FAARSO ROORE FAARSO 4:14 - Qullaawa Maxaafa

¹⁴ Naardoosi, su'niitanno irde hixichi, duuwanchu, hixaanu gede su'naannohu addi addi haqqi noose. Qolteno giddose kaarbe, daraaranno argiisinna, su'niitannoti addi addi haqqe fultanno.

FAARSO ROORE FAARSO 4:14 ပူးပေါင်းရင်းမြစ်များ

KALAQAMA 43:11

Anninsa Israeeli, «Maahoyye hatto ikkannoha ikkiro yitinoonnita asse; dancha gobbanke laalcho: Shiima buudhinanniha belesaani xagicho, shiima malawo, shitto, kaarbe, hawaawenna ocholoone haadhine ogorra'nera wortine massitine hakko manchira afansha assitine uuyye.

UMI MOOTOOLLA 10:10

Saaba mootitte massitinosi afansha baala Selemoonira uyitusi. Culka 4,000 kiilo roorannoha, lowo geeshsha bati'ra shittonna dilqa kincho massitinosi. Ise uyitinosi shitto hakkunni gedensaanni massinoonnisi shitto baalatenni lowo geeshsha roorete.

LAYINKI DUDUWO 9:9

Saaba mootitte abbitinosi afansha baala Selemoonira uyitusi. Culka 4,000 kiilo roorannoha, lowo geeshsha bati'ra shittonna dilqa kincho abbitino. Ise uyitinosi shitto hakkunni gedensaanni abbinoonni shitto baalatenni lowo geeshsha roorete.

FAARSO 45:8

Uddanokkira kaarbenna shitto assinoonni; daaniichu hinkonni seesiinsoonnihura mootete mine heedhe, gannanni gingilaatinni hagiidhatto.

FULO 30:23

«Fila qimame 6 kiilo, fila du'nantanno kaarbe, 3 kiilo tanni yee su'naannoha haqqu omolcho, 3 kiilo hixichonna,

LAWISHSHA 7:17

Aanaho kaarbetenni, almuuninna qarafa yinanni haqqenni seekkinoonni su'nare giggishshoomma.

FAARSO ROORE FAARSO 1:12

Moote haranchu daallasi aana gaffi asse hee'reenna, shitto'ya su'niilli mine wo'mi.

FAARSO ROORE FAARSO 3:6

Wiliilete gede hossi yiinohu, su'narunna kaarbete foole afi'rinohu, kuni halallinni daannohu maati?

FAARSO ROORE FAARSO 4:6

Hashshinohu sooda geeshsha, tunsichuno sa"a geeshsha, kaarbete ilaaliwa, hixaanu gaariwa mare fooliishshi'reemmo.

FAARSO ROORE FAARSO 5:1

Ayirrado rodoo'ya, idayicho'ya, kuneeti kaashshi'ya dargira eoommo; kaarbe'yanna shitto'ya daraaro xinqi'roommo; malawi'ya leo qasonte ledo itoommo; woyinete xajje'yanna ado'ya agoommo. Ki'ne baxillaasine, baxillunni kassi yitina geeshsha itte, agge.

FAARSO ROORE FAARSO 6:2

Baxillaanchi'ya, itaranna daraaro gamba assi'rara, su'niitanno haqqe fultannowa gatisira ha'rino.

HIZIQEELI 27:19

Uzaali heedhannori Daanootunna Giriikootu daashshinoonni siwiilanna qimame abbite uduunnikkinni soorridhino.

KIIRO 24:6

Diramino saatte, wayi gami jajja, Kaaliiqi kaasino argiiyyenna wayi gama noo daguwa lawanno.

MAARQOOSI 16:1

Ayihudete Fooliishsho Barri saeenna, Megidelitte Maariyaami, Yaiqoobi iltino Maariyaaminna Saloome, Yesuusi reeshshira buurara shitto hidhi.

YOHAANNISI 19:39

Mitto waro hashsha Yesuusiwa marihu Niqoodimoosi kaarbenna argiisa karsiise 30 kiilo geeshsha asse haa're abbi.

YOHAANNIS AJUUJA 18:13

su'naannoha haqqu omolcho, su'niitanno qimamma, hixaana, kaarbe, su'nare, woyinete xajje, ejedhete zayite, fila bullee, qamade, lalonna ge'reewo, faradonna faradi gaare, borojjenna qafadamino manna hidhannoha diafidhanno.