FAARSO 97:11 - Qullaawa Maxaafa

¹¹ Keeraanote xawaabbu fulinsa; wodana subbinorira hagiirru dayinsa.

FAARSO 97:11 ပူးပေါင်းရင်းမြစ်များ

ASTEERI 8:16

Tini Ayihudete hagiirru, hisanyootu, harshammotenna ayirrinyu yannaati.

IYYOOBI 11:17

Heeshshokki barru taalooti xawaabbinni roore xabbannohe; tunsitinohe yanna soodimari gedeeta ikkitannohe.

IYYOOBI 22:28

Hedoottori baalu qinaannohe; doogokki baalano xabbannohe.

FAARSO 112:4

Maaro, shaqqillenna sumbe afidhinorira danchuullu mannira, tunsichu giddo xawaabbu fulannonsa.

FAARSO 18:28

Ati caabbicho'ya xawisattoena; ati Kaaliiqi Magani'ya tunsicho'ya haadhe hoolatto.

FAARSO 68:4

Maganoho geebbe; su'misirano galatunni faarse; gomicho gulufe ha'rannohura doogo qixxeesse; su'misino Kaaliiqaatina, isi albaanni hagiidhe.

LAWISHSHA 4:18

«Keeraanote doogo, soodo arrishsho gedeete; barri taalooti geeshsha lexxitanni hadhanno.

ISAYAASI 58:8

Hatto assitiniro caabbichi'ne bakkalchu gede ikke xawanno; hurreno rakke dagganno'ne. Halaalaanchimma'ne alba'neenni hadhanno; Kaaliiqi ayirrinyino badheenni hee're agaranno'ne.

ISAYAASI 62:1

Keeraanchimmase soodo xawaabbi gede warri yita geeshshanna, gatoseno qansoonni caabbichi gede ikkite xabba geeshsha, Tsiyooni daafira sammi diyeemmo; Yerusaalamete daafirano digoxeemmo.

MIKIYAASI 7:9

Maganu aana sao assoommo daafira, hanqosi cinca hasiissannoe. Goofimarchoho kayinni, Maganu anera coyi'rannoe. Ane aana iillitino gawajjora yoo yaannoe. Xawaabbu widirano fushshannoe. Gatisaanchimmasino laeemmo.

YOHAANNISI 12:46

Ane amma'nannohu baalu tunsichoho hee'rannokki gede, ani tenne gobba xawaabba ikke dayommo.

GALATIYU SOKKA 6:8

Maalasi hagiirsiisate wixi'rannohu, maalisinni reyo mixxanno. Ayyaana hagiirsiisara wixi'rannohu kayinni, Ayyaanunni hegere heeshsho mixxanno.

YOHAANNIS AJUUJA 21:23

Maganu ayirrinyi xawanno daafiranna Ge'rechu caabbicho ikkino daafira, katamaho aganu woy arrishshote xawaabbi dihasiisanno.

YOHAANNIS AJUUJA 22:5

Kunni ka'a hashshu dihee'ranno; Mootichu Maganu xawisannonsa daafira, caabbichu woy arrishshote xawaabbi dihasiisannonsa. Insano hegere geeshsha mookkanno.