FAARSO ROORE FAARSO 8:2 - Qullaawa Maxaafa

² Ama'ya minira massi'reennahe, baxillu gara rosiisattoehu baino. Roomaanete laalonni coomminshoonnita, fila woyinete xajje hayikkisi'reemmahehu gatino.

FAARSO ROORE FAARSO 8:2 ပူးပေါင်းရင်းမြစ်များ

LAWISHSHA 9:2

Hardino booto gorrite, woyinete xajjeno worte, jila qixxeessitu.

FAARSO ROORE FAARSO 3:4

Insawiinni shiima geeshsha sa"anni hee'renni, lubbo'ya baxxannoha afi'roomma. Fulannokki gede seekke cu'mi'roomma; ama'ya minira adhe ha're, ani ilamoomma holgira eessi'roomma.

FAARSO ROORE FAARSO 4:10

Ayirrado rodoo'ya, idayicho'ya, baxillikki hiitto hagiirsiisannoho! Baxillikki woyinete xajjenni roore tashshi assanno; su'niillikkino shitto baalanta rooranno.

FAARSO ROORE FAARSO 7:12

Gunteno woyinete kaashshi giddora ha'no; woyine daraartino gedeenninna, roomaaneno dartino gedeenni la'no. Hakkiicho baxille'ya leellisheemmahe.

FAARSO ROORE FAARSO 7:9

Afiikki su'niilli, fila woyinete xajje gedeeho. Hatto ikkiro, woyinete xajje, baxillaanchi'ya suumenna, hinko mereero daaddanni dirrito.

FAARSO ROORE FAARSO 8:1

Ati, ama'ya unuuna qane lophinohu, rodii'ya gedeeha ikkattoehu baino! Hatto ikkoommero, doogote afi're sunqeennahe, ayino dimishannoe.

YOHAANNISI 5:39

Ki'ne Qullaawa Borro la"atenni hegere heeshsho afi'nanniha laweenna'ne, wo'manka woyite ise la'inanni. Hatti Qullaawa Borro kayinni anere farcidhannote.

GALATIYU SOKKA 4:26

Gordoho noo Yerusaalame kayinni borojjimmate giddo dinoote; ise amankeeti.

LAYINKI XIMOOTEWOOSI 3:15

Anjekkinni kayisse Kiristoosa Yesuusa ammanatenni, gato afi'nanni roso uyitannota Qullaawa Borrono afootto.

LAYINKI PHEEXIROOSI 1:19

Konneno roorsine xunsineemmo gede assinonkehu himanaanote qaali noonke; kuni qaali hashshu sooda geeshshanna bakkalchu beeddakko wodaninke giddo xabba geeshsha, mannu tunsichu giddo xawanno caabbichira qorophannonte gede, konni qaalirano qorophitiniro danchaho.

YOHAANNIS AJUUJA 19:10

Ani sokkaasincho magansi'rammora lekkasira woroonni kumbuulummo. Isi kayinni, «Qorophi togo ikkitooti! Anino atenna Yesuusi uyino halaale amaddinori roduuwikki ledo soqqamaanchootina, Magano magansi'ri! Yesuusi xawisino halaali, himanaano jawaachishannoho» yiie.