FAARSO 99:9 - Qullaawa Maxaafa

⁹ Maganonke Kaaliiqa galattesi; qullaawu ilaalisi aanano magansidhesi; Kaaliiqi Maganinke qullaawahona.

FAARSO 99:9 ပူးပေါင်းရင်းမြစ်များ

FAARSO 132:7

Kunni gedensaanni, «Amme Kaaliiqi minira ha'nona! Ayirradu barcimisira albaanni magansi'nosina!» yinoommo.

FAARSO 2:6

«Tsiyooni Ilaali qullaawu aana moote'yano moohisi'roommo» yii.

FAARSO 99:3

Wo'munku lowohanna ayirrado su'masi galato; isi qullaawaho.

FAARSO 99:5

Maganonke Kaaliiqa galattesi; qullaawu isootina, ayirrinyu barcimisira albaanni kumbuullesi!

ISAYAASI 5:16

Olantote Mootichi Kaaliiqi kayinni yoo taashshasinni ayirranno. Qullaawu Magani halaalaanchimmasinni ewelummasi egensiisanno.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

ISAYAASI 6:3

Ku'u ku'unniwiinni haa'ranna baalunku, «Qullaawu! Qullaawu! Qullaawu! Olantote Mootichi Kaaliiqi, ayirrinyisi kalqe baala wo'mino» yitu.

IMBAAQOOMI 1:12

Imbaaqoomi qole, «Kaaliiqa Magano'ya, ati bi're hundinni kayisse nootto qullaawaatinna hegerera hee'rattoho. Ninkeno direyineemmo. Golonke ikkoottohu Maganonke, cubbinkenni kainohunni Baabilooni gosa aananke kayisoottohunna wolqano oottonsahu ateeti.

LUQAASI 1:49

Wolqaataamu Magani anera jajjabba coye assinoe; su'misino qullaawaho.

YOHAANNIS AJUUJA 3:7

«Filidelfiyu Katamira noo beetekiristaane sokkaasinchira, « ‹Waalcho fannanniti Daawiti qulfe noosihu qullaawunna halaalaanchu coyi'rino coyeti. Isi faninoha ayino dicufanno; isi cufinohano ayino difananno:

YOHAANNIS AJUUJA 4:8

Shoolunku kalaqami mittu mittunku lee qoolla afidhino; qoolu giddoyidi nafa gatikkinni illuwa wo'mitinoho. Hashshano barrano fooliishshidhukkinni, «Qullaawu, qullaawu, qullaawu; Hee'rinohu, noohunna daannohu, Wo'manka Dandaannohu Mootichu Maganu» yite faarsitanno.

UMI SAAMUEELI 2:2

Kaaliiqa, ate gedeehu qullaawu ayino? Ate gedeehu wolu dino; ate Maganinke gedeehu golu dino.