FAARSO 99:8 - Qullaawa Maxaafa

⁸ Kaaliiqa Maganonke! Ati mannikki huuccatto macciishshootto; maarattoha ikkoottota kuloottonsa; ikkollana kayinni bunshe loossanno woyite qorichishattonsa.

FAARSO 99:8 ပူးပေါင်းရင်းမြစ်များ

LAYINKI SAAMUEELI 12:14

Ikkollana, tenne sao assatenni Kaaliiqa lowo geeshsha mishootto daafira, ilaminohu qaaqqikki reyanno» yiisi.

FAARSO 78:38

Isi kayinni maarannoho; cubbonsa agurinonsata ikkinnina dihuninonsa; batinye hige hanqosi hoolino; duucha hige aarasi ittisino.

FAARSO 89:33

Kayinnilla, bagamannokkiha baxille'ya Daawitiwiinni dixeertiseemmo; oommosi hexxono badhera diqoleemmo.

FULO 32:2

Aaroonino, «Meenti'nenna seenni'ne maccara noota culku qalawattanna ooso'ne maccara noo bilicuwa fushshitine abbe» yiinsa.

FULO 34:7

Bagamannokkihu baxilli'ya kumunni kiirranni ilamara iillanno; sao, sarxonna cubbo agureemmo; ikkirono, sao assinoha horonta dikeereenseemmo; annuwate cubbira ooso sasenna shoole ilama geeshsha qorichisheemmo Maganooti» yee kulisi.

ROSIISAANCHO 7:29

Maganu manna suwise kalaqinota calla afoommo. Mannu kayinni, lowo geeshsha shokkashshoho.

ERMIYAASI 46:28

Soqqamaano'ya Israeele, ani ledo'ne noommona waajjitinoonte. Giddonsa billaallisummo'ne gosa baala huneemmo; ki'ne higginara yee taalo qoricha eemmo'ne; kayinnilla co'o asse digudeemmo'ne. Konne coye coyi'roommohu ani Kaaliiqaati» yii.

SOFFOONIYAASI 3:7

Ani konne baala coye asseenna, ‹Manni'ya ayirrisannoe; seejjo'yano macciishshanno; assoommo galata baala dihawanno› yee hedoommo. Manni'ya kayinni bunshete aana bunshe ledino; bushu loosinnino battaawino» yii.

KIIRO 20:12

Kaaliiqi kayinni Musenna Aarooni, «Israeelete albaanni Qullaawa ikka'ya egensiisate ane addaxxitinoonnikki daafira, konne manna haadhine eemmonsa gobba dimassitinanni» yee rufinsa.

KIIRO 20:24

«Aarooni reyanno. Lamunku Meriiba Wayiwa hajajo'ya huntinoonni daafira, isi Israeelete eemmo gobba mare di"iillanno.

ROOMU SOKKA 1:21

Insa Magano affe heedhenni, Maganimmasira malino ayirrinyenna galata diuyitinosi. Hedonsa haafa ikkite gattu; jallaagu wodaninsano tunsi.

MARRO 3:26

Kaaliiqi kayinni ki'nenni kainohunni hanqinoe daafira dimacciishshinoe. Kaaliiqino, «Xaate ikkinona konne coye kayissinoonte.