FAARSO ROORE FAARSO 5:2 - Qullaawa Maxaafa

² Ani goxoomma; wodani'ya kayinni baqqi yee no. Baxillaanchi'ya haaqeete, «Ayirrado rodoo'ya, idayicho'ya, kullannire afi'roottakkiti lemboolcho'ya, eeggatena waalcho fanie. Umi'yara loju eelino; danancho'ya hashshi kifiifo shanshitino» yee, waalcho gangananna macciishshoomma.

FAARSO ROORE FAARSO 5:2 ပူးပေါင်းရင်းမြစ်များ

KALAQAMA 29:20

Yaiqoobino Raaheeli daafira 7 diro soqqami; ise baxino daafira 7 diri shiima barra ikkisi.

FAARSO 119:1

Suwashsho doogo hadhannorinna, Kaaliiqi seeri garinni heedhannori baraadhinoreeti.

FAARSO 81:10

Gibitsete gobbanni fushshummo'nehu ani Kaaliiqi Magano'neeti; wonsheemmo'nena afoo'ne halashshitine fanne.

LAWISHSHA 23:26

Beetto'ya ballo, yeemmore seekkite macciishshi; ani ha'reemmo doogo higge ha'ri.

FAARSO ROORE FAARSO 1:16

Baxillaancho'ya ati xumaho. Addintanni banxanniho; daallasinke shaqqado hayissooti.

FAARSO ROORE FAARSO 2:10

Baxillaanch'ya, «Baxillaaancho'ya kai! Xuma'ya ballo amo mitteenni ha'nona!

FAARSO ROORE FAARSO 2:14

Ati boonu qarra maaxantino lemboolcho gedeeti; albikki xumahona, mitte hige laoyya! Huurokki baxissannotena, mitte hige macciishshoyya!» yaannoe.

FAARSO ROORE FAARSO 2:8

Kuneeti baxillaanchi'ya huuro, ilaallate aana kubbitanni daggu; isino gaarrate aana dodanni dayi.

FAARSO ROORE FAARSO 3:1

Hashsha wo'ma daallasi'ya aana hee're, lubbo'ya baxxannoha afi'rate hasi'roomma; diinaggaawe hasi'roomma; afi'ra kayinni didandoomma.

FAARSO ROORE FAARSO 4:7

Baxillaancho'ya, manninatikki xumaho; kullannireno diafi'rootta.

FAARSO ROORE FAARSO 4:9

Ayirrado rodoo'ya, idayicho'ya, la"atta garinna goowikki irri wodana'ya moorino.

FAARSO ROORE FAARSO 5:11

Albisi filu culki gede xawanno; dananchisino shaqalahonna kolishsho kuulaati.

FAARSO ROORE FAARSO 5:6

Baxillaanchi'yara cufana fanoommasi; isi kayinni ha're kaino. Huurosi macciishshate lowo geeshsha quqquxamoomma; diinaggaawe hasi'roommasi; afi'rammasira kayinni didandoomma. Woshshi'roommasi; isi kayinni yee diyiinoe.

FAARSO ROORE FAARSO 6:9

Ani baxeemmoti kayinni mitte callate; iseno kullannire afidhinokki lemboolcho gedee xumaati; ise amasera mittete; iltinose amano wo'munkunni roorsite baxxannose. Seennuno ise la"anni guwisannose; mootete meentinna irkonnihu naadannose.

FAARSO ROORE FAARSO 7:9

Afiikki su'niilli, fila woyinete xajje gedeeho. Hatto ikkiro, woyinete xajje, baxillaanchi'ya suumenna, hinko mereero daaddanni dirrito.

FAARSO ROORE FAARSO 8:7

Wayi batinyi baxillu giira xoyissa didandaanno; lolahuno fee haa're ha'ra didandaanno. Noosi jiro baalantenni baxille hidhara hasi'rannohu hee'riro, baxille woxunni anfannikki daafira, hakkonne mancho mannu arrassannosi.

ISAYAASI 50:6

Gantannoerira badhe'ya oommo; ereeda'ya cirtannorira baqqaalla'ya qoloommo; xontannoerinna malxifattannoeriwiinni alba shawwu diyoommo.

ISAYAASI 52:14

Dana soorrame manna lawannokkiha ikkino daafira, la"anno manni baalu lowo geeshsha masanno.

DAANIEELI 8:18

Coyi'ri yannara uwoommowa hee'reenna goxano adhite ba'ue. Isi kayinni baattote aaninni amade kayise lekka'yanni uurreemmo gede asse,

ZAKKAARIYAASI 4:1

Ledo'ya hasaawanni noo sokkaasinchi galagale daye, goxino mancho kayinsannihu gede asse shafe,

MAATEWOOSI 7:8

Huucci'rannohu baalu adhanno; hasi'rannohu afi'ranno; woshshi'rannohura fannannisi.

MAATEWOOSI 8:17

Hatto assasinni himanaanchu Isayaasi, «Ninke dhibba isi doyisse adhino; xissonkeno isi duqqino» yiino himani wo'mi.

MAARQOOSI 1:35

Soodara rahe hee'reenna Yesuusi gute kae, kashshi yaannori nookkiwa mare huuccatto assi'ri.

LUQAASI 22:44

Wodana lowo geeshsha yaadino daafira duu're huucci'ranni no. Hunkuuno mundeete gede ikke uullate aana coccoi.

LUQAASI 6:12

Mitto barra Yesuusi huucci'rara ilaala fuli. Hakkiicho hashsha wo'ma Magano huucci'ranni gali.

LUQAASI 9:32

Hatte yannara Pheexiroosinna ledosi noori goxxe no. Baqqi yitanno woyite, Yesuusi ayirrinyenna ledosi noore lame manna affu.

YOHAANNISI 10:4

Ge'reewosi gobbara fushshe, albansaanni ha'ranno. Ge'reewuno huurosi egennino daafira, hoodesi ha'ranno.

GALATIYU SOKKA 2:20

Ani Kiristoosi ledo dawete aana sutame noommo; kunni ka'a ani dihee'reemmona ane giddo Kiristoosi hee'ranno. Xa hee'reemmo heeshsho baxannoehanna ane daafira lubbosi sayise uyinoha Maganu Beetto amma'natenni afi'roommote.

EFESOONI SOKKA 5:14

Xawaabbu baalanka coye xawise leellishanno. Kunnira: «Ati goxxe noottohu baqqi yii! Reyotennino kai! Kiristoosi xawisannohena» yinoonni.

YOHAANNIS AJUUJA 14:4

Meyate ledo foorte battaabbinokki daafira lago diafidhinoreeti. Insa Ge'rechu ha'rannowa baala hoodesi hadhanno. Maganohonna Ge'rechoho umi laalcho ikkite shiqqanno gede mannu giddonni wonde gatinsoonnireeti.

YOHAANNIS AJUUJA 3:20

Kuneeti ani nafara uurre woshsheemmo; ayino huuro'ya macciishshe cufana faniero isiwa e"eemmo; sagaleno lamunku mitteenni inteemmo.

YOHAANNIS AJUUJA 3:4

Ikkollana, uddanonsa xursiisidhinokkiri Serdeesi shiimu manni ate ledo no. Insa ane ledo ha'ra maltinonsare ikkitino daafira, waajjo uddano uddidhe ledo'ya hadhanno.