FAARSO ROORE FAARSO 6:9 - Qullaawa Maxaafa

⁹ Ani baxeemmoti kayinni mitte callate; iseno kullannire afidhinokki lemboolcho gedee xumaati; ise amasera mittete; iltinose amano wo'munkunni roorsite baxxannose. Seennuno ise la"anni guwisannose; mootete meentinna irkonnihu naadannose.

FAARSO ROORE FAARSO 6:9 ပူးပေါင်းရင်းမြစ်များ

KALAQAMA 30:13

Liyano, «Hagiirraame ikkoomma; meentuno, ‹Hagiirraame mancho› yaannoe» yite su'ma Aseeri yite fushshitusi.

UMI MOOTOOLLA 11:3

Selemooni 700 mootete ilama ikkino seennenna 300 irkote meento adhino. Insano Selemooni Kaaliiqiwiinni xeerti'ranno gede assino.

FAARSO 126:2

Lowo geeshsha tashshi yeennanke, hagiirru faarso faarsinoommo; wole gosano, «Kaaliiqi bayira coye assinonsa» yitu.

FAARSO 45:9

Mootete seenni, ayirraddu soqqamannohe meenti mereero no; mootitte culku irra wodhite qiniitekkiinni uurritanno.

FAARSO ROORE FAARSO 2:14

Ati boonu qarra maaxantino lemboolcho gedeeti; albikki xumahona, mitte hige laoyya! Huurokki baxissannotena, mitte hige macciishshoyya!» yaannoe.

FAARSO ROORE FAARSO 5:2

Ani goxoomma; wodani'ya kayinni baqqi yee no. Baxillaanchi'ya haaqeete, «Ayirrado rodoo'ya, idayicho'ya, kullannire afi'roottakkiti lemboolcho'ya, eeggatena waalcho fanie. Umi'yara loju eelino; danancho'ya hashshi kifiifo shanshitino» yee, waalcho gangananna macciishshoomma.

KIIRO 23:9

Insa ilaallate birxera uurre, gaarrate aana hee're laeemmo. Wolu manniwiinni baxxite, insanaa maganiweelo gosa gede assite kiirtukkinni, heedhannore afeemmo.

GALATIYU SOKKA 4:26

Gordoho noo Yerusaalame kayinni borojjimmate giddo dinoote; ise amankeeti.

MARRO 33:29

Ki'ne Israeelete manni, hiitto baraadhinoonnireeti! Kaaliiqi wode gatisinohu, ki'ne gedee manni mama no? Kaaliiqi umisi gargadhitinanninna qeeltinanni gede, assitanno wonqootinna biseeti. Diinna'ne higgenke yitanni ki'newa dagganno; ki'neno kaddine aanansa uurritinanni.

LAYINKI TESELONQE 1:10

Qorichansa adhitannohu, mannu baaluwiinni ayirrinye adharanna ammantinosiri baalu guwissasira daanno yannaraati. Ki'neno ninke kulloommo'ne sokka adhitinoonni daafira insa ledo kiirantinanni.