FAARSO ROORE FAARSO 4:16 - Qullaawa Maxaafa

¹⁶ Ati aliyye bubbe kai! Ati wodiidi bubbeno kawa amo. Dagge haqqe'ya giddo bubbisi; diilallono, danchu fooli giddo wo'minota ikkito. Baxillaachi'ya haqqe giddora dayona; doorroonni laalono itona.

FAARSO ROORE FAARSO 4:16 ပူးပေါင်းရင်းမြစ်များ

ROSIISAANCHO 1:6

Bubbe wodiidira higge bubbissanno; aliyyera higgeno doyitanno. Doyite doyite galagalte higganno.

ROSIISAANCHO 2:5

Caalu haqqe kaasi'roommo. Tenne haqqe giddono addi addi laalo uyitanno haqqe no.

FAARSO ROORE FAARSO 1:13

Baxillaanchi'ya, guntuti'ya qarrira noohu, gujuujjete su'nari gedeeho.

FAARSO ROORE FAARSO 1:4

Anga'ya amadde goshooshie; mitteenni dondo! Moote'ya holgikkira eessie; hakko mitteenni hagiidhineemmo. Baxillekki woyinete xajjenni roore naandeemmo; kunnira, seennu baalu lowo geeshsha baxannohe.

FAARSO ROORE FAARSO 2:3

Baxillaanchi'ya wolu wedelli ledo taashshiniro, dubbu giddo laalanno haqqichi gedeeho; anino hagiidhanni caalisi hunda fooliishshi'roomma; laalosino coommitannote.

FAARSO ROORE FAARSO 2:8

Kuneeti baxillaanchi'ya huuro, ilaallate aana kubbitanni daggu; isino gaarrate aana dodanni dayi.

FAARSO ROORE FAARSO 5:1

Ayirrado rodoo'ya, idayicho'ya, kuneeti kaashshi'ya dargira eoommo; kaarbe'yanna shitto'ya daraaro xinqi'roommo; malawi'ya leo qasonte ledo itoommo; woyinete xajje'yanna ado'ya agoommo. Ki'ne baxillaasine, baxillunni kassi yitina geeshsha itte, agge.

FAARSO ROORE FAARSO 6:2

Baxillaanchi'ya, itaranna daraaro gamba assi'rara, su'niitanno haqqe fultannowa gatisira ha'rino.

FAARSO ROORE FAARSO 8:12

Woyinete dargi ane umi'yaho; Selemooni'ya, ati 1,000 kinchu birra gatisidhe, loosaasinete 200 kinchu birra uyi.

ISAYAASI 64:1

Gordo darte mayira dirra giwitto? Ilaallano ate waajjite huxidhoommero maaho!

HIZIQEELI 37:9

Kaaliiqino, «Koo manchi beetto, bubbe baalunku raginni dagge kunni reyino manni giddora e'eenna, galagalte lubbotenni heedhanno gede, ani Mootichu Kaaliiqi hajajoommota kulinsa» yiie.

MAATEWOOSI 26:10

Yesuusi yitino coye macciishshe, «Tenne mancho mayira qarrissinannise? Ise anera dancha coye assitino.

MAATEWOOSI 26:12

Ise tenne shitto umi'ya aana dunatenni, ane waammate qixxeessitanni nooe.

YOHAANNISI 3:8

Bubbe baxxu widira bubbissanno; luulo macciishshatto; maminni daggannoronna mamira hadhannoro kayinni diafatto. Ayyaanunni ilaminohu baalu hattooti» yiisi.

YOHAANNISI 5:8

Yesuusino, «Ka'e daallasakki duqqite ha'ri!» yiisi.

SOQQAMAASINETE LOOSO 4:31

Huuccidhe ka'uta, gamba yite noo dargi shashshafami. Baalunkura Qullaawu Ayyaani wo'meennansa Maganu qaale waajjitukkinni kultu.

ROOMU SOKKA 15:16

Maganu tenne elto uyinoehu Dancha Duduwo Dagate kulanni, qeesichu gede ikke Yesuusi Kiristoosira soqqamammoraati. Kunnira, Daga Qullaawu Ayyaaninni qullaawoota ikkite Magano hagiirsiissanno kakkalo ikkitanno gede assateeti.

ROOMU SOKKA 15:28

Gamba assinoonninsata wo'ma kaa'lo haa're Yerusaalame iillishummohu gedensaanni, Isipeene ha'ranni ki'ne lae saeemmo.

UMI PHEEXIROOSI 2:5

Mootichu Yesuusiwa shiqqinannihuno, heeshshote kinna gede ayyaanaamo mine ikkitine minamateeti. Kunni garinni Yesuusi Kiristoosi widoonni tashshi assitannota ayyaanaame kakkalo Maganoho shiqishate qullaawa qeesoota ikke.

LAYINKI PHEEXIROOSI 3:18

Roorenka, Mootichinkenna Gatisaanchinke Yesuusi Kiristoosi eltonninna egennonni lophe; isira xaano hegere geeshsha ayirrinyu ikkosi! Hamii'ni.