FAARSO 96:4 - Qullaawa Maxaafa

⁴ Kaaliiqi lowoho; lowo galati hasiisannosiho; wole maganna baalantenni roore ayirradoho.

FAARSO 96:4 ပူးပေါင်းရင်းမြစ်များ

LAYINKI DUDUWO 2:4

Kune ani Magani'ya Kaaliiqira Mine minate kaoommo. Kuni minino aninna manni'ya Kaaliiqira su'naanno hixaana giirreemmowa, qullaawa timano wo'manka woyite shiqinsheemmowa, barru baala soodonna hawarro shilqote kakkalo shiqinsheemmowa, Fooliishshote Barra, Aganu Leellannoteranna wole ayyaanna ayirrinseemmowa ikkanno. Konne coye Israeelete manni hegere geeshsha assanno gede Kaaliiqi hajajino.

NEHIMIYA 9:5

Iyyaasu, Qadimieeli, Baani, Hashebaaniya, Sherebiya, Hoodiya, Shebaaniyanna Fetahiya yinanni Leewaawooti, «Ka'ine uurritine Magano'ne Kaaliiqa galatte; Kaaliiqa hegere hegerera guwissesi. Mannu guwishshi jawimmasi gudise leellishate guutinokkiha ikkiro nafa, ayirradu su'miha Kaaliiqa guwissesi» yitu.

FAARSO 145:3

Kaaliiqi lowoho; lowo galati hasiisannosiho; lowimmasino mannu hedora aleenniiti.

FAARSO 150:2

Wolqaataamu loosisi daafira galattesi; qoossa nookki jawimmasira galattesi.

FAARSO 18:3

Galatu hasiisannosiha Kaaliiqa woshshi'reemmo; isino baarigaarra'yawiinni gatisannoe.

FAARSO 48:1

Kaaliiqi lowoho; Maganinke qullaawu ilaalira noohura katamisira lowo geeshsha galataminoho.

FAARSO 66:3

Magano, «Loosikki dhaggenniho; wolqakkino lowota ikkitinohura, baarigaarrakki huxidhe waajjitannohe.

FAARSO 66:5

Amme, Maganu looso la'e! Isi mannu mereero maala'linannire assino.

FAARSO 76:7

Magano! Ati baalunku waajjannoheho. Hanqatto woyite albakkiinni uurrannohu dino.

FAARSO 86:10

Magano, ati jawaho; maala'linanni coye assatto; Maganu ate callaati.

FAARSO 89:7

Keeraanote songo mereero Kaaliiqi ayirradoho; qooxeessaho noorira baalaho jawahonna waajjishannoho.

FAARSO 95:3

Kaaliiqi lowo Maganooti; maganna baalate aliidi mooteeti.

FULO 18:11

Gibitsootu aana'ne boo'nitino boo'na lae angansanni gatise fushshino'nena, Kaaliiqi maganna baalanta roorinota xa afummo» yii.

ERMIYAASI 5:22

Ane Kaaliiqa waajja mayira gibbini? Ane albaanni qece yaa mayira hooggini? Ani waa sae ha'rannokki gede assoommo. Wayi ayee geeshshano shafamiro, dambaluno kae luuliro, danna sa"ara didandaanno.

DAANIEELI 2:47

Moote Daanieelira, «Ate Magani maganna baala rooreho; mootoolla baalate mootichaati; go'lino coye baala leellishara dandaannoho. Konne jawa go'lino coyeno leellisha dandoottohu kunniraati» yiisi.

LUQAASI 12:5

Waajjitinanniha kuleemmo'nena, shiihu gedensaanni gaannaamete giirara tugate roorre afi'rinoha Magano waajje! Halaale kuleemmo'nena, iso waajje!

YOHAANNIS AJUUJA 15:4

Mooticha'ya, ate waajjannokkihunna su'makki ayirrisannokkihu ayeti? Qullaawu ate callaati. Halaalunniti yookki xawo fultino daafira, gosa baala dagge albakkiinni magansidhannohe» yite faarsitu.

UMI SAAMUEELI 4:8

Ba'nummo! Wolqaataame Israeelete maganna anganni ayi gatisannonke? Gibitsoota halalla addi addi qoomaminni gantinoti tenne magannaati.