FAARSO ROORE FAARSO 7:4 - Qullaawa Maxaafa

⁴ Goowikki, ilkunni seesiinsoonni shae lawanno; illuwakki, lowiidihu Hasebooni Katami, huxxi waalchi mule noo kofamma labbanno. Sanokki, alba Demaasiqo widira higginota, Libaanoosi shae labbanno.

FAARSO ROORE FAARSO 7:4 ပူးပေါင်းရင်းမြစ်များ

KALAQAMA 15:2

Abiraamino, «Kaaliiqa Mooticha'ya! Ila nooekkihura aattoe maasso ma"assitannoe? Jiro'ya ragi'rannohu Demaasiqote manchi soqqamaanchi'ya Elieezeeriiti» yii.

LAYINKI SAAMUEELI 8:6

Hakkunni gedensaanni Daawiti Sooriyu gobbara olanto kunseentannowa qixxeessi. Sooriyootuno angasira higge isira giwire uyitannore ikkitu. Kaaliiqi Daawitira ha'ri faro baalate qeelle uyisi.

UMI MOOTOOLLA 10:18

Qoleno Moote Selemooni daaniichu hinkonni mitto ayirrado barcima seekkisiise aanaho fila culka xallisiisino.

UMI MOOTOOLLA 10:22

Selemoonira Kiraami markabba ledo lowo baari aana ha'ra dandiitanno markabbano noosi. Tinino sayikki sayikki dirinni culka, birra, daaniichu hinko, qamalenna galado haadhe abbitannosi.

UMI MOOTOOLLA 22:39

Akiaabi assinori wolu coyi baalu, mootimmasi mine daaniichu hinkonni asse biifisino garinna mi'nino katamma baalanniri Israeelete mootoolla dhagge amadino maxaafira borreessame no.

UMI MOOTOOLLA 7:2

«Libaanoosi Dubbooti» yinoonni hari seendille 44 qaafo, godowa 22 qaafootinna, hojja 27 cigileeti. Haraho mittu mittu dirira tonaa onte, tonaa onte assine sasewa dirre uurrinsoonniti 45 tuuqqa noosi. Tuuqqate baddera daguwu dereersuwa worroonni. Insara umoonni tuuqqa amaddinoti uduunne worranni shae no. Haru qalcho giddoyido daguwunni seekkinoonni. Uduunne worranni shaeno giddoyido daguwunni seekkinoonnite.

UMI MOOTOOLLA 9:19

Sinqe duunnannitanna faradonna faradi gaare worranni katamma mini. Selemooni assara hedinore baala assate Yerusaalamete, Libaanoosinna gashshootisi baalu giddo halchinore qixxeessi.

LAYINKI DUDUWO 8:6

Bailaati Katamanna sinqe duunnanni katamma, faradunna faradi gaare heedhanno katamma, Yerusaalamete, Libaanoosinna gashshootisi baalu giddo assara halchinore qixxeessi.

FAARSO 144:12

Oosonke anje heedhenni, haaru kaashshi gede lophite kaajjito; seenninkeno mootete mine biifisate, xarrate qaccera uurrinsoonnire, suwadda tuuqqa gedeere ikko.

FAARSO 45:8

Uddanokkira kaarbenna shitto assinoonni; daaniichu hinkonni seesiinsoonnihura mootete mine heedhe, gannanni gingilaatinni hagiidhatto.

FAARSO ROORE FAARSO 1:10

Kiccakki maccate butichinni biiffinote; goowikkino irrunni gaamaarinoho.

FAARSO ROORE FAARSO 4:1

Baxillaancho'ya, ati hiittoo xumaati! Hiitto biifootta! Guggu'laanchikki giddoonni la'niro, illekki luulakkote. Umikki dananchi, Geleaadi Ilaalinni dirrannoha, koliddaanna me"e lawanno.

FAARSO ROORE FAARSO 4:4

Goowikki, Daawiti shae gedee seedaati; goowikki irrino, Daawiti shae aana suntoonnita kume wonquwanna, olu bagado lawanno.

FAARSO ROORE FAARSO 4:5

Lamunku guntutikki, lakko qalame, dubbu daraaro giddo hosannoha bulaate wilii'le lawanno.

FAARSO ROORE FAARSO 6:5

Ane qafadde usuranya assitannoena, eeggatena illekki ane aaninni hooli. Dananchikki Geleaadinni dirrannoha, koliddaanna me"e lawanno.

ISAYAASI 54:4

«Saalu diamadannohena waajjitooti; dishollattana saalfattooti. Anjekki shollinyeno hawatta; kunni ka'a gunnittete gede minshannahe hee'ritta yanna diqaagatta.

IBIRAAWOOTA 5:14

Kaajjado sagale hasiissannohu danchanna busha bade afate rosi noonsarira lowiddaannu manniraati.