FAARSO 96:10 - Qullaawa Maxaafa

¹⁰ Daga baalate, «Kaaliiqi mootete; kalqe shashshafantannokki gede kaajjite uurritino; dagano taashshe gashshanno» yitine kulle.

FAARSO 96:10 ပူးပေါင်းရင်းမြစ်များ

FAARSO 126:2

Lowo geeshsha tashshi yeennanke, hagiirru faarso faarsinoommo; wole gosano, «Kaaliiqi bayira coye assinonsa» yitu.

FAARSO 18:49

Kunnira, Kaaliiqa! Ate dagate mereero galateemmohe; su'makkino faarsotenni guwiseemmo.

FAARSO 46:10

Fooliishshidhe; ani Magano ikkoommotano egenne! Dagate mereeronna baattote aana ayirreemmo.

FAARSO 46:6

Daga waajjite raartu; gashshootuwano huxidhu; Maganu qoonqosi macciishshiishi woyite baattono daaqqu.

FAARSO 58:11

Hatte yannara mannu, «Halaalintanni keeraano angasinni ba'raa'ra adhitanno; hada baattote aana halaale coyi'ranno Magani nooni?» yaanno.

FAARSO 59:13

Insa hanqikkinni huni; shakki assite gudi; Maganu Israeeletenni sae baatto baalate gashshaancho ikkinota, baalunku hakkawoyite affanno.

FAARSO 67:4

Halaale coyi'rattonsa daafiranna, baattote aanano heedhanno gara kulattonsa daafira, daga baala hagiirrunni faarsitohe.

FAARSO 7:9

Mulenna mudukko afattohu halaalaanchu Magani, cubbaataammu bunshe huni; keeraanote kayinni ba'raasinsa.

FAARSO 9:8

Isino gobba gosate halaale coyi'ranno; dagano taashshe gashshanno.

FAARSO 9:9

Kaaliiqi gadadaammaho golonsaati; qarrinsa yannarano golonsaati.

FAARSO 93:1

Kaaliiqi mootete; kalqeno kaajjishe uurrisino; iseno dishashshafantanno.

FAARSO 96:13

Kaaliiqi baattote aana yoo yaara daanno; manna baalaho taalonna halaalaancho yoo yaanno.

FAARSO 98:9

Isi baattote aana baalunkura halaalenna taalo coyi'rara daanni noona, insa Kaaliiqa magansidho!

ISAYAASI 49:8

Kaaliiqi, «Ani baxoommo yannara huuccattokki macciishshoommohe; gatote barrano kaa'leemmohe. Galagalchite gobba dhaawatto gede, diigantinota dargase qolatto gede, ate widoonni hige daga baalate ledo gondooro e"eemmo.

ISAYAASI 52:7

Ilaallate aana keerunnirenna gatonnire hasaawannohu, dancha duduwo duduwannohunna, «Maganikki moohanno» yee, Tsiyoonira kulanno sokkaanchi lekka hiitto biiffinote!

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

MILKIYAASI 1:14

Saadasi giddo dancha saada aate xa'ne kae, minshoonni saada shiqishannohu dogaanchu manchi rumaminoha ikko. Ani jawa mooteeti; Olantote Mootichaati; daga baalano su'ma'ya waajjitanno» yii.

MAATEWOOSI 3:2

Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!

SOQQAMAASINETE LOOSO 17:31

Isi doodhino manchi widoonni qole manna baalaho halaalu yoo yaanno barra hirqino. Konne coye manna baalaho egensiisinohu, isi doodhinoha reyotenni kayiseeti» yii.

GALATIYU SOKKA 1:16

Dagate Dancha Duduwo kulammora Maganu Beettosi leellishaera hasi'ri yannara mannunni diamaalamoommo.

QOLASIYAASI SOKKA 2:7

Isi aana rumuxxitine uurritine, rossinoonni garinni ammanatenni kaajje. Galati'neno hala'lo.

IBIRAAWOOTA 1:3

Isi Maganu ayirrinye xawise leellishino; isi ewelummasinni gudise Maganu ledo mittoho. Kalqe baala wolqaataamu qaalisinni irkise amade no. Mannano cubbunni keereensihu gedensaanni, gordoho ayirradu gashshaanchi Maganu qiniiteenni ofollino.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.

YOHAANNIS AJUUJA 19:11

Hakkunni gedensaanni gordu fa'name hee'reenna, waajjo farashsho afummo. Gulufe nooha, «Ammanaminohonna Halaalaanchoho» yinanni. Isi taalo yoo yaanno; taalotenni olamanno.

YOHAANNIS AJUUJA 19:6

Xaano lowo manni huuro labbannota, shooshshanno wayi luulinna banqote beleqi gedee gugatto, «Halleeluya! Wo'manka Dandaannohu Mootichinke Maganu moohino!