FAARSO ROORE FAARSO 5:7 - Qullaawa Maxaafa

⁷ Ha'rantanni katama agartannori affinoe; ganteno madiissitinoe; hakkuri katama agartannori, uddano'ya mulqite adhitino.

FAARSO ROORE FAARSO 5:7 ပူးပေါင်းရင်းမြစ်များ

FAARSO 141:5

Danchu manchi shaqqillunni qorichishaeranna seejjaera dandaanno; bushu manniwiinni ayirrinye nafa diadheemmo; wo'manka woyite busha loosonsa giwatenni huuccatto assi'reemmo.

FAARSO ROORE FAARSO 3:3

Ha'rantanni katama agartannori affinoe; anino, «Lubbo'ya baxxannoha affinini?» yee xa'moomma.

FAARSO ROORE FAARSO 5:6

Baxillaanchi'yara cufana fanoommasi; isi kayinni ha're kaino. Huurosi macciishshate lowo geeshsha quqquxamoomma; diinaggaawe hasi'roommasi; afi'rammasira kayinni didandoomma. Woshshi'roommasi; isi kayinni yee diyiinoe.

FAARSO ROORE FAARSO 5:8

Ki'ne Yerusaalamete seenni, baxillaancho'ya affinoonniha ikkiro, ani baxillisinni kainohunni xiwamoommata, kultinannisi gede, eegameemma'ne.

FAARSO ROORE FAARSO 8:11

Selemoonira Ba"aali-Hamooni yinanniwa, woyinete dargi noosi; woyinete dargano loossannorira kiraho uyino; mittu mittunku 1,000 kinchu birra abbitannosi.

ISAYAASI 62:6

Yerusaalame! Huxxikkira hashshanna barra goxxannokki agaraasine woroommo; ki'ne Kaaliiqa huuccidhinanniri, Isi Yerusaalame safa geeshshanna, gobba baalate egennantinota assase geeshsha fooliishshidhinoonte; isirano fooliishsho uyitinoonte.

HOOSEI 6:5

Kunni daafira himanaano'ya widoonni qole murmurannohanna gorre shaannoha qaale'ya soommo'ne; yoo'yano banqote gede beleqqanno'ne.

MAATEWOOSI 23:2

«Seeru rosiisaanonna Farisootu rosiissara Muse darga ofoltino.

LUQAASI 6:22

«Ane Manchi Beettinni kainohunni mannu giwi'nero, giddonsanni fushshe huni'nero, mishi'neronna su'ma'ne bushatenni kayisiro ba'raadhinoonnireeti.

YOHAANNISI 16:2

Xaadu mininni fushshite huntanno'ne; shaanno'nehu baalu Maganoho soqqamannoha lawannositi yanna dagganno.

LAYINKI QORONTOOSI 11:13

Hattoo manni Kiristoosi soqqamaasine lawate insanaa soorritannoreeti; kaphaasine soqqamaasineetinna awaawuraasine loosaasineeti.

FILIPHISIYUSI SOKKA 3:6

Maganu laalara yee Kiristoosa ammantinore shorreemmoho. Seera agadhateno ikkiro, minshanniri nookkiha ikke hee'roommo.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.