FAARSO ROORE FAARSO 2:12 - Qullaawa Maxaafa

¹² Baattote aana daraaro leeltino; faarsote yanna iillitino; gobbankera lembooli huuro leeltanni no.

FAARSO ROORE FAARSO 2:12 ပူးပေါင်းရင်းမြစ်များ

KALAQAMA 15:9

Kaaliiqino, «Sasu diri adde, sasu diri meichonna sasu diriha ge'rechu goco, hattono bukukkaamanna lemboolcho haadhe abbi» yiisi.

FAARSO 74:19

Ate anga galino manna moyichoho uyitooti; gadadaminoha mannakki horonta habbooti.

FAARSO 89:15

Ate faarsotenni galattannoherinna xawaabbikki giddo heedhannori hiitto baraadhinoreeti!

FAARSO ROORE FAARSO 2:11

Kune xeenu birrino; hawaduno saino.

FAARSO ROORE FAARSO 6:11

Lagaho kaasantino haqqe lattino gara la"ate, woyine ciirtinotanna roomaane daraartinota la"ate, kooke loonsanniwa dirroommo.

FAARSO ROORE FAARSO 6:2

Baxillaanchi'ya, itaranna daraaro gamba assi'rara, su'niitanno haqqe fultannowa gatisira ha'rino.

ISAYAASI 55:12

«Tidhantine fultinanni waro, gobba'ne keerunni higginanni. Ilaallanna gaarra alba'neenni faarsitanni kukkubbitanno; dubbu haqqeno anga gantanno.

ERMIYAASI 8:7

Rumichu, lembooli, teenni-qocenna qo'laante, hawado darante hadhe, arro galagalte higganno yanna egentino. Ki'ne manni'ya kayinni, ani oommo'ne hajajo diegentinoonni.

QOLASIYAASI SOKKA 3:16

Maganu qaali wo'me hee'ro'ne; egenno baalatenni mimmito'ne rosiissenna seejje. Faarsotenni, guwishshunninna, geewotenni, Magano wodani'nenni galattinanni faarse.