FAARSO 90:2 - Qullaawa Maxaafa

² Ilaalla kalaqantara albaanni, baattono safantara albaanni, hegere hegerera ati Maganoho.

FAARSO 90:2 ပူးပေါင်းရင်းမြစ်များ

KALAQAMA 1:1

Maganu umo asse gordonna baatto kalaqino.

IYYOOBI 15:7

«Manna balaxxe ilamoottohu ateetini? Woy ilaalla kalaqantara albaanni noottoni?

IYYOOBI 36:26

«Maganu jawimma mageeshshitero, afa dandaannohu nookkita egenni; dirisi mageeshshihoro afinohu dino.

FAARSO 102:13

Tsiyooni mararatto yanna daggino daafira, ati ka'e katama jawaachishatto; kuneeti yannano xaati.

FAARSO 103:17

Kaaliiqi kayinni waajjitannosirira baalaho, hegere geeshsha bagamannokkiha baxillesi leellishannonsa; keeraanchimmasino ilamate ilamara iillishanno.

FAARSO 146:6

Kaaliiqi gordo, baatto, baaranna giddosi noore baala kalaqinoho. Isi wo'manka woyite gondoorosi agaranno.

FAARSO 33:9

Isi coyi'reenna kalqe kalaqantino; isi hajajeenna baalunkuri xawo fulino.

FAARSO 93:2

Ayirrinyu barcimikki hundinni kayise qixxaawinoho; ati kalaqamaho albaanninni noottoho.

FULO 8:6

Aaroonino Gibitsete wayi baalu aana siqqosi kayisi; beche'naamano fulte baatto wo'mitu.

ISAYAASI 44:6

Olantote Magani Israeelete moote gatisaanchu Kaaliiqi, «Albihuno gedensihuno aneeti; ane agurranna wolu Magani dino.

ISAYAASI 45:22

«Ane agurranna wolu magani nookki daafira, baattote qacce geeshsha heedhinoonniri baalu, anewa daggine gato afidhe.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

DAANIEELI 7:9

Ani la"anni hee'reenna, ayirradda mootete barcimma, aante aantetenni dirantu. Hegerera Hee'rannohu umisi barcimi aana ofolli; uddanosi kaadete gedeete; shaallote gede waajjote. Isi ofollino barcimi giirate gede buwanno; qalaame barcimu lekkuwa giirate gede wala wala yitanno.

MIKIYAASI 5:2

Maganu, «Ati Efiraata baattora hee'rattati Beeteliheme! Ayee geeshshano Yihudu katammanni maa'ne ikkittarono, hundunni kayise hegerera ikkannohu Israeelete gashshaanchi atewiinni fulanno» yaanno.

IMBAAQOOMI 1:12

Imbaaqoomi qole, «Kaaliiqa Magano'ya, ati bi're hundinni kayisse nootto qullaawaatinna hegerera hee'rattoho. Ninkeno direyineemmo. Golonke ikkoottohu Maganonke, cubbinkenni kainohunni Baabilooni gosa aananke kayisoottohunna wolqano oottonsahu ateeti.

IBIRAAWOOTA 13:8

Yesuusi Kiristoosi be'rono techono hegere geeshsha isoontilla.

YOHAANNIS AJUUJA 1:8

Noohunna hee'rinohu, daannohuno, Wo'manka Dandaanno Magani Kaaliiqi, «Albihunna Gedensihu aneeti» yaanno.