FAARSO 99:3 - Qullaawa Maxaafa

³ Wo'munku lowohanna ayirrado su'masi galato; isi qullaawaho.

FAARSO 99:3 ပူးပေါင်းရင်းမြစ်များ

NEHIMIYA 1:5

«Gordu Magano Kaaliiqa, ati jawahonna waajjinanniho. Ati baxxannoheriranna hajajokki ayirrissannorira baalaho gondoorokki seekkite agaratto.

NEHIMIYA 4:14

Mannu yaadinota afoommohura, insanna albisootansa, woloota roorroota baala, «Diinanke waajjitinoonte; lowo geeshsha jawunna waajjishanno Magani noonketa qaagginanni, fiixi'ne, ooso'ne, meenti'ne, mini'nenna jajji'ne daafira olamme» yuummonsa.

NEHIMIYA 9:32

«Maganonke Kaaliiqa ballo, ati jawaho, wolqaataamohonna ayirradoho! Baxillunniha gondoorokkino hegere geeshsha disoorratto. Asoori mootoolla ninke gadadisa hanaffu yannanni kayise, xaa geeshsha iillinonke qarri bati'rahona, ajishshe la'ooti. Mootoollankenna albisootinke qeesootinkenna himanaanonke, akaakkankenna manninke baalu addintanni shetino; ninke baalunku shentoommo garano qaagi.

NEHIMIYA 9:5

Iyyaasu, Qadimieeli, Baani, Hashebaaniya, Sherebiya, Hoodiya, Shebaaniyanna Fetahiya yinanni Leewaawooti, «Ka'ine uurritine Magano'ne Kaaliiqa galatte; Kaaliiqa hegere hegerera guwissesi. Mannu guwishshi jawimmasi gudise leellishate guutinokkiha ikkiro nafa, ayirradu su'miha Kaaliiqa guwissesi» yitu.

FAARSO 100:4

Galattinanni qullaawa waalchosi higgine e'e; galata haadhine gudumaalesi marre; galattesi; guwissesi.

FAARSO 103:1

Lubbo'ya Kaaliiqa galati; wo'ma mannimma'ya qullaawa su'masi galati.

FAARSO 111:9

Mannasi wolassinsa; insaa ledo hegere gondooro ei; isi qullaawahonna wolqaataamoho.

FAARSO 145:17

Kaaliiqi assanno coyi baalunku halaalaanchoho; baalanka coye shaqqillunni assanno.

FAARSO 66:3

Magano, «Loosikki dhaggenniho; wolqakkino lowota ikkitinohura, baarigaarrakki huxidhe waajjitannohe.

FAARSO 76:1

Maganu Yihudu gobbara egennaminoho; su'misino Israeelete ayirradoho.

FAARSO 76:12

Isi boonaleeyye gashshaano shollishanno; jajjabba mootoolla masisanno.

ISAYAASI 6:3

Ku'u ku'unniwiinni haa'ranna baalunku, «Qullaawu! Qullaawu! Qullaawu! Olantote Mootichi Kaaliiqi, ayirrinyisi kalqe baala wo'mino» yitu.

ERMIYAASI 20:11

Kaaliiqi kayinni bareedu olamaanchi gede ikke ane ledo no; kunnira shorritannoeri sarraaqante ubbanno; ubbeno shollitanno; shollinyinsano kullanna hee'ranno.

YOHAANNISI 17:11

Ani kunni ka'a tenne gobbara dihee'reemmo; insa kayinni, tenne gobbara no. Ani Atewa daammoraati. Qullaawa Anna'ya, kuri oottoeri, atenna ane gede mitto ikkitara oottoehu su'mikki wolqanni keerunni agarinsa.

MARRO 28:58

«Kunni maxaafira borreessinoonniha konne seera seekkitine agadha hoogginiro, dhaggennihanna waajjishannoha Magani'ne Kaaliiqi su'ma ayirrisa gibbiniro,

MARRO 7:21

Mereero'ne noohu Magani'ne Kaaliiqi jawanna waajjishanno Magano ikkino daafira insa waajjitinoonte.

IYYAASU 24:19

Iyyaasuno mannaho, «Kaaliiqi qullaawanna hinaasaancho Magano ikkinohura, ki'ne isira soqqama didandiitinanni. Wole maganna magansidhiniro, sao'nenna cubbo'ne baala diaguranno.

YOHAANNIS AJUUJA 4:8

Shoolunku kalaqami mittu mittunku lee qoolla afidhino; qoolu giddoyidi nafa gatikkinni illuwa wo'mitinoho. Hashshano barrano fooliishshidhukkinni, «Qullaawu, qullaawu, qullaawu; Hee'rinohu, noohunna daannohu, Wo'manka Dandaannohu Mootichu Maganu» yite faarsitanno.

UMI SAAMUEELI 2:2

Kaaliiqa, ate gedeehu qullaawu ayino? Ate gedeehu wolu dino; ate Maganinke gedeehu golu dino.