FAARSO ROORE FAARSO 5:16 - Qullaawa Maxaafa

¹⁶ Afiisi malawimma coommanno; suudisi baalu baxisannoho. Yerusaalamete seenne, baxillaanchi'yanna jaali'ya togooho!

FAARSO ROORE FAARSO 5:16 ပူးပေါင်းရင်းမြစ်များ

LAYINKI SAAMUEELI 1:23

Saaoolinna Yoonaataani mannu baxanno danchuulleeti; reyo heeshshora dibaxxitannoreeti. Allamurchunni roore rakkannoreeti; doobbiichunni roore jawaattinoreeti.

FAARSO 119:103

Qaalikki hiitto coommannoho! Malawu leonni roore coommannoho.

FAARSO 148:13

Su'misi wole su'muwanni rooranno; ayirrinyisino baattotenna gordoho aleenniiti. Kunnira, wo'munku Kaaliiqi su'ma galato.

FAARSO 19:10

Kaaliiqi Seeri culkunni, filu culkinni nafa roore halchishanno; malawunni, malawu leonni nafa roore coommanno.

FAARSO 45:2

Ati manna baala roore xumaati; Maganu maassi'rinohe daafira, hasaawikki coommannoha ikkino.

FAARSO 89:6

Kaaliiqi ledo taalamannohu gordoho nooni? Gordoho noo kalaqami giddo Kaaliiqa lawannohu ayeti?

FAARSO ROORE FAARSO 1:16

Baxillaancho'ya ati xumaho. Addintanni banxanniho; daallasinke shaqqado hayissooti.

FAARSO ROORE FAARSO 1:2

Baxillikki woyinete xajjenni roore coommannoha ikkino daafira, suumekkinni sunqie.

FAARSO ROORE FAARSO 1:5

Ki'ne Yerusaalamete seenni macciishshe! Ani kolishshote; ikkollana kayinni xumate. Ane kolishshimma Qeedaari dukkana labbanno; xumme'ya Selemooni gashshooti mini dukko gedeete.

FAARSO ROORE FAARSO 2:1

Ani Saarooni adalchinna, lagichaho fulanno daraarchi gedeetella.

FAARSO ROORE FAARSO 2:16

Baxillaanchi'ya aneho; anino isite; daraarote mereero hoshshasi allaa'lanno.

FAARSO ROORE FAARSO 2:3

Baxillaanchi'ya wolu wedelli ledo taashshiniro, dubbu giddo laalanno haqqichi gedeeho; anino hagiidhanni caalisi hunda fooliishshi'roomma; laalosino coommitannote.

FAARSO ROORE FAARSO 4:3

Suummakki gujuujjete gede biiffinote; hasaawatta woyiteno lowo geeshsha baxissanno; lamenti kiccakki guggu'laanchikki giddoonni la'niro, lamewa balka yitinota roomaanete laalo labbanno.

FAARSO ROORE FAARSO 6:3

Baxillaanchi'ya aneho; anino isite; isino daraarote giddo itanni no.

FAARSO ROORE FAARSO 7:9

Afiikki su'niilli, fila woyinete xajje gedeeho. Hatto ikkiro, woyinete xajje, baxillaanchi'ya suumenna, hinko mereero daaddanni dirrito.

ERMIYAASI 15:16

Olantote Magano Kaaliiqa! Qaalekki afi'ranni hee'renni itoommo; ani ateha ikkoommo daafira, qaalikki wodani'yara hagiirrenna hisanyoote wonshinoe.

ERMIYAASI 3:20

Ki'ne kayinni, ayiddaannase agurte hadhino mancho gede ikkitinoonni; ammanama hooga'nenni ane agurtinoonnie. Konne coye coyi'roommohu ani Kaaliiqaati.

HOOSEI 3:1

Kaaliiqi, «Hadhe, elise ledo foortanni noota albi ayiddaamakki galagalte baxise. Israeelete manni wole magannawa higirono, qeeqqitino laalo kaphu magannara shiqishate hasidhurono ani kayinni xaano baxeemmonsahu gede, atino ise baxise» yiie.

GALATIYU SOKKA 2:20

Ani Kiristoosi ledo dawete aana sutame noommo; kunni ka'a ani dihee'reemmona ane giddo Kiristoosi hee'ranno. Xa hee'reemmo heeshsho baxannoehanna ane daafira lubbosi sayise uyinoha Maganu Beetto amma'natenni afi'roommote.

FILIPHISIYUSI SOKKA 3:8

Mooticha Yesuusa Kiristoosa egennatenni roorinori mitturino nookkita afe, baalankare mullare asse aguroommo. Isi daafira yee wole baalanka coye hune aguroommo; Kiristoosiha ikkammora yee wo'mankare ishinu gede asse aguroommo.

YAIQOOBI 2:23

Qullaawu Maxaafira, «Abirihaami Magano ammani; ammanasino keeraanchimmate kiirantusi» yaanno qaali wo'mi. Kunni garinni Abirihaami Maganu jaalaati yinisi.

YAIQOOBI 4:4

Ki'ne ammanantinannikkiri! Tenne gobba baxa Magano giwa ikkitinota diegentinoonni? Kunnira, tenne gobba baxannohu baalu Maganoho diinaho.