FAARSO 96:2 - Qullaawa Maxaafa

² Kaaliiqira faarse; iso galatte; barru barrunku gatisaanchimmasi dudubbe.

FAARSO 96:2 ပူးပေါင်းရင်းမြစ်များ

UMI DUDUWO 29:20

Hakkunni gedensaanni Daawiti manna, «Magano'ne Kaaliiqa galatte!» yii. Gamba yee noo manni baalu akaakkansa Magano Kaaliiqa galati. Baattote aana gombisame Kaaliiqira kumbuuli; mooteteno ayirrinye uyi.

FAARSO 103:20

Coyi'rannore macciishshitinanniri, hajajosi wonshitinanniri, ki'ne wolqaataammu sokkaasine Kaaliiqa galattesi.

FAARSO 145:1

Magano'yanna moote'ya, lowimmakki duduweemmo; hegerera galateemmohe.

FAARSO 145:10

Kaaliiqa, kalaqoottohu baalu galatannohe; mannikki baalu guwisannohe.

FAARSO 145:2

Barru barrunkunni galateemmohe; hegere hegerera galateemmohe.

FAARSO 40:10

Assite gatisoottoe gara dimaaxoommo; ammanamakkinna keeraanchimmakki songote mereero duduweemmo; bagamannokki baxxillekkinna halaalekki kula diagureemmo.

FAARSO 71:15

Loosikki kiirre gundannikkiha ikkiro nafa, afii'ya barra baala keeraanchimmakkinna gatisaanchimmakki coyi'ranno.

ISAYAASI 40:9

Tsiyoonira dancha duduwo kulattohu, jawu ilaali iimira fuli! Yerusaalamete dancha duduwo kulattohu, qoonqokki naggi assite lallawi! Qoonqokki naggi assi; waajjitooti! Yihudu katammara, «Magani'ne daanni no» yite kulinsa.

MAARQOOSI 16:15

Qoleno, «Gobba baala hadhine Dancha Duduwo kalaqama baalaho lallabbe!

SOQQAMAASINETE LOOSO 13:26

«Ki'ne roduuwa'ya, Abirihaami sirchinni ilantinoonnirinna Magano waajjitinanni daga baala, kuni gatote qaali dayinohu ninkeraati.

EFESOONI SOKKA 1:3

Gordu gobbara Kiristoosinni ayyaanaame maasso baala ee maassi'rinonkehu Mootichinke Yesuusi Kiristoosi Maganinna Anni galatamo!

YOHAANNIS AJUUJA 5:13

Gordohonna baattote, baattote woroonni, baaru giddo noo kalaqami baalu, giddonsa noohu lubbo afi'rino kalaqami baalu, «Galatu, ayirrinyu, gaamaarrenna wolqa, hegerenni hegere geeshsha, ayirradu barcimira ofolle noohuranna, Ge'rechoho iillito» yitanni faarsitanna macciishshummo.