FAARSO 93:1 - Qullaawa Maxaafa

¹ Kaaliiqi mootete; kalqeno kaajjishe uurrisino; iseno dishashshafantanno.

FAARSO 93:1 ပူးပေါင်းရင်းမြစ်များ

UMI DUDUWO 16:30

Baattote aana heedhinanni gosa baala, albasiinni qece yitine huxidhe; baatto shashshafantannokki gede kaajjite uurritino.

UMI DUDUWO 16:31

Gordu hagiidho; baattoteno tashshi yoose; daga baalate, «Kaaliiqi mootete» yitine kulle.

UMI DUDUWO 29:12

Jironna ayirrinye afi'nannihu atewiinniiti; wo'manka gashshoottohu ateeti; wolqanna jawaante angakki no. Ati manna jawaatanna wolqaataamo assa dandaatto.

IYYOOBI 40:10

Hattooha ikkoottoro, lowo ayirrinyinninna jawimmatenni kai! Xirchonna gaacheena tuulati!

FAARSO 103:19

Kaaliiqihu ayirradu barcimi gordoho no; isi wo'munkura aliidi gashshaanchooti.

FAARSO 145:13

Gashshootikki hegereho; ati ilamate ilamara mootete. Kaaliiqi gondoorisira ammanaminoho; isi kalaqinore baala mararanno.

FAARSO 18:32

Wolqa aannoehunna, doogo'ya keerunnita assannoehu Kaaliiqaati.

FAARSO 59:13

Insa hanqikkinni huni; shakki assite gudi; Maganu Israeeletenni sae baatto baalate gashshaancho ikkinota, baalunku hakkawoyite affanno.

FAARSO 65:6

Jawaata wolqakki leellishshanni, ilaalla base basensara uurrisootto.

FAARSO 65:7

Baaru dambali luulattonna, mannu canco sammi assatto.

FAARSO 75:3

Baattonna baattote aana noori baalu daaqanno yannara, ani baattote tuuqqa kaajjisheemmo.

FAARSO 96:10

Daga baalate, «Kaaliiqi mootete; kalqe shashshafantannokki gede kaajjite uurritino; dagano taashshe gashshanno» yitine kulle.

FAARSO 97:1

Kaaliiqi moohinona, baatto hagiidhito; giddichuwa baalate tashshi yoonsa.

FAARSO 99:1

Kaaliiqi moohi; daga baalano qece yito; kirubeelira iimaanni ofolli; baattono huxidhanno.

ISAYAASI 11:5

Mannasi taashshatenninna halaalunni gashshanno.

ISAYAASI 45:12

Baatto kalaqe, mannano aanase hee'ranno gede assoommohu aneeti; gordo anga'yanni diriirse, aanaho beeddahe diroommohu aneeti.

ISAYAASI 45:18

Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.

ISAYAASI 49:8

Kaaliiqi, «Ani baxoommo yannara huuccattokki macciishshoommohe; gatote barrano kaa'leemmohe. Galagalchite gobba dhaawatto gede, diigantinota dargase qolatto gede, ate widoonni hige daga baalate ledo gondooro e"eemmo.

ISAYAASI 51:16

Gorduwa diriirsoommohunna baatto xintoommohu aneeti. Tsiyoonino, ‹Ati manna'yaati› yeemmo; qaale'ya afiikkira woroommo; ateno anga'ya caalinni goloommo» yii.

ISAYAASI 51:9

Kaaliiqa ballo kai! Ka'e wolqakki leellishi! Albi ilamara assittonte gede kainke! Reaabi murmuroottohu ateeti.

ISAYAASI 52:7

Ilaallate aana keerunnirenna gatonnire hasaawannohu, dancha duduwo duduwannohunna, «Maganikki moohanno» yee, Tsiyoonira kulanno sokkaanchi lekka hiitto biiffinote!

ISAYAASI 59:17

Isi keeraanchimma siwiilu uddano gede uddi're, gatissanno wolqano siwiilu gullee gede asse wodhi. Isi coye baala taashshate, manna shetissannore qorichishatenna rabbisate, lowo geeshsha halchi.

ISAYAASI 63:1

Kuni Edoomi gobbanni Bootsira Kataminni, duumo imaana uddi're daannohu ayeti? Wolqatenni wo'me, ayirrado imaana uddi're qa'naafanni noohu ayeti? Taalo yoo yeemmohu, gatisate wolqa nooehu ani Kaaliiqaati.

MAATEWOOSI 6:13

Bushu coyiwiinni gatisinke ikkinnina, jifammeemmo gede assitootinke. [Gashshootu, wolqanna ayirrinyu hegerera atehona. Hamii'ni!›] yitine huuccidhe.

IBIRAAWOOTA 1:8

Beettisire qole, «Magano! Mootimmakki barcimi hegerera hee'rannoho; keeraanchimma gashshootikki siqqichooti.

YOHAANNIS AJUUJA 19:6

Xaano lowo manni huuro labbannota, shooshshanno wayi luulinna banqote beleqi gedee gugatto, «Halleeluya! Wo'manka Dandaannohu Mootichinke Maganu moohino!