo hagiirrenna jawaante uyinoe.

IBIRAAWOOTA 13:17

Gashshite noo'nerira hajajantinanni, yitanno'ne gede ikke. Insa xa'mantanno daafira, ki'ne lubbora yite diinaggaabbanno. Ki'ne hajajantininsaro insa loosonsa hagiidhete loossanno. Hatto ikka hoogiro kayinni, dadillaamma ikkitanno; kuni ki'nera dancha di"ikkino.

UMI YOHAANNISI 3:17

Mannu tenne gobba jiro heedheennasi, qarraminoha rodoosi afe marara hoogiro, Maganu baxilli giddosi hiitto ikke hee'ranno?

SAYIKKI YOHAANNISI 1:4

Ooso'ya halaalaancho heeshsho heedhannota macciishshatenni roorino hagiirri dinoe.