FAARSO 94:10 - Qullaawa Maxaafa

¹⁰ Daga baala seejjannohu insa diqorichishanno? Manna wo'manka rosiisannohu, isi egenno diafi'rinoho?

FAARSO 94:10 ပူးပေါင်းရင်းမြစ်များ

IYYOOBI 28:28

Maganu mannaho, «Kuneeti, Mooticha waajja egennote; bunshetewiinni fafano afate» yiino.

IYYOOBI 34:29

Maganu konne baala afe mittoreno assa giwiro, busha assootto yee coyi'rannosihu ayeti? La'nannikki gede alba maaxi'riro, la"asira dandaannohu dino; isi gobba gosate aliidiho.

IYYOOBI 35:11

Saadatenninna ceatenni roorse egennaamma assinonkehuwa, Maganunniwa higa dibaxxanno.

FAARSO 10:16

Kaaliiqi hegerera moohe hee'ranno; wole maganna magansidhannori baattosi aaninni ba'anno.

FAARSO 119:66

Hajajokki hawaqi'reemmo daafira, ogimmanna egenno uyie.

FAARSO 149:7

Togo assitanni olaho fulturo, gashshaano qeelate, gosa qorichishate,

FAARSO 44:2

Ati daga baattonsa aaninni shorrite, ate manna baattonsara worootto; wole gosa qorichishshe, mannakki kayinni qawaaxxisootto.

FAARSO 9:5

Daga rufitto; bushuulleno guditto; su'mansano hegerera co'o assite hunitto.

LAWISHSHA 2:6

Egenno aannohu Kaaliiqaati; egennonna buuxa daggannohu isiwiinniiti.

ISAYAASI 10:12

Kaaliiqi kayinni, «Tsiyooni Ilaalinna Yerusaalamete aana asseemmore gudummohu gedensaanni, boo'nasinna naaxxasi daafira Asoori moote qorichisheemmo» yii.

ISAYAASI 2:3

Kunnira lowo manni, «Seeru Tsiyooninni, Kaaliiqi qaalino Yerusaalametenni fulannona, amme Kaaliiqi Ilaala fullona. Qullaawu Yaiqoobi Magani Minira ha'nona; isino hedinore kulannonke; ninkeno isi doogo hinge ha'neemmo» yaanno.

ISAYAASI 28:26

Loosi'rannohura Maganisi, gara ikkino coye kulannosi.

ISAYAASI 37:36

Hakko hashsha Kaaliiqi sokkaasinchi Asoorootu qacha e"e, 185,000 olanto shii. Israeelete manni soodo goxinowiinni ka"anno woyite base baala diinu reeshshaati.

ISAYAASI 54:13

«Oosokki baala ani Kaaliiqi rosiiseemmo; oosokki keerino bati'rinoha ikkanno.

ERMIYAASI 10:25

Hanqokki ate egentinokki daganna, ate magansidhannokkiri aana dirrisi. Insa mannakki guddino; ninke baalanaka co'o assite gudde, baattonke mulla assitino.

HIZIQEELI 39:21

Kaaliiqi, «Baattote aana noo daga baala qorichisheemmo yannara, ayirrinyi'ya lowimma la'anno.

AMOOTSI 3:2

Baattote aana hee'ranno manni baalu giddonni, ani dooroommori ki'ne calluwaho. Loossinanni cubbi baalaho, qorichisheemmo'nehuno kunniraati.

IMBAAQOOMI 1:12

Imbaaqoomi qole, «Kaaliiqa Magano'ya, ati bi're hundinni kayisse nootto qullaawaatinna hegerera hee'rattoho. Ninkeno direyineemmo. Golonke ikkoottohu Maganonke, cubbinkenni kainohunni Baabilooni gosa aananke kayisoottohunna wolqano oottonsahu ateeti.

IMBAAQOOMI 3:12

Hanqite baattote aana ha'ramootto; daga baalano kakkadootto.

YOHAANNISI 6:45

Himanaanote maxaaffa giddo, ‹Mannu baalu Maganuwiinni rosanno› yine borreessinoonni. Kunnira, Anni'yawiinni macciishshe rosinohu baalu anewa daanno.