FAARSO 97:10 - Qullaawa Maxaafa

¹⁰ Isi bunshe gibbannore baala baxanno; Kaaliiqi keeraanote lubbo agaranno; bushu manni angannino gatisannonsa.

FAARSO 97:10 ပူးပေါင်းရင်းမြစ်များ

FAARSO 101:3

Busha coye afe sammi diyeemmo; Maganunni hee'rannokki manni loosanno looso dibaxeemmo; insa loossannori ledo xaadu dihee'rannoe.

FAARSO 119:104

Wogakkinni hayyo afi'roommo; kunnira, busha hoshsha giwoommo.

FAARSO 119:163

Kapho makki're giweemmo; seerakki kayinni baxeemmo.

FAARSO 121:7

Kaaliiqi bushu coyi baalunkuwiinni shawwu assannohe; lubbokkino agarannose.

FAARSO 125:3

Haxawarrootu danchu manni baatto aana, lowo yanna gashshite diheedhanno; hatto ikkannoha ikkiro danchu mannino, insa gede bunshe loosa rosanno.

FAARSO 145:20

Baxxannosire baala agarannonsa; bushuulle kayinni hunanno.

FAARSO 31:23

Keeraano baala, Kaaliiqa baxxesi; Kaaliiqi halaalaasine agarannonsa; boonaleeyye lowo geeshsha qorichishannonsa.

FAARSO 34:14

Bunshetewiinni xooqi; danchumma assi; keere hasi'ri; hoodesino ha'ri.

FAARSO 36:4

Ma'nasira hee're sarraaqo malanno; busha doogonni horonta difafanno; busha coye calla baxanno.

FAARSO 91:14

Maganu, «Isi ane baxanno daafira agareemmosi; su'ma'ya ayirrisanno daafira goleemmosi.

LAWISHSHA 2:8

Taalo maltannore towatannonsa; isira ammanantinore agarannonsa.

LAWISHSHA 3:7

‹Ani egennaamoho› yitooti. Kaaliiqa waajji; bunshetewiinnino xooqi.

LAWISHSHA 8:13

Kaaliiqa waajja bunshe giwate; ani boo'nanna boollaqi'ra giweemma; bunshenna sarraanqanni coye dibaxeemma.

ISAYAASI 45:17

Ki'ne Israeele kayinni hegere gatisaanchimma Kaaliiqi aanno'netenni gattinanni; hegerera saalunna shollinyu diamadanno'ne.

ERMIYAASI 15:21

Bushu manni wolqawiinni gatiseemmohe; kaajjadu anganni wodeemmohe. Konne coye coyi'roommohu ani Kaaliiqaati» yii.

DAANIEELI 3:28

Hakkunni gedensaanni moote Nabukadanatsoori, «Sidiraaqi, Misaaqinna Abidinaago Magani galatamo! Isi sokkaasinchosi soye soqqamaanosi gatisino. Insa Maganonsa addaxxite, iso agurranna wole magannara kumbuultannokki gede mootete hajajo gibbe lubbonsa sayisse uyitino.

DAANIEELI 6:22

Doobbiyu gawajjannoekki gede Maganu sokkaasincho soye afoonsa cufino. Togo assinohuno ani keeraancho ikkoommotanna ate aanano sao assoommokkita afinohuraati» yii.

DAANIEELI 6:27

«Isi gatisanno; gargareno fushshanno; isi gordohonna baattote aana, dhaggenna maalale assanno. Daanieelino doobbiyu afiinni gatisino» yee sokka soyi.

AMOOTSI 5:14

Lubbotenni heedhinanni gede, dancha ikkinnina busha coye hassinoonte. Hatto ikkitiniro, yitinanninte gede, halaalenka Olantote Mootichi Kaaliiqi, ki'ne ledo hee'ranno.

AMOOTSI 5:15

Busha coye hunne; dancha coye baxxe; yoote nafara baala halaale xeissinoonte. Miteekke Olantote Mootichi Kaaliiqi, gatinoha Israeelete manna mararannoha ikkannona.

ROOMU SOKKA 12:9

Baxilli'ne goowi aliha ikkoonke. Busha coye gibbe; dancha coye cu'midhe.

ROOMU SOKKA 7:15

Ani asseemmore diegennoommo; baxeemmore agure, giweemmore asseemmo.

ROOMU SOKKA 7:24

Ani hiittoo qarraataamooti! Tenne reyote massitannoe mannimmawiinni ayi gatisannoe?

UMI QORONTOOSI 8:3

Magano baxannoha kayinni, Maganu egenninosi.

LAYINKI TESELONQE 3:2

Baalunku ammanannoha ikkinokki daafira, bushunna shokkashshu manniwiinni ganteemmo gede huuccenke.

YAIQOOBI 1:12

Jifamate yannara cincanno manchi ba'raa'rinoho. Jifamihu gedensaanni, Maganu baxannorira uyino hexxonna heeshshote ba'latto adhanno.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

UMI PHEEXIROOSI 1:5

Ki'neno goofimarchu barra xawo fultara noo gato adhitinanni gede, ammanate widoonni Maganu wolqanni agarantinoonni.

UMI PHEEXIROOSI 1:8

Yesuusa Kiristoosa la'inoonnikkiha ikkirono baxxinannisi. Xa la'inoonnisikkiha ikkirono, ammantinannisi; kulle dandiinannikkihanna ayirrado hagiirre hagiidhitinanni.

UMI YOHAANNISI 4:19

Maganu ninke balaxe baxinonke daafira ninkeno banxeemmosi.

UMI YOHAANNISI 5:18

Maganu ila ikkinohu baalu cubbo diloosanno; Maganu Beetti agarannosi daafira, bushuno digawajjannosi.

YOHAANNIS AJUUJA 13:8

Kalqe kalaqantara albaanni, gorramino Ge'rechi maxaafi heeshshonnihu giddo su'mansa borreessinoonnikkiri, baattote aana heedhannori baalu moyicho magansidhanno.