FAARSO ROORE FAARSO 5:1 - Qullaawa Maxaafa

¹ Ayirrado rodoo'ya, idayicho'ya, kuneeti kaashshi'ya dargira eoommo; kaarbe'yanna shitto'ya daraaro xinqi'roommo; malawi'ya leo qasonte ledo itoommo; woyinete xajje'yanna ado'ya agoommo. Ki'ne baxillaasine, baxillunni kassi yitina geeshsha itte, agge.

FAARSO ROORE FAARSO 5:1 ပူးပေါင်းရင်းမြစ်များ

KALAQAMA 37:25

Hakkunni gedensaanni sagale ittara ofoltu; ittanni heedhe xeertote Ismaeelete daddalaasine Gibitse hadhara Geleaadinni dagganna affu; insano gaallansara shitto, hixaananna kaarbe hogophite no.

FAARSO 147:11

Isi ayirrissannosirinninna, bagamannokki baxillesi addaxxitannorinni hagiidhanno.

FAARSO 16:3

Baattote aana noo keeraano baala, ledonsa heera'yanni hagiidheemmo ayirraddaati.

LAWISHSHA 24:13

Beetto'ya, malawu danchahona iti; malawu leono coommitannote.

LAWISHSHA 9:5

Wodanu nookkihano, «Amo qixxeessoomma sagale iti! Woroommata woyinete xajjeno agi!

ROSIISAANCHO 2:5

Caalu haqqe kaasi'roommo. Tenne haqqe giddono addi addi laalo uyitanno haqqe no.

FAARSO ROORE FAARSO 1:13

Baxillaanchi'ya, guntuti'ya qarrira noohu, gujuujjete su'nari gedeeho.

FAARSO ROORE FAARSO 4:16

Ati aliyye bubbe kai! Ati wodiidi bubbeno kawa amo. Dagge haqqe'ya giddo bubbisi; diilallono, danchu fooli giddo wo'minota ikkito. Baxillaachi'ya haqqe giddora dayona; doorroonni laalono itona.

FAARSO ROORE FAARSO 4:8

Idayicho'ya, amo ane ledo Libaanoosi Ilaalinni dirri; Libaanoosi Ilaalinni amo; Amaana Ilaali guunxonni dirri; doobbichunna dagunchu hee'rannowiinni, Seniirinna Hermooni ilaallanni dirrite amo.

FAARSO ROORE FAARSO 6:11

Lagaho kaasantino haqqe lattino gara la"ate, woyine ciirtinotanna roomaane daraartinota la"ate, kooke loonsanniwa dirroommo.

FAARSO ROORE FAARSO 6:2

Baxillaanchi'ya, itaranna daraaro gamba assi'rara, su'niitanno haqqe fultannowa gatisira ha'rino.

FAARSO ROORE FAARSO 8:1

Ati, ama'ya unuuna qane lophinohu, rodii'ya gedeeha ikkattoehu baino! Hatto ikkoommero, doogote afi're sunqeennahe, ayino dimishannoe.

FAARSO ROORE FAARSO 8:13

Baxillaancho'ya, kaashshu giddo heedheenna, jaalla'ya huurokki macciishsha hasidhinona, hanni anerano huurokki leellishie.

ISAYAASI 23:18

Daddale afi'rannori baalu Kaaliiqira baxxinoha ikkanno; gamba assi'rinore dimiinji'rannona, Kaaliiqira soqqantannorira hasiissanno sagaleranna danchu imaanira ikkanno.

ISAYAASI 5:1

Ayirradu baxillaanchi'yanna, woyinete kaashshi daafira faarseemmo. Baxillaanchi'yara lowo geeshsha shaqqadu gaari aana, woyinete kaashshi noosi.

ISAYAASI 51:3

«Ani Yerusaalame diggi asseemmose; diigammeseno lae marareemmose. Halallimmase Edenete gedeeta, moolleseno Gannatete gedeeta asseemmo; hagiirrenna qawaaxxo eemmose; giddose galatu faarso macciishshinanni.

ISAYAASI 53:11

Keeraanchu soqqamaanchi'ya lubbosi qarrantuhu gedensaanni, heeshshote xawaabba lae hagiidhanno. Egennosinnino lowo manna keereensanno; saonsano duqqanno.

ISAYAASI 58:11

Wo'manka woyite ani albaanni ha'reemmo'ne; moollete gobbara kassi asseemmo'ne; gogi'nera fayyimmanna jawaante eemmo. Waa hayikkinsanni baattonna, moolte egentinokki buicho gedeere ikkitinanni.

ISAYAASI 61:11

Baatto jajja mu'rissannohu gedenna, gatu winxire laashshannohu gede, Mootichu Kaaliiqino mannu baalunku giddonni, keeraanchimmanna galatu burqanno gede assanno.

ISAYAASI 65:13

Kunnira Mootichu Kaaliiqi, «Soqqamaano'ya ittanna ki'ne hudidhinanni. Soqqamaano'ya agganna ki'ne goodhinanni; soqqamaano'ya hagiidhitanna ki'ne kayinni saalfattinanni.

ISAYAASI 66:14

Kuni coyi ikkanna affinanni yannara hagiidhitinanni; Kaaliiqi ki'ne latise jawaantenna fayyimma aanno'ne. Hakkunni gedensaanni hajajantannoere kaa'leemmotanna, baarigaarra'yara kayinni hanqeemmota affinanni» yii.

MAATEWOOSI 25:40

«Mooteno, ‹Halaale kuleemmo'nena, kuri maa'nuullu roduuwi'ya giddonni mittoho nafa assitinoonnihu baalu anera assitinoonniho yaate› yee qolinsa.

LUQAASI 12:4

Yesuusi, «Jaalla'ya ani kuleemmo'nena, maala shaa agurranna wolere assa dandiitannokkire waajjitinoonte!

YOHAANNISI 3:29

Idayicho noosihu adhannoho; albisu kayinni adhannohu mule uurre huurosi macciishshe hagiidhanno. Kunnira, ane hagiirrino xa wo'mino.

SOQQAMAASINETE LOOSO 11:29

Kunnira Antsookiyaho heedhanno ammanaano Yihudaho heedhanno roduuwira noonsa wolqanni woxe fushshite sokkanno gede assitu.

EFESOONI SOKKA 5:18

Huntanno'nena woyinete xajje aggine dimbitinoonte. Hatteentenni Qullaawu Ayyaani wo'mo'ne.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.

EJJEETTO 14:11

Filisxeemootu iso affuti, dukkissannosire 30 wedella uyitusi.

EJJEETTO 14:20

Ayiddaamasino dukkissusiri giddonni mittoho uyini.