FAARSO 99:1 - Qullaawa Maxaafa

¹ Kaaliiqi moohi; daga baalano qece yito; kirubeelira iimaanni ofolli; baattono huxidhanno.

FAARSO 99:1 ပူးပေါင်းရင်းမြစ်များ

LAYINKI SAAMUEELI 6:2

Konne mannano ayirrinyu barcimisi kirubeeli iimaanni noohunniha Olantote Mootichi Kaaliiqiha Maganu su'ma woshshinanniha Maganu Taaboota abbitanno gede Yihudu gobba Ba"aala yinanniwa haa're ha'ri.

UMI DUDUWO 16:30

Baattote aana heedhinanni gosa baala, albasiinni qece yitine huxidhe; baatto shashshafantannokki gede kaajjite uurritino.

FAARSO 18:10

Kirubeeli aana ofolle ha'ri; bubbete qooli aana ofolle buuwi.

FAARSO 2:6

«Tsiyooni Ilaali qullaawu aana moote'yano moohisi'roommo» yii.

FAARSO 80:1

Yooseefi sircho ge'reewu gede massagattohu, Israeelete allaalaancho ballo, macciishshinke! Kirubeeli iimaanni ayirradu barcimikkira ofolte leelli.

FAARSO 80:2

Efireemira Biiniyaamiranna Minaasera wolqakki leellishi; ninkeno gatisate amo.

FAARSO 82:5

Ki'nera kayinni egennonna wodancha dino'ne; tunsichu giddo heedhinoonni; baattote aaninni halaalu co'o yee baino.

FAARSO 93:1

Kaaliiqi mootete; kalqeno kaajjishe uurrisino; iseno dishashshafantanno.

FAARSO 96:10

Daga baalate, «Kaaliiqi mootete; kalqe shashshafantannokki gede kaajjite uurritino; dagano taashshe gashshanno» yitine kulle.

FAARSO 96:9

Qullaawu Magani leellanno woyite magansidhesi; baattote aana heedhanno gosa baala albasiinni qece yite huxidho.

FAARSO 97:1

Kaaliiqi moohinona, baatto hagiidhito; giddichuwa baalate tashshi yoonsa.

FAARSO 97:4

Banqosi beleqi kalqe xawisanno; baattono la'e huxidhanno.

FULO 25:22

Hakkiicho ani atera leelleemmohe; Gondooru Taabooti aana noo misilla mereero hee're Israeelete mannira kulatto hajajo baala eemmohe.»

ISAYAASI 19:14

Umiweelo mala maltanno gede assinohu Kaaliiqaati. Gibitse baalanka coye sodhe tufisi shalaqisheennasi uwara gatantaranno dimbaanchi gede ikkitanno.

ERMIYAASI 4:24

Ilaallate widira qole laeemmo woyite, huxidhanni no. Gaarrano laoommo; insano shafantanni no.

ERMIYAASI 49:21

Ubbinanna macciishshinanni luulinni kainohunni, baatto shafantanno; luuluno hakkiinni sae Duumu Baari geeshsha leellanno.

ERMIYAASI 5:22

Ane Kaaliiqa waajja mayira gibbini? Ane albaanni qece yaa mayira hooggini? Ani waa sae ha'rannokki gede assoommo. Wayi ayee geeshshano shafamiro, dambaluno kae luuliro, danna sa"ara didandaanno.

ERMIYAASI 50:46

Ubbinanna macciishshinanni luulinni kainohunni, baatto shafantanno; luuluno hakkiinni sae wole gobbara leellanno» yii.

HIZIQEELI 43:7

«Koo manchi beetto, kuni ayirrinyu barcima'yaati. Konne Israeelete manni mereero hegerera hee'reemmo. Kunni ka'a insanna mootoollansa kaphu maganna magansi'ratenni woy konniicho mootoollansa waa'matenni qullaawa su'ma'ya dibatteessitanno.

LUQAASI 19:12

Kunnira Yesuusi, «Mittu ayirradu manchi gashshootu roorre adhe higara xeerto gobba ha'rino.

LUQAASI 19:14

Gobbasi manni kayinni giwannosi daafira, ‹Kunni manchi ninkera moote ikkara dihasi'neemmo› yite, isi ha'rihu gedensaanni manna sokku.

LUQAASI 19:27

Insa gashshaancho ikkeemmota gibbinore hakkore baarigaarra'ya abbitine alba'yaanni shiiyye!› yiino» yiinsa.

FILIPHISIYUSI SOKKA 2:12

Kunnira, ki'ne baxillaasine'ya! Ani ledo'ne noommo yannara wo'ma woyite hajajantinanni heedhinoonni. Xa ki'newiinni fafe hee'reenna kayinni albinni roore hajajantinanni gede qaagiisseemmo'ne. Waajjatenninna huxi'ratenni gato'ne wo'ma ikkitanno gede assidhe.

YOHAANNIS AJUUJA 11:17

«Hee'roottohunna noottohu, Wo'manka Dandaattohu, Mooticha Magano! Lowo roorre angara qo'loottonna, mooha hanafootto daafira galaxxineemmohe.

YOHAANNIS AJUUJA 20:11

Hakkunni gedensaanni lowoha waajjo ayirrado barcimanna barcimu aana ofolle nooha afummo. Hatte yannara baattonna gordu albisinni xooqqu; higguwano dianfoonni.

YOHAANNIS AJUUJA 6:14

Gorduno xaanxoonni gogi gede ikke xaaxame bai. Ilaallanna giddichuwa noo darginni ka'e ba'u.