FAARSO 97:6 - Qullaawa Maxaafa

⁶ Gordu keeraanchimmasi duduwanno; daga baala ayirrinyesi la'anno.

FAARSO 97:6 ပူးပေါင်းရင်းမြစ်များ

LAYINKI SAAMUEELI 22:47

Kaaliiqi heeshshonniho; gatisannoehu golo'ya ikkino Magani galatamo; gatisinoe Magani ayirro.

FAARSO 19:1

Gordu Maganu ayirrinye kulanno; gordu dukkani angasi looso duduwanno.

FAARSO 50:6

Maganu yoo yaannoha ikkino daafira, gorduno halaalaanchimmasi farchi'ranno.

FAARSO 67:4

Halaale coyi'rattonsa daafiranna, baattote aanano heedhanno gara kulattonsa daafira, daga baala hagiirrunni faarsitohe.

FAARSO 89:2

Bagamannokkihu baxillikki hegerera hee'rannotanna, halaalaanchimmakkino gordoho soorrantukkinni heedhannota afoommo.

FAARSO 89:5

Kaaliiqa, assootto dhaggera gordu galatohe; halaalaanchimmakki daafira keeraano songonsara faarsitohe.

FAARSO 98:3

Israeelete mannira ammanamasinna bagamannokkiha baxillesi leellishi; gosa baala Maganinke gatisanno gara affu.

ISAYAASI 1:2

Kaaliiqi, «Gordonna baatto, macciishshe! Seekke lossi'roommoti ooso'ya anera gara gibbinoe.

ISAYAASI 40:5

Hatte yannara Kaaliiqi ayirrinyi leellanno; coyi'rinohu Kaaliiqa ikkino daafira, konne coye mannu baalunku illesinni la"anno.

ISAYAASI 45:6

Hatto asseemmohuno, soojjaatinni galchimi geeshsha noo gosa, ani callu Kaaliiqa ikkoommotanna, ane agurranna wolu nookkita affanno gedeeti.

ISAYAASI 6:3

Ku'u ku'unniwiinni haa'ranna baalunku, «Qullaawu! Qullaawu! Qullaawu! Olantote Mootichi Kaaliiqi, ayirrinyisi kalqe baala wo'mino» yitu.

ISAYAASI 66:18

Anino loosonsanna hedonsa afoommo daafira, gosa baala gamba assammora dayemmo; gamba yite dagganno woyite ayirrinye'ya affanno.

IMBAAQOOMI 2:14

Wayi baaraho wo'minohu gede, Kaaliiqi ayirrinye afano baatto wo'mitanno.

KIIRO 14:21

Ikkollana ani heeshshote Magano ikka'yanninna ayirrinyi'yano baatto baala wo'minoha ikkino deerrinni,

MAATEWOOSI 6:9

Kunnira ki'ne, ‹Annanke Gordoho hee'rattohu, su'mikki qullaawa ikko.

YOHAANNIS AJUUJA 19:2

Yoosi halaalaanchotenna taalote; foorresenni baatto batteessitinota, foortannota bati'ra Baabilooni qorichishino. Soqqamaanosi mundeera rabbisino» yitannota lowo huuro macciishshummo.